АМОСА 9:3 - Біблія (пераклад А.Бокуна)

Нават калі яны схаваюцца на вяршыні Кармэлю, і там адшукаю іх і вазьму іх. Нават калі схаваюцца перад вачыма Маімі на дне мора, і там загадаю зьмею, і ён укусіць іх.

Біблія (пераклад В. Сёмухі)

І хоць бы яны схаваліся на вяршыні Карміла, і там знайду і вазьму іх; хоць бы схаваліся ад вачэй Маіх на дне мора, і там загадаю марскому зьмею ўгрызьці іх.

Кнігі Святога Пісання - Біблія - Біблія — пераклад Чарняўскага (выданне 2017 года)

І калі б схаваліся на вяршыні Кармэля, там вышукаю і забяру іх. Ды калі б скрыліся ад вачэй Маіх у глыбіні мора, там загадаю змею, і ён укусіць іх.

АМОСА 9:3 Крыжаваныя спасылкі

БЫЦЦЁ 3:8

І пачулі яны голас ГОСПАДА Бога, Які хадзіў у садзе ў ветры дня, і схаваліся чалавек і жонка ягоная ад аблічча ГОСПАДА Бога сярод дрэваў саду.

2 ЦАРСТВАЎ 22:46

Сыны чужынцаў млеюць і трымцяць у агароджах сваіх.

ЁВА 22:13

А ты кажаш: “Што ведае Бог? Ці праз імглу Ён можа судзіць?

ЁВА 34:22

Няма цемры, ані змроку, каб там маглі схавацца злачынцы.

ПСАЛТЫР 68:23

Сказаў Госпад: «З Башану вярну, вярну з глыбіняў марскіх,

ІСАІ 27:1

У той дзень ГОСПАД наведае мячом Сваім, цяжкім і моцным левіятана, зьмея спрытнага, левіятана, зьмея выкрутлівага, і заб’е цмока, які ў моры.

ЕРАМІІ 16:16

Вось, Я пасылаю шмат рыбаловаў, кажа ГОСПАД, і будуць лавіць іх, а пасьля пашлю шмат паляўнічых, і будуць паляваць на іх на ўсіх гарах, і на ўсіх узгорках, і ў-ва ўсіх шчылінах скалаў.

АМОСА 1:2

І ён сказаў: «ГОСПАД зарыкае з Сыёну і дасьць голас Свой з Ерусаліму, і сялібы пастухоў будуць у жалобе, і высахне вяршыня Кармэлю.