1 ЦІМАФЕЯ 6:4 - Біблія (пераклад В. Сёмухі)

той - гардзей і няўмека, захапіўся выпярэдніцтвам і словаблудзьдзем, ад чаго паходзяць зайздрасьць, разлад, намовы, хітрае недавярства,

Біблія (пераклад А.Бокуна)

той узьбіўся ў пыху, нічога не разумеючы, але хварэючы на спрэчкі і кіданьне словамі, ад якіх стаецца зайздрасьць, сварка, блюзьнерствы, зласьлівыя падазрэньні,

Кнігі Святога Пісання - Біблія - Біблія — пераклад Чарняўскага (выданне 2017 года)

той ганарлівец, які нічога не разумее, але мае схільнасць спрачацца ў справах і кідаць словамі, з якіх паўстаюць зайздрасць, звадкі, блюзненні, ліхія падазрэнні,

1 ЦІМАФЕЯ 6:4 Крыжаваныя спасылкі

ВЫСЛОЎІ 13:7

Сёй-той выдае сябе за багатага, а ў яго нічога няма; другі сябе за беднага, а ў яго багацьця многа.

ВЫСЛОЎІ 25:14

Што хмары і вятры без дажджу, тое чалавек, які абяцае гасьцінцы і іх не дае.

ВЫСЛОЎІ 26:12

Калі ты бачыш чалавека, які сам сябе мудрым лічыць, - дык на дурнога болей надзеі, чым на яго.

ІСАІ 58:4

Вось вы посьціце дзеля свараў і разладаў, і дзеля таго, каб дзёрзкаю рукою біць іншых; вы ня посьціце ў гэты час так, каб голас ваш быў пачуты на вышыні.

ДЗЕІ 15:2

Калі ж пачаліся нязгоды і немалое змаганьне ў Паўла і Варнавы зь імі, дык пастанавілі Паўлу і Варнаву і некаторым іншым зь іх выправіцца ў гэтай справе да апосталаў і прасьвітараў у Ерусалім.

ДЗЕІ 18:15

але калі ідзе спрэчка пра вучэньне і пра імёны і пра закон ваш, дык разьбірайцеся самі: я не хачу быць судзьдзёю ў гэтым.

ДЗЕІ 8:9

А быў у горадзе адзін чалавек, якога звалі Сымон, які перад тым вядзьмарыў і зьдзіўляў люд Самарыйскі, удаючы зь сябе кагосьці вялікага;

РЫМЛЯНАЎ 12:16

Будзьце аднамысныя паміж сабою; ня мудруйце высока, а ідзеце сьледам за паслухмянымі; ня мройце пра сябе;

РЫМЛЯНАЎ 13:13

Як удзень, будзем паводзіць сябе прыстойна: ні ў аб'ядзеньні і п'янстве, ні ў распусьце і блудзе, ні ў свары і зайздрасьці;

РЫМЛЯНАЎ 14:1

Нямоглага ў веры прымайце бяз спрэчкі пра погляды ягоныя.

РЫМЛЯНАЎ 2:8

а тым, якія ўпарцяцца і супрацівяцца ісьціне, ды аддаюцца няпраўдзе, - лютасьць і гнеў.

1 КАРЫНФЯНАЎ 11:16

А калі б хто захацеў спрачацца, дык мы ня маем такога звычаю, ні цэрквы Божыя.

1 КАРЫНФЯНАЎ 11:18

Бо, па-першае, чую, што, калі вы сыходзіцеся царквою, паміж вамі бывае незлагадзь, у што я крыху і веру.

1 КАРЫНФЯНАЎ 3:18

Ніхто не ашуквай сам сябе; калі хто з вас думае быць мудрым у веку гэтым, той хай будзе неразумны, каб быць мудрым.

1 КАРЫНФЯНАЎ 3:3

Бо вы яшчэ плоцкія. Бо, калі паміж вамі зайздрасьць, звады і несугалосіца, дык ці ж ня плоцкія вы? і ці ня па людзкім звычаі робіце?

2 КАРЫНФЯНАЎ 11:20

вы церпіце, калі хто вас панявольвае, калі хто аб'ядае, калі хто абірае, калі хто вас за нікчэмнасьць мае, калі хто б'е вас па твары.

ГАЛЯТАЎ 5:15

Калі ж паміж сабою грызяцеся і ясьце адно аднаго, дык глядзеце, каб не панішчылі вы адно аднаго.

ГАЛЯТАЎ 5:26

Ня будзем пустаславіцца, адно аднаго дражніць, адно аднаму зайздросьціць.

ГАЛЯТАЎ 6:3

Бо хто лічыць, што ён нешта такое, калі ён нішто, той ашуквае самога сябе.

ПІЛІПЯНАЎ 1:15

Некаторыя, праўда, з зайздрасьці альбо зь перакорлівасьці, а іншыя з добрай прыхільнасьці прапаведуюць Хрыста:

ПІЛІПЯНАЎ 2:14

Усё рабеце без нараканьня і сумненьня,

ПІЛІПЯНАЎ 2:3

нічога не рабеце зь перакорлівасьці альбо дзеля марнае славы, а ў пакорлівай мудрасьці ўважайце адно аднаго вышэй за сябе.

КАЛАСЯНАЎ 2:18

Ніхто хай не ашуквае вас сваёй самавольнай удаванай пакораю і службай анёлаў, урываючыся ў тое, чаго ня бачыў, неразважліва надзімаючыся плоцкім сваім розумам

2 ФЕСАЛОНІКІЙЦАЎ 2:4

які супрацівіцца і выстаўляецца вышэй за ўсё, што называецца Богам ці сьвятыняю, так што ў храме Божым сядзе ён, як Бог, выдаючы сябе за Бога.

1 ЦІМАФЕЯ 1:4

і не займаліся байкамі і радаводамі бясконцымі, якія спараджаюць болей спрэчкі, чым Божае настаўленьне ў веры.

1 ЦІМАФЕЯ 1:7

хочучы быць настаўнікамі закона, але не разумеючы ні таго, пра што гавораць, ні таго, што сьцьвярджаюць.

1 ЦІМАФЕЯ 3:6

не павінен быць з нованавернутых, каб не заганарыўся і не падупаў асудзе разам з д'яблам.

2 ЦІМАФЕЯ 2:14

Гэта нагадвай, заклінаючы перад Госпадам ня ўступаць у спрэчкі, што зусім ня служыць на карысьць, а на разлад слухачам.

2 ЦІМАФЕЯ 2:23

Ад дурных і невуцкіх спрэчак ухіляйся, ведаючы, што яны спараджаюць незлагадзь;

2 ЦІМАФЕЯ 3:4

здраднікі, нахабы, пыхліўцы, прыхільныя больш да раскошы, чым да Бога,

ЦІТА 3:9

А дурных перагаворстваў і радаслоўных звадаў, і спрэчак і калатні вакол закона пазьбягай, бо яны бескарысныя і марныя.

ЯКАВА 1:19

Дык вось, браты мае любасныя, кожны чалавек няхай будзе борзды ў слуханьні, марудлівы ў словах, марудлівы ў гневе;

2 ПЯТРА 2:12

Яны, як бязмоўныя жывёлы, якіх водзіць іхняя прырода, народжаныя на ўпаляваньне і вынішчэньне, ліхасловячы тое, чаго не разумеюць, у разбэшчанасьці сваёй вынішчацца;

2 ПЯТРА 2:18

Бо, прамаўляючы пыхлівае пустаслоўе, яны надзяць пажадаю цела і распустаю тых, што ледзьве ўцяклі ад замарочаных аблудаю;

ЮДЫ 1:10

А гэтыя ганьбуюць тое, чаго ня ведаюць; а што з прыроды, як бязмоўныя жывёлы ведаюць, тым і разбэшчваюць сябе.

ЮДЫ 1:16

Гэта - наракальнікі, нічым не задаволеныя, што ходзяць у сваіх пажадлівасьцях (бязбожна і беззаконна); вусны іхнія вымаўляюць пыхлівыя словы; і зважаюць на асобы з карысьлівасьці.

АДКРЫЦЦЁ 3:17

Бо ты кажаш: я багаты, разбагацеў і ні ў чым ня маю патрэбы; а ня ведаеш, што ты няшчасны і жалю варты, і ўбогі і сьляпы і голы.