Proverbios 19:16 - Qullan Arunaca

¹⁶ Tatitun camachi arunacapa imirejj jacañapwa imasisqui, ucampis Tatitun yatichäwi arunacaparu jisc'achirejja jiwaniwa.

Aymar Bibliia 1986

¹⁶ Tatitun camachi arunacapa imirejj jacañapwa imasisqui, ucampis Tatitun yatichäwi arunacaparu jisc'achirejja jiwaniwa.

Qullan Arunaka DC

¹⁶ Kamachi arunak phuqhirix jakañap imasiski, Tatitun yatichäwi arunakap jisk'achiristi jiwaniwa.

Proverbios 19:16 Jak'a apnaqawi uñst'ayäwi

Job 5:2

Chuyma usuyasiñasa, uqhamaraqui uñisisiñasa jakerojj jiwañaruquiw apjje.

Salmos 103:18

arust'äwiparjam sarnakerinacataqui, arsutanacaparjam phokherinacataqui.

Proverbios 13:13

Qhititejj yatichäwiru jisc'achcani ucajja, t'akhesiniwa, ucampis qhititejj camachi arunacaru ist'cani ucajja, churäwi catokani.

Proverbios 15:32

Yatichäwiru jisc'achirejj jupa pachpawa jan wal lurasisqui; chekachäwiru ist'iristi, amuyt'asiñwa jicjjati.

Proverbios 16:17

Asqui jakenacan sarnakäwipasti jan walinacata jithektañawa; asqui thaquin sarnaker jakesti, jupa pachpawa jacañapa imasisqui.

Proverbios 21:16

Qhititejj ch'iqhi cancañampi jan sarnakcani ucajja, jiwatanac taypiruwa purini.

Proverbios 21:23

Qhititejj suma amuyt'ampi cunsa parlqui ucajja, janipuniw jan walt'añanacarojj mantquiti.

Proverbios 22:5

Ñankha lurir jaken sarnakäwipajj sipitanacampi phokt'atawa, ucampis suman sarnakañ muniristi uca jan walt'añanacatjja saraktiwa.

Proverbios 29:18

Cawqhantejj Diosan arunacapajj jan yatichasqui ucqhanjja, jakenacajja munañaparuwa sarnake; ¡cusisiñaniwa Diosan leyipa phokher marcajja!

Proverbios 3:1

“Munat wawajjay, jan armasimti nayan yatichäwinacajjata; camachi arunacajjsti chuymamarupuni imam,

Eclesiastés 12:13

Parlañajj tucuyjjewa. Takewa parlatäjje. Diosar yupaycham, ucatsti camachi arunacapa phokham, take ucanacajj jaketaquïtap laycu.

Eclesiastés 8:5

Qhititejj mä arsuta phokhasqui ucarojja janiw cuna jan walis pascaniti, ucatsti qhititejj yatiñanïqui ucajja yatiwa cunapacha, cunjäma phokhañsa.

Jeremías 7:23

Ucampisa jupanacarojj saraquïyätwa nayaru ist'apjjañapa; uqhamatwa nayajj jupanacan Diosapäyäjja, jupanacasti nayan marcajjaraquïniwa sasa. Ucatsti saraquïyätwa cunjämtejj nayajj siscta uqhamar sarnakapjjañapa, uqhamat take cunas sumaqui sarañapataqui.

Ezequiel 33:5

trompetan phust'asitapa ist'casinsa jan uca phust'ataru ist'atap laycu; jïsa, jupapachaw juchanïsqui jiwatapatjja, ucampisa uca phust'äwirutejj ist'asapänjja, ucapachajj jupajj khespisapänwa.

Mateo 16:26

¿Cuna asquirac jaketaquisti aca orakpacha jupancjjaspa, ucat almap chhakayasispa ucasti? Jan ucajj ¿kawkhsa pagaspa jakejj almapatjja?

Lucas 10:28

Ucjjaruw Jesusajj saraqui: —Walic sistajja, actï lurätajja jacätawa —sasa.

Lucas 11:28

Jupasti sänwa: —¡Juc'amp cusisiñanïpjjewa qhitinacatejj Diosan arunacap ist'apqui, uqhamarac jaysapjje ucanacajja! —sasa.

Juan 14:15

“Jumanacatejj munapjjchistajja, camachinacajj phokhapjjam.

1 Corintios 7:19

Janiw waquisquiti circuncidatäñas jan circuncidatäñasa. Ucampis Diosan munañapa phokhañaw asquejja.

1 Juan 3:22

jupasti churistaniwa take cuntejj mayiñäni uca, camachinacapar jaysatas laycu, luräwinacasamp cusisiyatas laycuraqui.

1 Juan 5:3

Diosar munañajja camachinacar phokhañawa; camachinacapasti janiraquiw jan phokhañjamäquiti,

Apocalipsis 22:14

“Cusisiñanïpjjewa qhitinacatejj isinacapa t'ajjsusipjje jacañ kokat mank'asiñataqui, uqhamarac marcar puncu chek mantañataquisa.