3 ЦАРСТВАЎ 3:1 - Кнігі Святога Пісання - Біблія - Біблія — пераклад Чарняўскага (выданне 2017 года)

І парадніўся Саламон з фараонам, царом Егіпецкім. Бо ўзяў за жонку дачку фараона, і ўвёў яе ў горад Давідаў, пакуль яшчэ не пабудаваў дом сабе, і дом Госпадаў, і муры кругом Ерузаліма.

Біблія (пераклад А.Бокуна)

І пасваячыўся Салямон з фараонам, валадаром Эгіпту, і ўзяў за жонку дачку фараона. І ўвёў ён яе ў горад Давіда, калі яшчэ не пабудаваў дом сабе, і Дом ГОСПАДА, і муры кругом Ерусаліму.

Біблія (пераклад В. Сёмухі)

Саламон парадніўся з фараонам - царом Егіпецкім і ўзяў за сябе дачку фараона і ўвёў яе ў горад Давідаў, пакуль не пабудаваў дома свайго і дома Гасподняга і мура вакол Ерусаліма.

3 ЦАРСТВАЎ 3:1 Крыжаваныя спасылкі

2 ЦАРСТВАЎ 5:7

Давід, аднак, здабыў крэпасць Сіён: ён стаў горадам Давідавым.

3 ЦАРСТВАЎ 11:1

А цар Саламон пакахаў шматлікіх іншаземных жанчын, апрача дачкі фараона, і маабак, і аманіцянак, і эдомак, і сідонак, і хетэек,

3 ЦАРСТВАЎ 2:10

І супачыў Давід з бацькамі сваімі, і быў пахаваны ў горадзе Давідавым.

3 ЦАРСТВАЎ 6:1

У чатырыста васьмідзесятым годзе па выхадзе ізраэльцаў з зямлі Егіпецкай, на чацвёрты год царавання Саламона над Ізраэлем, у месяцы Зіў, — гэта другі месяц, — пачаў ён будаваць дом Госпаду.

3 ЦАРСТВАЎ 7:1

А свой дом будаваў Саламон трынаццаць гадоў, пакуль цалкам закончыў яго.

3 ЦАРСТВАЎ 7:8

І дом, у якім жыў, быў у іншай зале ўнутры прысенка, і такім жа чынам зроблены. Збудаваў ён таксама дом, падобны да таго прысенка, для дачкі фараона, якую ўзяў за жонку Саламон.

3 ЦАРСТВАЎ 9:1

Сталася ж пасля таго, як Саламон скончыў будаваць святыню Госпада і палац царскі, і ўсё, што задумаў і хацеў зрабіць,

3 ЦАРСТВАЎ 9:10

А па дваццаці гадах, пасля таго як Саламон збудаваў два дамы, — гэта значыць святыню Госпада і палац царскі, —

3 ЦАРСТВАЎ 9:24

А дачка фараона выйшла з горада Давідава ў свой дом, які пабудаваў ёй Саламон; тады ён пабудаваў Мэло.

1 ЛЕТАПІСАЎ 11:7

А Давід абжыўся ў крэпасці, і ад таго была названа Горадам Давіда.

2 ЛЕТАПІСАЎ 18:1

Такім чынам, Язафат быў багатым і вельмі слаўным, і зрадніўся ён з Ахабам.

2 ЛЕТАПІСАЎ 8:11

Дачку ж фараона перавёў з горада Давіда ў дом, для яе пабудаваны, бо казаў цар: «Не павінна жанчына прабываць у мяне ў доме Давіда, цара Ізраэля, бо ён ёсць месца святое таму, што ўвайшоў у яго каўчэг Госпада».

ЭЗДРЫ 5:11

А далі яны нам адказ такімі словамі: “Мы — паслугачы Бога неба і зямлі, і будуем святыню, якая была пабудавана многа гадоў таму, і якую будаваў і скончыў вялікі цар Ізраэля.

ЭЗДРЫ 9:14

ці і далей маем парушаць прыказанні Твае і сваячыцца з народамі агіднасцей гэтых? Ці ж Ты не разгневаўся на нас аж да вынішчэння, каб не засталося рэшты і збаўлення?

ДРУГІ ЗАКОН 23:8

тыя, што нарадзіліся ад іх у трэцім пакаленні, могуць увайсці ў супольнасць Госпадаву.