ГАЛЯТАЎ 6:7 - Біблія (пераклад В. Сёмухі)

⁷ Ня крывеце душою: Бог паганьбёны ня бывае. Што пасее чалавек, тое і сажне:

Біблія (пераклад А.Бокуна)

⁷ Не падманвайцеся, з Бога не пасьмяешся. Бо што чалавек сее, тое і будзе жаць.

Кнігі Святога Пісання - Біблія - Біблія — пераклад Чарняўскага (выданне 2017 года)

⁷ Не падманвайце сябе: з Бога не пасмяешся. Што чалавек пасее, тое і пажне;

ГАЛЯТАЎ 6:7 Крыжаваныя спасылкі

2 КАРЫНФЯНАЎ 9:6

Пры гэтым (скажу): хто сее скупа, той скупа і пажне; а хто сее шчодра, той шчодра і пажне.

АСІІ 10:12

Сейце ў сабе праўду - і пажняце міласьць; разворвайце ў сябе навіну, бо час - знайсьці Госпада, каб Ён, калі прыйдзе, дажджом выліў на вас праўду.

ЁВА 4:8

Як я бачыў, дык тыя, што аралі бязбожнае і сеялі ліхое, жнуць яго;

1 КАРЫНФЯНАЎ 15:33

Не давайцеся ў зман; дрэнныя суполькі псуюць добрыя норавы.

ВЫСЛОЎІ 11:18

Бязбожны робіць справу ненадзейную, а таму, хто сее праўду - узнагарода пэўная.

ВЫСЛОЎІ 1:31

за тое няхай ядуць яны з плоду дарог сваіх і насычаюцца з парадаў сваіх.

ЭФЭСЯНАЎ 5:6

Хай ніхто ня зводзіць вас пустымі словамі, бо за гэта прыходзіць гнеў Божы на сыноў бунтоўных:

АСІІ 8:7

Як што яны сеялі вецер, дык і пажнуць буру: хлеба на корані ня будзе ў яго, зерне ня дасьць мукі, а калі і дасьць, дык чужыя праглынуць яе.

1 КАРЫНФЯНАЎ 6:9

Хіба ня ведаеце, што няправедныя Царства Божага не спадкуюць? Не ашуквайце саміх сябе: ні блудадзеі, ні балвахвалы, ні пералюбцы, ні ганебцы, ні рукаблуды, ні мужаложцы,

ВЫСЛОЎІ 6:14

хітрына ў сэрцы ў яго, ён намышляе ліхое ва ўсякі час, сее разлад.

ЁВА 15:31

Хай не давярае марнасьці аблудны, бо марнасьць будзе і платай яму.

ЛУКАША 16:25

Але Абрагам сказаў: дзіця! згадай, што ты атрымаў ужо добраснае тваё ў жыцьці тваім, а Лазар ліхое; і цяпер ён тут суцяшаецца, а ты пакутуеш;

ЯКАВА 1:22

Будзьце ж выканаўцы слова, а не слухачы толькі, што ашукваюць самі сябе.

1 ЯНА 3:7

Дзеці! хай ня зводзіць вас ніхто. Хто чыніць праўду, той праведны, падобна як Ён праведны.

АЎДЗЕЯ 1:3

Ганарыстасьць сэрца твайго падманула цябе; ты жывеш у расколінах скал на ўзвышаным месцы і кажаш у сэрцы тваім: «хто скіне мяне на зямлю?»

ГАЛЯТАЎ 6:3

Бо хто лічыць, што ён нешта такое, калі ён нішто, той ашуквае самога сябе.

ЯКАВА 1:26

Калі ж хто з вас думае, што ён пабожны, і не таймуе свайго языка, а ашуквае сваё сэрца, у таго пустая пабожнасьць.

1 КАРЫНФЯНАЎ 3:18

Ніхто не ашуквай сам сябе; калі хто з вас думае быць мудрым у веку гэтым, той хай будзе неразумны, каб быць мудрым.

1 ЯНА 1:8

Калі кажам, што ня маем грэху, ашукваем самі сябе, і праўды няма ў нас.

ЛУКАША 21:8

Ён сказаў: сьцеражэцеся, каб вас не ўвялі ў аблуду; бо многія прыйдуць пад імем Маім, кажучы, што гэта Я; і гэты час блізкі. Не хадзеце сьледам за імі.

ЮДЫ 1:18

яны казалі вам, што апошнім часам зьявяцца агуднікі, якія будуць хадзіць у сваіх бязбожных пахацінствах.

ВЫСЛОЎІ 6:19

ілжывы сьведка, які хлусіць, і той, хто сее разлад між братамі.

2 ФЕСАЛОНІКІЙЦАЎ 2:3

Хай не ашукае вас ніхто ніяк: бо дзень той ня прыйдзе, пакуль ня прыйдзе раней адступленьне і не адкрыецца чалавек грэху, сын пагібелі,

ЕРАМІІ 37:9

Так кажа Гасподзь: не ашуквайце сябе, кажучы: «мусова адыдуць ад нас Халдэі», бо яны не адыдуць;

АСІІ 10:13

Вы ўраблялі беззаконьні, ясьце плод ілжы, бо ты спадзяваўся на шлях твой, на мноства ваяроў тваіх.

ЕЗЭКІІЛЯ 14:5

Няхай дом Ізраілеў уразумее ў сэрцы сваім, што ўсе яны праз сваіх ідалаў зрабіліся чужымі Мне.