Kasta
77 Wiñay Jakäwit parlir Biblian jiskʼa tʼaqanakapa
Alaxpachasa cheqapunwa, wiñay ñanqhapas cheqapunwa, kawkhantï ch'usa jan chhaqtañapäkiti. Bibliapax qhanañchiwa, nina quchax janiw jaqenakapatak luratäkiti, jan ukasti Supayatakisa, ukat angelanakapatakisa. Diosan amtanakapax sumäkiw jaqenakapataki, qalltatpach Diosax munäna jaqix jupamp chika jakañapataki.
Jaqix juchanak lurasapxas, Diosax wali khuyapayasiñampi, Sapa Yuqapar khitaniwayi, ukhamat wilapan jupamp ch'uwa uñt'atäpxañamataki, ukat juchanakamat q'uñatäpxañamataki, Diosan q'uchpa jakañapataki.
Cristo Jesusakiw Diosampi jaqinakamp chikat mä sapa chiqa Aru, jupax qhispiyistasma wiñay ñanqhatxa, ukat alaxpachankir apasmasma. Cristor chuymaman japxatañawa, alaxpachar sarañatak mä sapa thaki.
Wiñay jiwañax sapa kutiw Diosat jithiqtañawa, jan ist'añatxa. Jichhürunakanwa amtasiñama, kawkir sarasma. Diosax sapüruw suyt'aski, Wiñay Jakäwi churañamataki.
Iyawsäwin suma nuwasiñapan nuwasim, wiñay jacaña jicjjataraquim ucataquiw Diosajj jawstam, iyawsäwin suma arsüwipwa lurawayta takenin uñjcaya.
Jichhajj waliquiwa, amuyasctwa cunjämtejj jiwasanacajj acapachan t'akhesisctan ucjja, janiw mayachcsnati Diosan jach'a cancañapa uñjcañäni ucampejja.
Juchan wajjt'asiñapasti jiwañawa, ucampis Diosan wajjt'äwipajj wiñay jacañawa Cristo Jesús Tatitusana.
Jumanacatejj janchin munañanacaparjamaqui sarnakasipcät ucajja jiwapjjätawa, ucampis Ajayun toke jiwayapjjäta uca janchin munañanacapa ucajja, chekpachansa jacapjjätawa.
Ucampis qhititejj naya churcta uca umat umcani ucajja, janiw mayampis pharjayascjjaniti. Cawquïr umtejj nayajj churcta ucajja jupa pachpanwa jalsuni wiñay jacañ churañataqui.
“Diosajj acapachar wal munatap laycuw mä sapa Yokapar qhitani, take qhitinacatejj jupar iyawsapqui ucanacajj jan chhakañapataqui, jan ucasti wiñay jacañanïñapataqui.
Jacapctansa, Tatitutaquiw jacapjjtanjja; jiwjjañän ucqhatsti Tatitutaquiraquiw jiwjjañäni. Uqhamasti jiwañansa jacañansa Tatitutaquïtanwa.
Cunjämatejj jiwañajj aca orakenjja mä sapa jaketaqui kalltejja, uqhamaraquiw jiwatat jacatatañajj mä sapa jaketa kalltaraqui.
Ucjjarojj Jesusajj sänwa: —Nayätwa jactañasa, jacañasa. Qhititejj nayaru iyawsaraquitu ucajja jiwatäcanisa, jacaniwa.
Nayajj wiñay jacañwa churta, janiw cunapachas jiwapcaraquiniti, ni qhitis amparajjatjja apakcaraquitaniti. Cuntejj Awquejjajj churquitu ucasti, taket sipansa jach'araquiwa, janiraquiw qhitis amparapatjja apakañataqui ch'amanïquiti. Punc uñjiristi awatirin, mantañapataquisti punc jist'ari, ovejanacasti arupjja uñt'araquiwa. Ovejanacarojj sutipatcamwa jawsi, ovejanacarusti uyutjja ansuraquiwa. Awquimpi nayampejja mayaquïpjjtwa —sasa.
Take qhititejj jacqui, nayaru iyawscaraquitu ucanacajj, janiw jiwcaniti cunapachasa. ¿Iyawstati ucjja? —sasa.
Jumanacasti Cristomp chicaw jiwjjapjjta, jichhasti jumanacan jacañanacamajj Cristomp chicäjjewa Diosan nayrakatapana.
“Nayätwa kalltasa tucuyasa, A, Z letranacjama”, siw jach'a ch'amani Tatitojja, uca Diosasti utjascapunïnwa, utjascaquiwa, jichhas utjascaquiniwa.
Aca khanañchäwejja, Diosajj wiñay jacañ churistu ucawa; aca wiñay jacañasti Yokapanquiwa.
Jiwasanacajj acapachan tucusir utjamätanwa, apnakañ carpjama ucajj janiw wiñayataquïquiti; ucampis yattanwa take acanacatejj tucusjjanejja, Diosajj waquicharapistuwa alajjpachana wiñay uta, ucasti janiw jakenacan amparapamp luratäquiti.
Acapachajj tucusiriquiwa jan wali luräwinacapamppacha, ucampis cawquïritejj Diosan munañap lurqui ucajj wiñayataquiw jaqui.
Janiraquiw jiwasajj cuntejj uñjctan ucar chuymjja churctanti, jan ucasti cuntejj jan uñjctan ucaruwa catuyasipjjtanjja. Cunatejj uñjasqui ucanacasti tucusiriquiwa, ucampis jan uñjasqui ucanacasti janiw tucusirïquiti jan ucasti wiñayataquiwa.
Acjja kellkanipjjsmawa Diosan Yokapar iyawsapcta ucanacaru, wiñay jacañanïpjjatam yatipjjañamataqui.
Ucampis jichhajj juchata khespiyatäjjasinjja Diosan sirvirinacapaw tucuwayjjapjjtajja. Ucasti wali sumawa jumanacataquejja, Dios chuymaracwa tucuyapjjtam, wiñay jacañracwa jicjjatapjjäta.
Acapachancquis ucanacat llaquisiñajja jiwañar apiriwa, ucampis Ajayun jacañat llaquisiñajja wiñay jacañaru, uqhamarac sumancañaruw api.
Jiwasajj jiwañat jacañaruw pasawayjjtan, acsti yatiwaytanwa jilanacasaru munatas laycu. Qhititejj jake masipar jan munqui ucajja jiwataquïsquiwa.
Cunjämtejj Jesusan jiwatapar jactatapar iyawsapjjtanjja; uca pachparaquiw iyawsaractan, qhitinacatejj jupar iyawsasa jiwapjje ucanacarojj Dios Awquejj Jesusampi chica jactayani.
Yatiractanwa Diosan Yokapan jutatapa, uqhamarac amuyt'ayistu chekpach Diosar uñt'añataqui. Uca chekpach Jesucristo Yokapampejj mayanacwa jacaractanjja. Aca Diosajj chekawa, wiñay jacañaraquiwa.
“Khanacwa sapjjsma, qhititejj nayan arsutajjar ist'quejja, uqhamarac qhititejj qhitanquitu ucarus iyawscaraqui ucajja wiñay jacañaniwa, janiraquiw juchañchatäcaniti, jan ucasti jiwañat jacañaruw pasawayjje.
Jiwatanacarusti jisc'arus jach'arus jupan nayrakatapan sayt'ata uñjta. Libronacasti jist'aratänwa, uqhamarac yakha librosa. Uca librosti jacañ libro satawa. Jiwatanacasti luräwinacaparjam uñjatäpjjänwa, cunjämtï uca libronacan kellkatäcänsa uqhamaru. Lamar kotasti jupan ucan jiwirinacwa catuyjjäna. Jiwañasa, jiwatanac catjjäscän ucasa, kawkhatï jupan utjcäna ucjpachwa catuyjjaraquïna. Take maynisa luräwinacaparjama taripatäpjjaraquïnwa. Jiwañasa jiwirinacan utjäwipasa nina kotaru jakontatäjjänwa. Aca nina kotasti payïri jiwawa. Ucar jakontatäpjjaraquïnwa qhitinacatï jacañ libron jan kellkatäpcäns ucanacajja.
Qhititejj nayar jicjjatquitani ucajja jacañwa jicjjatani, Tatitun qhuyapayasiñap jicjjataraquini.
Ucampis uca mä juc'a urunacana t'akhesipjjatama pasjjepansti, Diosajj jumanacarojj sumwa tucuyapjjätam, sum sayt'ayapjjaraquïtam. Uca Diosasti qhititejj take bendicionanac churquistu ucawa, uqhamarus Jesucristompi chicäñasataquiraquiwa jawsistu wiñayataqui.
Qhititejj Yokar iyawsqui ucajja wiñay jacañaniwa, ucampis qhititejj jan Yokaru iyawsqui ucajja janiw wiñay jacañanïcaniti, jan ucasti Diosan ajjsarcañ mutuyäwipwa catokani.”
Qhititejj Diosan Yokapar iyawsqui ucajja, janiw juchañchatäquiti, ucampis qhititejj jan iyawsqui ucajj niyaw juchañchatäjje, Diosan mä sapa Yokapar jan iyawsatap laycu.
Qhititejj jacañap khespiyasiñ munanejja, apt'asiniwa, ucampis qhititejj jacañap naya laycu apt'asinejja, khespiyasiniwa.
Maynitejj janchin munañaparjam yapuchchejja, uca janchin munañaparaquiw jiwañ achjja churani, ucampis Ajayun munañapar yapuchchejja, Ajayojj wiñay jacañ achwa churaraquini.
Ucatwa Diosajj nayatjja qhuyapayasitänjja, Jesucristojj nayjjaru take munasiñapa uñacht'ayañapataqui. Uqhamatwa nayajj nayrakat iyawstjja, nayar uñtasina mayninacajj jupar iyawsapjjañapataqui, uqhamat wiñay jacañanïpjjañapataqui.
Ucatwa wiñay khespiyañataqui ch'amanejja qhitinacatejj jupa toke Diosarojj jac'achasipqui ucanacarojja. Jupasti wiñay jake jupanacatac Diosat mayiñataqui.
Ucapachasti Diosajj churaniwa sapa maynirus luräwiparjama. Diosajj wiñay jacañwa churani take qhitinacatejj Diosan marcapa, cheka cancañampi jan inact'as thakerinacarojja. Ucampis jan ist'asis ch'ajjwirinacarojja mutuyaniwa, chekat sipana jan walïquis ucar jaysatap laycu.
Janejjay nayajj qhitin jiwañapsa muncstejja. Ñankha luräwinacamatjja jithektjjapjjam, ucapachaquiw jacapjjäta. Naya Tatituw ucjja arsta.
Aca wiñay jacañajj juma sapa chekpach Diosar uñt'añanwa utji, uqhamarac Jesucristoru cawquïrirutejj jumajj qhitancta ucaru.
Qhitanquitu ucan munañapajja acanacawa: Take qhitinacatejj Diosan Yokaparu uñjquejja, uqhamarac jupar iyawsquejja ucanacajj wiñay jacañanïñapa, nayasti khepa urunjja jacatatayaraquïwa.
“C'ullc'u puncu toke mantapjjam. Chhakhañaru irpiri thaquisti anchowa, puncupasti wali anchoraquiwa; waljaniraquiwa uca toke mantasipqui. Jacañaru irpiri thaquisti wali c'ullc'uwa, puncupas uca quicpa c'ullc'uraquiwa, juc'aniquiraquiw ucarojj mantapjje.
Jan irnakapjjamti tucusir mank'ataquejja, jan ucasti wiñay jacañ churiri mank'ataqui irnakapjjam. Aca mank'sti naya Jaken Yokapaw churapjjäma, Dios Awquisti nayaruraquiw ajllisitu —sasa.
Take acanacasti lurasiwa cunjämtï juchajj jiwayañataqui ch'amanïquejja, uca quipcaraquiw Diosan qhuyapayasiñapajj jiwasatac ch'amaniraqui Diosampïtas laycu Jesucristo toke wiñay jacañ churañataqui.
Nayajj wiñay jacañwa churta, janiw cunapachas jiwapcaraquiniti, ni qhitis amparajjatjja apakcaraquitaniti.
“Uñjapjjam, jichhüruw ajllisiñamataqui churapjjsma, mä toketjja jacañampi, suma sarnakañampi; mä toketsti jiwañampi jan walt'añampiraqui.
Tatitun camachi arunacapa imirejj jacañapwa imasisqui, ucampis Tatitun yatichäwi arunacaparu jisc'achirejja jiwaniwa.
Qhitinacatejj mä anatañan anatapqui ucanacajj chekpachansa cunanacatejj jan walt'aycaspan ucanacjja k'al apanucupjje. Ucampis jupanacajj ch'am tucupjje mä laurel corona catokañataqui cawquïritejj mäqui pharsuwayjje; jiwasasti wiñayataqui jan pharsur corona catokañataquiw jaltanjja.
uqhamarac wiñay jacañ suyt'äwirusa. Uca jacañ churañataquejj Diosajj janïr aca orake kalltasquipanwa phokhañataqui arsuwayi, Diosasti uc arsusajj janiw c'arisquiti.
Ucjjarojj Jesusajj sänwa: —Nayätwa jactañasa, jacañasa. Qhititejj nayaru iyawsaraquitu ucajja jiwatäcanisa, jacaniwa. Take qhititejj jacqui, nayaru iyawscaraquitu ucanacajj, janiw jiwcaniti cunapachasa. ¿Iyawstati ucjja? —sasa.
Ucatsti saraquituwa: “Take cunas luratäjjewa. Nayätwa kalltas tucuyasa, A, Z letranacjama. Umat pharjatarusti nayajj jalsuri jacañ churir umwa inaqui churäjja.
Aca khanañchäwejja, Diosajj wiñay jacañ churistu ucawa; aca wiñay jacañasti Yokapanquiwa. Qhititejj Diosan Yokaparojj catokqui ucajja wiñay jacañaniwa; ucampis qhititejj Diosan Yokapar jan catokqui ucajj janiw wiñay jacañanïquiti.
Uqhamaraqui take qhitinacatejj jaytanucuni utanacapa, jilanacapa, cullacanacapa, taycapa, awquipa, wawapa uqhamarac orakepsa naya laycu ucanacajja, patac cuti ucqhampwa catokapjjani, uqhamaraqui wiñay jacañampi.
Diosajj wiñay jacañwa churani take qhitinacatejj Diosan marcapa, cheka cancañampi jan inact'as thakerinacarojja.
Pachpa Cristow jiwasan jacañasajja. Cunapachatejj jupajj uñstancani ucqhajja, jupa chicaraquiw uñstapjjäta, khapak marcapansti jupampïpjjaraquïtawa.
Yupaychañäni Diosaru, Jesucristo Tatitun Awquiparu, jupasti jach'a qhuyapayasiñap laycuwa jiwasarojj machakat naciyistu, Jesucriston jiwatanac taypit jactatap toke. Ucasti jiwasanacarojj suyt'añanwa jacayaraquistu, uqhamaraquiw jumanacarojj cuntï Diosajj imarapquistus uca herencia alajjpachanjja catokayapjjätam, ucajj janiw tucjatäcaspati, ni k'añuchatäcaspasa, janiraquiw mä pankarjamas wañscaspati.
Hermón kollut saraker sulla umjamawa, Sión kolljjar purir umar uñtataraquiwa. Ucawjaruw Tatitojj asquip apayani: ucasti wiñay jacañawa.
ucajja acapachanjja juc'ampwa catokani; alajjpachansti wiñay jacañwa catokaraquini —sasa.
Ucatpï Jesucristojj machak arust'äwin sumancthapiyiripajja. Nayra arust'äwirjam jucha luratanacasajj Criston jiwatap laycuw perdonatäjje, qhitinacarutejj Diosajj jawsqui ucanaca Diosajj churañatac arscatayna uca wiñay herencia catokapjjañapataqui.
Jichhajj wiñay t'akhesiñaruw jupanacajj sarapjjaraquini, asqui jakenacasti wiñay jacañaruraquiw sarapjjani.”
“Cusisiñanïpjjewa qhitinacatejj isinacapa t'ajjsusipjje jacañ kokat mank'asiñataqui, uqhamarac marcar puncu chek mantañataquisa.
Wawanacapätas laycojja Diosatjja herencia catokaraquiñäni jupan arsutaparjama. Uca herenciajja Cristompiraquiw catokañäni, jiwasanacatejj jupamp chica take cunans t'akhesiñäni ucajja, ucat alajjpachan jupampiraquiñäni.
Jesusaruy uñtañäni, jupatwa iyawsañasajj juti, juparaquiw uca iyawsañasjja phokhachani. Jesusasti crusanwa t'akhesi, jan uca casta jiwañaru p'enkasisa. Jupajj yatisïnwa uca t'akhesitapatjja khepürunjja cusisiñ jicjjatañapata; ucatsti Diosan tronopan cupëjjaparuw kont'asi.
Ucampis jichhajj uca munasiñapjja uñacht'ayiwa Khespiyiri Jesucristosan jutäwipampi, cawquïritejj jiwañan ch'amapjja t'unjawayi khespiyasiñ arunac toke, uqhamarac jan t'unjatäcani uca jacañjja khanaruw apsuraqui.
Jacañaru irpiri thaquisti wali c'ullc'uwa, puncupas uca quicpa c'ullc'uraquiwa, juc'aniquiraquiw ucarojj mantapjje.
Ucampis jiwasanacajj alajjpachanquir jakenacäpjjtanwa, Khespiyiri Cristo Tatitun alajjpachat jutañapwa suyasipcaractanjja.
Jichhasti janiw cuna juchañchäwis utjquiti Cristo Jesusanquirinacataquejja, qhitinacatejj jan jacapqui janchin munañaparjama [jan ucasti Ajayun apnakata jacapqui ucanacataquejja]. Ucampis Cristotejj jumanacan jacchejja, janchejj juchampi jiwayatäcchi ucasa, ajayojj jacasquiwa, Diosajj jupar catokjjatap laycu. Ucampis Cristo Jesusar jactayqui jiwatanac taypita uca Ajayutejj jumanacancchejja, uca quipca Diosaw jiwat janchinacamarojj jactayanejja, Diosan Ajayupajj jumanacan jacqui uca toke. Uqhamajj jilatanaca, jiwasanacan mä lurañasaw utjistu, ucasti janiw cunjämtï janchejj munqui ucarjam sarnakañäquiti. Jumanacatejj janchin munañanacaparjamaqui sarnakasipcät ucajja jiwapjjätawa, ucampis Ajayun toke jiwayapjjäta uca janchin munañanacapa ucajja, chekpachansa jacapjjätawa. Take qhitinacatejj Diosan Ajayupampi irpatäqui ucanacajja Diosan wawanacapawa. Janiw esclavo tucuyir ajayu catokapctati ajjsaratac sarnakascañataqui, jan ucasti catokapjjtawa Diosan wawapa tucuyquistu uca Ajayu, ucat jupajj arsuyistu: “Nayan Awquejja” sasa. Uca quipca Ajayuraquiw jiwasan ajayusamp chica Diosan wawanacapätas khanañchi. Wawanacapätas laycojja Diosatjja herencia catokaraquiñäni jupan arsutaparjama. Uca herenciajja Cristompiraquiw catokañäni, jiwasanacatejj jupamp chica take cunans t'akhesiñäni ucajja, ucat alajjpachan jupampiraquiñäni. Jichhajj waliquiwa, amuyasctwa cunjämtejj jiwasanacajj acapachan t'akhesisctan ucjja, janiw mayachcsnati Diosan jach'a cancañapa uñjcañäni ucampejja. Wali suyt'añampiwa take acapachajj suyt'asqui cunürutejj Diosajj khespiyat jakenaca uñstaycani uca. Ajayun jacañanjja, Cristo Jesús tokew nayarojj juchan munañaparjam sarnakañatjja khespiyitu, uqhamarac jiwañatsa.
Jumaw jacañ thac uñacht'ayitäta, nayrakataman jach'a cusisiñaw utji; jac'amansti wiñay cusisiñaw utjaraqui.
Mä imantatäqui ucwa yatiyañ munapjjsma: Janiw takeni jiwcañäniti, ucampis takeniw yakha cuerponi tucuñäni. Ucasti mä nayra ch'ipjjtanaquiw lurasiraquini, cunapachatï trompetan khepa phust'asitapajj ist'ascani ucqha. Trompetan phust'asitaparusti jiwatanacaw jactapjjani jan mayampi jiwjjañataqui; jiwasasti yakha cuerponëjjaraquiñäniwa.
Jumanacajj Kellkatanacjj take amuyumpiw leepjjtajja, uca Kellkatanacan wiñay jacaña jicjjatañ amuyasina; ucampis Kellkatanacajj nayjjataracwa parli.
Diosan munasiñapatwa jumanacajj khespiyatäpjjtajja iyawsañ laycu. Acasti janiw jumanacan luräwinacamäquiti, jan ucasti Diosaw jumanacar churapjjtam. Janiraquiw cuna luräw tokëquisa, uqhamat jan qhitis jach'achasiscañapataqui.
Cuna t'akhesiñanacatï jumjjaru jutcani ucanacatjja jan ajjsaramti. Supayasti jumanacat mä yakhepanacarojj carcelaruw apayani, take jumanacasti wali yant'atäpjjaraquïtawa. Tunca ururaquiw t'akhesipjjäta. Ucampis jiwañcamatejj arcascaquïta ucapachasti, nayasti jacañ corona churäma.
uqhamata Dios Awquiru yuspagarapjjañamataqui. Juparaquiw jiwasarojj waquichistu ucjja khanan catokañasataqui, cuntï Diosajj jupanquirinacar churcän ucjja.