1 КАРЫНФЯНАЎ 8:9 - Біблія (пераклад А.Бокуна)

Але глядзіце, каб вашая ўлада ня сталася спатыкненьнем для нядужых.

Біблія (пераклад В. Сёмухі)

Пільнуйцеся, аднак, каб гэтая свабода вашая ня спрычыніла падзеньня нямоглых.

Кнігі Святога Пісання - Біблія - Біблія — пераклад Чарняўскага (выданне 2017 года)

Усё ж такі глядзіце, каб ваша ўлада не сталася часам спакусай для слабых.

1 КАРЫНФЯНАЎ 8:9 Крыжаваныя спасылкі

ІСАІ 35:3

Умацуйце рукі зьнясіленыя і калені самлелыя зрабіце моцнымі.

ІСАІ 57:14

І скажуць: «Прастуйце, прастуйце [дарогу], рыхтуйце шлях, прыбярыце перашкоды са шляху народу Майго».

ЕЗЭКІІЛЯ 14:3

«Сыне чалавечы, гэтыя людзі ўвялі ў сэрцы свае ідалаў сваіх і паставілі перад абліччам сваім тое, што было прычынаю грэху іхняга. Ці ж пытаючыся, будуць пытацца ў Мяне [парады]?

ЕЗЭКІІЛЯ 44:12

За тое, што яны служылі ім перад абліччам ідалаў іхніх і сталіся для дому Ізраіля прычынай беззаконьня, Я ўзьняў руку Маю супраць іх, кажа Госпад ГОСПАД, і яны панясуць беззаконьні свае.

ЛЯВІТ 19:14

Не праклінай глухога і перад сьляпым не кладзі перашкоды, але бойся Бога твайго. Я — ГОСПАД!

МАЦЬВЕЯ 18:10

Глядзіце, не пагарджайце ані адным з малых гэтых, бо кажу вам, што анёлы іхнія ў небе заўсёды бачаць аблічча Айца Майго Нябеснага.

РЫМЛЯНАЎ 15:1

Мы, моцныя, павінны насіць слабасьці нямоглых і не дагаджаць сабе.

1 КАРЫНФЯНАЎ 10:24

Ніхто няхай не шукае свайго, але кожны таго, што для іншага.

1 КАРЫНФЯНАЎ 10:28

А калі хто скажа вам: «Гэта ахвяра ідалам», — ня ешце дзеля таго, хто паведаміў, і дзеля сумленьня, бо Госпадава зямля і што напаўняе яе.

1 КАРЫНФЯНАЎ 10:29

А пра сумленьне кажу не тваё, але іншага; бо дзеля чаго мая свабода мае быць суджана чужым сумленьнем?

1 КАРЫНФЯНАЎ 10:32

Ня станьцеся спатыкненьнем ані для Юдэяў, ані для Грэкаў, ані для царквы Божай,

1 КАРЫНФЯНАЎ 8:10

Бо калі хто ўбачыць, што ты, які маеш веданьне, узьлягаеш у паганскай бажніцы, ці сумленьне яго, як слабога, не збудуецца, каб есьці ахвяры ідалам?

1 КАРЫНФЯНАЎ 8:12

А гэтак грэшачы супраць братоў і б’ючы па слабым сумленьні іхнім, вы грашыцё суп­раць Хрыста.

1 КАРЫНФЯНАЎ 9:22

я стаўся для тых, якія слабыя, як слабы, каб здабыць тых, якія слабыя. Для ўсіх я стаўся ўсім, каб хоць некага збавіць.

2 КАРЫНФЯНАЎ 11:21

На сорам кажу, што мы быццам саслабелі. А калі хто адважваецца ў чым, кажу ў неразумнасьці, адважваюся і я.

2 КАРЫНФЯНАЎ 11:29

Хто зьнемагае, і я не зьнемагаю? Хто горшыцца, і я не палаю?

2 КАРЫНФЯНАЎ 6:3

Мы нікому ні ў чым не даем спатыкненьня, каб ня ганілася служэньне,

ГАЛЯТАЎ 5:13

Бо вы да свабоды пакліканыя, браты. Толькі каб свабода ня [сталася] нагодай для [пажаданьняў] цела, але праз любоў служыце адзін аднаму.

КАЛАСЯНАЎ 2:8

Глядзіце, каб хто не збаламуціў вас філасофіяй і пустым падманам паводле традыцыі чалавечай, паводле стыхіяў сьвету, а не паводле Хрыста.

1 ПЯТРА 2:16

як свабодныя, і не як тыя, што свабоду маюць як падставу для ліхоты, але як слугі Божыя.

2 ПЯТРА 2:19

Яны абяцаюць ім свабоду, а самі яны — слугі сапсутасьці, бо хто кім пераможаны, той таму і стаўся слугою.

АДКРЫЦЦЁ 2:14

Але маю супраць цябе крыху, бо маеш там тых, якія трымаюцца вучэньня Білеама, які навучыў Балака кінуць згаршэньне перад сынамі Ізраіля, каб яны елі ахвяры ідалам і жылі распусна.