ГАЛЯТАЎ 6:8 - Біблія (пераклад В. Сёмухі)

хто сее ў плоць сваю, ад плоці пажне прахласьць; а хто сее ў Дух, ад Духа пажне жыцьцё вечнае.

Біблія (пераклад А.Бокуна)

Хто сее ў цела сваё, з цела будзе жаць сапсутасьць; а хто сее ў Дух, з Духа будзе жаць жыцьцё вечнае.

Кнігі Святога Пісання - Біблія - Біблія — пераклад Чарняўскага (выданне 2017 года)

бо хто сее ў цела сваё, з цела і пажне знішчэнне; а хто сее ў дух, з духа пажне жыццё вечнае.

ГАЛЯТАЎ 6:8 Крыжаваныя спасылкі

ЁВА 4:8

Як я бачыў, дык тыя, што аралі бязбожнае і сеялі ліхое, жнуць яго;

ВЫСЛОЎІ 11:18

Бязбожны робіць справу ненадзейную, а таму, хто сее праўду - узнагарода пэўная.

ВЫСЛОЎІ 22:8

Хто сее няпраўду, пажне буру, і біч гневу яго прападзе.

ЭКЛЕЗІЯСТА 11:6

Раніцай сей насеньне тваё і ўвечары не давай адпачынку руцэ; бо ня ведаеш ты, ці тое, ці іншае дасьць большы плён альбо тое і іншае будзе аднолькава добра.

ІСАІ 32:20

Дабрашчасныя вы, што сееце каля ўсіх водаў і пасылаеце туды вала і асла.

ЕРАМІІ 12:13

Яны сеялі пшаніцу, а зжалі церне; вымучыліся, і не атрымалі ніякай карысьці; пасаромейцеся ж такіх прыбыткаў вашых з прычыны палымянага гневу Госпада.

АСІІ 10:13

Вы ўраблялі беззаконьні, ясьце плод ілжы, бо ты спадзяваўся на шлях твой, на мноства ваяроў тваіх.

АСІІ 8:7

Як што яны сеялі вецер, дык і пажнуць буру: хлеба на корані ня будзе ў яго, зерне ня дасьць мукі, а калі і дасьць, дык чужыя праглынуць яе.

МАЦЬВЕЯ 19:29

і кожны, хто пакіне дамы, альбо братоў, альбо сёстраў, альбо бацьку, альбо маці, альбо жонку, альбо дзяцей, альбо землі дзеля імя Майго, атрымае ў сто разоў больш і ўспадкуе жыцьцё вечнае.

МАЦЬВЕЯ 25:46

І пойдуць гэтыя на пакуты вечныя, а праведнікі ў жыцьцё вечнае.

ЛУКАША 18:30

і не атрымаў бы намнога больш у гэты час, і ў век будучага жыцьця вечнага.

ЯНА 4:14

а хто будзе піць ваду, якую Я дам яму, той не спрагнецца вавек; а вада, якую Я дам яму, зробіцца ў ім крыніцай вады, якая пацячэ ў жыцьцё вечнае.

ЯНА 4:36

хто жне, дастае ўзнагароду і зьбірае плод у жыцьцё вечнае, так што і сейбіт і жнец разам радавацца будуць;

ЯНА 6:27

дбайце не пра ежу прахлую, а пра ежу, што застаецца на жыцьцё вечнае, якую дасьць вам Сын Чалавечы; бо на Яго паклаў пячатку Сваю Айцец, Бог.

РЫМЛЯНАЎ 13:14

але апранецеся ў Госпада (нашага) Ісуса Хрыста, і клопат пра цела не ператварайце ў пахаценьні.

РЫМЛЯНАЎ 6:13

і не аддавайце чэлесаў вашых грэху як прыладу няправеднасьці, а аддайце сябе Богу як паўсталых зь мёртвых, і чэлесы вашыя Богу як прылады праведнасьці.

РЫМЛЯНАЎ 6:23

Бо расплата за грэх - сьмерць, а дар Божы - жыцьцё вечнае ў Хрысьце Ісусе, Госпадзе нашым.

РЫМЛЯНАЎ 8:11

Калі ж Дух Таго, Хто ўваскрэсіў зь мёртвых Ісуса, жыве ў вас, дык Той, хто ўваскрэсіў Хрыста зь мёртвых, ажывіць і вашыя сьмяротныя целы Духам Сваім, Які жыве ў вас.

РЫМЛЯНАЎ 8:13

бо, калі жывяце паводле плоці, дык памраце, а калі Духам нішчыце ўчынкі плоцкія, жыць будзеце;

РЫМЛЯНАЎ 8:6

Помыслы плоцкія - сьмерць, а помыслы Духа - жыцьцё і мір,

1 КАРЫНФЯНАЎ 15:42

Так і пры ўваскрэсеньні мёртвых; сеецца ў тленьні, паўстае ў нятленьні;

ГАЛЯТАЎ 6:7

Ня крывеце душою: Бог паганьбёны ня бывае. Што пасее чалавек, тое і сажне:

1 ЦІМАФЕЯ 1:16

Але на тое я і памілаваны, каб Ісус Хрыстос ува мне першым паказаў усю доўгую цярплівасьць, у прыклад тым, якія будуць верыць у Яго дзеля жыцьця вечнага.

ЦІТА 3:7

каб, апраўдаўшыся Ягонай мілатою, мы згодна са спадзяваньнем зрабіліся спадкаемцамі жыцьця вечнага.

ЯКАВА 3:18

А плод праўды ў міры сеецца творцамі міру.

2 ПЯТРА 2:12

Яны, як бязмоўныя жывёлы, якіх водзіць іхняя прырода, народжаныя на ўпаляваньне і вынішчэньне, ліхасловячы тое, чаго не разумеюць, у разбэшчанасьці сваёй вынішчацца;

2 ПЯТРА 2:19

абяцаюць ім свабоду, а самыя рабы тленьня; бо, хто кім пераможаны, той таму і раб.

ЮДЫ 1:21

захоўвайце сябе ў любові Божай, чакаючы міласьці ад Госпада нашага Ісуса Хрыста, на вечнае жыцьцё;

АДКРЫЦЦЁ 22:11

Няправеднік хай яшчэ робіць няпраўду; нячысты хай яшчэ апаганьваецца; праведнік хай творыць праўду яшчэ, і сьвяты хай асьвячаецца яшчэ.