2 КАРЫНФЯНАЎ 12:10 - Біблія (пераклад В. Сёмухі)

Таму і любасна мне ў немачах, у крыўдах, у нястачах, у ганеньнях, ва ўцісках за Хрыста: бо калі я нямоглы, тады моцны.

Біблія (пераклад А.Бокуна)

Дзеля гэтага я маю ўпадабаньне і ў слабасьцях, у крыўдах, у патрэбах, у перасьледаваньнях, ва ўцісках за Хрыста, бо, калі я слабы, тады моцны.

Кнігі Святога Пісання - Біблія - Біблія — пераклад Чарняўскага (выданне 2017 года)

Дзеля таго падабаюцца мне і мае немачы, знявагі, нястачы, пераследаванні і прыгнёты дзеля Хрыста: бо калі я слабы, тады я дужы.

2 КАРЫНФЯНАЎ 12:10 Крыжаваныя спасылкі

ЛУКАША 6:22

Дабрашчасныя вы, калі зьненавідзяць вас людзі і калі адлучаць вас і будуць зьневажаць і зьняславяць імя вашае, як ганебнае, за Сына Чалавечага.

ЯНА 15:21

але ўсё тое зробяць вам за імя Маё, ня ведаюць бо Таго, Хто паслаў Мяне.

ДЗЕІ 5:41

А яны пайшлі з сынедрыёна, радыя, што за імя Госпада Ісуса мелі гонар прыняць зьнявагу;

РЫМЛЯНАЎ 5:3

І ня гэтым толькі, але хвалімся і жальбамі, ведаючы, што ад жальбы ідзе цярплівасьць,

1 КАРЫНФЯНАЎ 4:10

Мы неразумныя дзеля Хрыста, а вы мудрыя ў Хрысьце; мы нямоглыя, а вы дужыя; вы ў славе, а мы ў ганьбе.

2 КАРЫНФЯНАЎ 1:4

Які суцяшае нас ва ўсякай маркоце нашай, каб і мы маглі суцяшаць усіх замаркочаных тым суцяшэньнем, якім Бог суцяшае нас саміх!

2 КАРЫНФЯНАЎ 10:18

Бо ня той годны, хто сам сябе хваліць, а каго хваліць Гасподзь.

2 КАРЫНФЯНАЎ 12:9

Але Гасподзь сказаў мне: «досыць табе мілаты Маёй, бо сіла Мая зьдзяйсьняецца ў немачы». І таму я найболш ахвоча буду хваліцца сваімі немачамі, каб жыла ўва мне сіла Хрыстовая.

2 КАРЫНФЯНАЎ 13:4

Бо, хоць Ён і ўкрыжаваны ў немачы, але жывы сілаю Божаю; і мы таксама, хоць нямоглыя ў Ім, але будзем жывыя зь Ім сілаю Божаю ў вас.

2 КАРЫНФЯНАЎ 13:9

Мы радуемся, калі мы нямоглыя, а вы моцныя; за гэта якраз і молімся, за вашую дасканаласьць.

2 КАРЫНФЯНАЎ 4:17

бо нядоўгая лёгкая пакута наша нараджае ў бязьмерным багацьці вечную славу,

2 КАРЫНФЯНАЎ 4:5

Бо мы не сябе прапаведуем, а Хрыста Ісуса, Госпада; а мы - нявольнікі вашыя дзеля Ісуса,

2 КАРЫНФЯНАЎ 5:15

А Хрыстос за ўсіх памёр, каб тыя, што жывуць, ужо ня дзеля сябе жылі, а дзеля памерлага за іх і ўваскрэслага.

2 КАРЫНФЯНАЎ 5:20

Вось мы - пасланыцы ў імя Хрыстовае, і як бы сам Бог умаўляе праз нас, у імя Хрыстовае просім: замірэцеся з Богам!

2 КАРЫНФЯНАЎ 6:4

а ва ўсім выяўляем сябе, як слуг Божых, у вялікай цярплівасьці, у бедах, у гаротах, ва ўцісках,

2 КАРЫНФЯНАЎ 7:4

Я шмат спадзяюся на вас, шмат хвалюся вамі; я поўны ўцехі, узбагачаюся радасьцю пры ўсёй журбе нашай.

ЭФЭСЯНАЎ 6:10

Нарэшце, браты мае, мацуйцеся Госпадам і магутнасьцю сілы Ягонай;

ПІЛІПЯНАЎ 1:29

бо вам дадзена дзеля Хрыста ня толькі вераваць у Яго, але і пакутаваць за Яго.

КАЛАСЯНАЎ 1:24

Сёньня радуюся ў цярпеньнях маіх за вас і дапаўняю нястачу ў плоці маёй скрухаў Хрыстовых за цела Ягонае, якое ёсьць Царква,

2 ФЕСАЛОНІКІЙЦАЎ 1:4

так што мы самі хвалімся вамі ў цэрквах Божых, цярплівасьцю вашай і вераю ва ўсіх ганеньнях і нягодах, якія вы пераносіце

2 ЦІМАФЕЯ 3:11

у ганеньнях, цярпеньнях, якія выпалі мне ў Антыахіі, Іканіі, Лістрах; такія ганеньні я перанёс, і ад усіх выбавіў мяне Гасподзь.

ЯКАВА 1:2

Зь вялікай радасьцю прымайце, браты мае, калі ўпадаеце ў розныя выпрабаваньні,

АДКРЫЦЦЁ 2:3

ты шмат перажываў і маеш цярплівасьць, і на імя Маё працаваў і не зьнемагаў.