ЁВА 1:1 - Біблія (пераклад В. Сёмухі)

Быў чалавек у зямлі Уц, імя ягонае Ёў; і быў чалавек гэты беззаганны, справядлівы і богабаязны і ўхіляўся ад зла.

Біблія (пераклад А.Бокуна)

Чалавек на імя Ёў жыў у зямлі Уц, і быў ён чалавек шчыры і справядлівы, баяўся Бога і пазьбягаў зла.

Кнігі Святога Пісання - Біблія - Біблія — пераклад Чарняўскага (выданне 2017 года)

У зямлі Уц жыў чалавек на імя Ёў, і быў гэты чалавек шчыры і праўдзівы, які шанаваў Бога і пазбягаў зла.

ЁВА 1:1 Крыжаваныя спасылкі

БЫЦЦЁ 10:23

Сыны Арамавыя: Уц, Хул, Гетэр і Магш.

БЫЦЦЁ 17:1

Абраму было дзевяноста дзевяць гадоў, і Гасподзь зьявіўся Абраму і сказаў яму: Я Бог Усемагутны; хадзі прад абліччам Маім і будзь беспахібны;

БЫЦЦЁ 22:12

Анёл сказаў: не падымай рукі тваёй на хлопчыка, і не рабі зь ім нічога; бо цяпер Я ведаю, што баішся ты Бога і не пашкадаваў сына твайго, адзінага твайго, дзеля Мяне.

БЫЦЦЁ 36:28

Гэтыя сыны Дышана: Уц і Аран.

БЫЦЦЁ 42:18

І сказаў ім Язэп на трэці дзень: вось, што зрабеце, і застанецеся жывыя, бо я баюся Бога:

БЫЦЦЁ 6:9

Вось жыцьцё Ноевае: Ной быў чалавек праведны і беззаганны ў родзе сваім; Ной хадзіў прад Богам.

4 ЦАРСТВАЎ 20:3

о, Госпадзе, успомні, што я хадзіў прад абліччам Тваім верна і з адданым сэрцам, і рабіў спадобнае ў вачах Тваіх. І заплакаў Эзэкія моцна.

1 ЛЕТАПІСАЎ 1:17

Сыны Сіма: Элам, Асур:, Арфаксад, Луд і Арам. Сыны Арама: Уц, Хул, Гефэр і Мэшэх.

1 ЛЕТАПІСАЎ 1:42

Сыны Эцэра: Білган, Зааван і Акан. Сыны Дышона: Уц і Аран.

ЁВА 1:8

І сказаў Гасподзь сатане: ці зьвярнуў ты ўвагу сваю на раба Майго Ёва? бо няма такога, як ён, на зямлі: чалавек беззаганны, справядлівы, богабаязны і ўцечны ад зла.

ЁВА 2:3

І сказаў Гасподзь сатане: ці зьвярнуў ты ўвагу тваю на раба Майго Ёва? бо няма такога, як ён, на зямлі: чалавек беззаганны, справядлівы, богабаязны і ўцечны ад зла, і дагэтуль цьвёрды ў сваёй беззаганнасьці, а ты цьвяліў Мяне супроць яго, каб загубіць яго бязьвінна.

ЁВА 28:28

і сказаў чалавеку: вось страх Гасподні ёсьць сапраўдная мудрасьць, і аддаленьне ад ліха - розум.

ЁВА 4:6

Богабаязнасьць твая ці ж не павінна быць тваёю надзеяй, і беспахібнасьць шляхоў тваіх - спадзяваньнем тваім?

ЁВА 9:21

Невінаваты я; не хачу ведаць душы маёй, пагарджаю жыцьцём маім.

ВЫХАД 18:21

а ты нагледзь з усяго народу людзей здольных, якія баяцца Бога, людзей праўдзівых, якія ненавідзяць карысьлівасьць, і пастаў над ім тысячнікамі, сотнікамі, пяцідзясяцкімі;

ВЫСЛОЎІ 14:16

Мудры баіцца і ўнікае зла, а неразумны раздражнёны і саманадзейны.

ВЫСЛОЎІ 14:2

Хто ідзе простаю дарогаю, баіцца Госпада; а чые дарогі крывыя, той ня дбае пра Яго.

ВЫСЛОЎІ 16:17

Шлях у праведных - унікаць зла; той ратуе душу сваю, хто зважае на шлях свой.

ВЫСЛОЎІ 16:6

Міласэрнасьцю і праўдаю ачышчаецца грэх, і страх Гасподні адводзіць ад ліха.

ВЫСЛОЎІ 20:7

Праведнік ходзіць у сваёй беспахібнасьці: шчасныя дзеці ягоныя пасьля яго!

ВЫСЛОЎІ 3:7

Ня будзь мудрацом у вачах тваіх; бойся Госпада, і пазьбягай ліха;

ВЫСЛОЎІ 8:13

Страх Гасподні - ненавідзець зло; гонар і пыху і ліхія шляхі і падступныя вусны я ненавіджу.

ЕРАМІІ 25:20

і ўвесь зьмешаны народ, і ўсіх цароў зямлі Уца і ўсіх цароў зямлі Філістымскай, і Аскалон і Газу, і Экрон, і рэшткі Азота,

ПЛАЧ 4:21

Радуйся і весяліся, дачка Эдома, жыхарка зямлі Уц! І да цябе дойдзе чара; уп'ешся й аголішся.

ЕЗЭКІІЛЯ 14:14

і калі б знайшліся ў ёй гэтыя тры мужы: Ной, Данііл і Ёў, - дык яны праведнасьцю сваёю выратавалі б толькі свае душы, кажа Гасподзь Бог.

ЕЗЭКІІЛЯ 14:20

дык Ной, Данііл і Ёў сярод яе, - жыву Я, кажа Гасподзь Бог, - не ўратавалі б ні сыноў, ні дочак; праведнасьцю сваёй яны ўратавалі б толькі свае душы.

ЛУКАША 1:6

Абое яны былі праведныя перад Богам, жывучы паводле ўсіх запаведзяў і ўстанаўленьняў Гасподніх беспахібна.

ДРУГІ ЗАКОН 18:13

будзь беспахібны прад Госпадам, Богам тваім;

ЯКАВА 5:11

Вось, мы дагаджаем тым, што цярпелі. Вы чулі пра цярпеньні Ёва і бачылі канец ягоны ад Госпада, бо Гасподзь вельмі міласэрны і спагадлівы.

1 ПЯТРА 3:11

ухіляйся ад зла і рабі дабро, шукай міру ды імкніся да яго;