1 КАРЫНФЯНАЎ 1:5 - Біблія (пераклад В. Сёмухі)

Бо ў Ім вы ўзбагаціліся ўсім, усякім словам і ўсякім разуменьнем,

Біблія (пераклад А.Бокуна)

бо ўсім вы ўзбагаціліся ў Ім, усякім словам і ўсякім веданьнем, —

Кнігі Святога Пісання - Біблія - Біблія — пераклад Чарняўскага (выданне 2017 года)

бо ў Ім вы ва ўсім сталіся багатымі, усякім словам і ўсякім веданнем,

1 КАРЫНФЯНАЎ 1:5 Крыжаваныя спасылкі

ДЗЕІ 2:4

І напоўніліся ўсе Духам Сьвятым і пачалі гаварыць на іншых мовах, як Дух даваў ім вяшчаць.

РЫМЛЯНАЎ 11:12

Калі ж падзеньне іхняе - багацьце сьвету, і зьмізарненьне іхняе - багацьце язычнікам, дык тым большая паўната іхняя.

РЫМЛЯНАЎ 15:14

І сам я пэўны за вас, браты мае, што і вы поўныя даброці, поўныя ўсякага веданьня і можаце настаўляць адно аднаго;

РЫМЛЯНАЎ 15:4

А ўсё, што пісана было раней, напісана нам дзеля настаўленьня, каб мы цярплівасьцю і суцяшэньнем зь Пісаньняў захоўвалі надзею.

1 КАРЫНФЯНАЎ 12:10

іншаму цудадзействы, іншаму прароцтва, іншаму распазнаньне духаў, іншаму розныя мовы, іншаму тлумачэньне моваў.

1 КАРЫНФЯНАЎ 12:8

аднаму даецца Духам слова мудрасьці, другому слова веданьня, тым самым Духам;

1 КАРЫНФЯНАЎ 13:2

Калі маю дар прароцтва, і ведаю ўсе таямніцы, і маю ўсякія веды і ўсю веру, так што магу і горы перастаўляць, а ня маю любові, - дык я нішто.

1 КАРЫНФЯНАЎ 13:8

Любоў ніколі ня мінаецца, хоць і прароцтвы спыняцца, і мовы змоўкнуць, і веды скасуюцца.

1 КАРЫНФЯНАЎ 14:26

Дык што ж, браты? Калі вы сыходзіцеся, і ў кожнага з вас ёсьць псальма, ёсьць павучаньне, ёсьць мова, ёсьць адкрыцьцё, ёсьць тлумачэньне, - хай ўсё гэта будзе на настаўленьне.

1 КАРЫНФЯНАЎ 8:11

І ад разуменьня твайго загіне нямоглы брат, за якога памёр Хрыстос.

2 КАРЫНФЯНАЎ 4:6

таму што Бог, які сказаў зазьзяць зь цемры сьвятлу, азарыў нашыя сэрцы, каб прасьвятліць нас пазнаньнем славы Божай у асобе Ісуса Хрыста.

2 КАРЫНФЯНАЎ 6:10

нас засмучаюць, а мы заўсёды радуемся; мы гаротнікі, але многіх багацім; мы нічога ня маем, але ўсім валодаем.

2 КАРЫНФЯНАЎ 8:7

А як што вы перапоўненыя ўсім: вераю і словам, і пазнаньнем і ўсякай руплівасьцю, і любоўю вашаю да нас, - дык прасякнецеся ж і гэтаю дабрачыннасьцю.

2 КАРЫНФЯНАЎ 9:11

так, каб вы ўсім багатыя былі на ўсякую шчадроту, якая праз нас узносіць падзяку Богу.

ЭФЭСЯНАЎ 1:17

каб Бог Госпада нашага Ісуса Хрыста, Айцец славы, даў вам Духа мудрасьці і адкрыцьця на спазнаньне Яго,

ЭФЭСЯНАЎ 2:7

каб зьявіць у наступных вяках найшчадрэйшае багацьце мілаты Сваёй у даброці да нас у Хрысьце Ісусе.

ЭФЭСЯНАЎ 3:8

Мне, самаму найменшаму з усіх сьвятых, дадзена мілата гэтая - зьвеставаць язычнікам недасьледнае багацьце Хрыстовае

ЭФЭСЯНАЎ 6:19

і за мяне, каб мне дадзена было слова - вуснамі маімі адкрыта і адважна абвяшчаць таямніцу зьвеставаньня,

ПІЛІПЯНАЎ 1:9

і малюся за тое, каб любоў ваша яшчэ больш узрастала ў спазнаньні і ўсякім досьведзе,

КАЛАСЯНАЎ 2:3

у Якім схаваны ўсе скарбы мудрасьці і веданьня.

КАЛАСЯНАЎ 3:10

і, апрануўшыся ў новага, які абнаўляецца ў пазнаньні паводле вобраза Стваральніка ягонага,

ЯКАВА 3:13

Ці мудры і разумны хто з вас, дакажы гэта ў дзеях добрымі паводзінамі з мудрай пакораю.

2 ПЯТРА 3:18

а гадуйцеся ў мілаце і пазнаньні Госпада нашага і Збаўцы Ісуса Хрыста. Яму слава і цяпер і ў дзень вечны. Амін.