1 Timoteo 6:12 - Qullan Arunaca

¹² Iyawsäwin suma nuwasiñapan nuwasim, wiñay jacaña jicjjataraquim ucataquiw Diosajj jawstam, iyawsäwin suma arsüwipwa lurawayta takenin uñjcaya.

Aymar Bibliia 1986

¹² Iyawsäwin suma nuwasiñapan nuwasim, wiñay jacaña jicjjataraquim ucataquiw Diosajj jawstam, iyawsäwin suma arsüwipwa lurawayta takenin uñjcaya.

Qullan Arunaka DC

¹² Iyawsäwin nuwasiñäki ukatak wakicht'asim; janipun wiñay jakañ chhaqhayasimti, Diosasti ukatakiw jawstam, jumasti ukarak Diosar iyawsatamat taqinin nayraqatapan arsusktaxa.

1 Timoteo 6:12 Jak'a apnaqawi uñst'ayäwi

Salmos 63:8

Ajayojjajj jumamp chict'atawa, cupi amparamasti janiw antutnucquituti.

Proverbios 3:18

Yatiñ cancañajj jicjjatiripataquejj jacañawa; ¡cusisiñaniwa uca yatiña catjjäsipqui ucanacajja!

Cantar de los cantares 3:4

Jupanacampi uqham jiquisiwayasa mä juc'a sartatajjarusti, nayan ancha munatajjampejj jiquisjjactwa. Amparapata wayjjarusinsti jan antutjasaw taycajjan utjäwiparojj irpawayta.

Isaías 44:5

Maynisti saniwa: ‘Nayajj Tatitunctwa’, maynisti: ‘Jacobon wawapa sataraquïniwa’, maynisti amparaparojj kellkasiraquiniwa: ‘Tatitunctwa’ sasa, jupan sutipjjarusti Israel sutimpwa yapt'asiraquini.”

Zacarías 10:5

Soldadonacajj cunjämtï guerranjja callenacanjj ñek'e tacsuwayapjjejja uqhamäniwa; nuwasipjjaniwa Tatitojj jupanacampïscatap laycu, caballot saririnacarusti mä p'enkwa uñjasiyapjjaraquini.

2 Corintios 6:7

ucatsti Diosan cheka arunacap jupan ch'amapampi parlapjjatajj laycuraqui, cunatejj chekapäqui ucampipuniw nuwantapjjta, uqhamarac sayt'asipjjaracta.

2 Corintios 9:13

Aca yanapasti jupanacarojj Tatitun arunacaparjam sarnakapjjatamwa uñacht'ayani, ucatsti jupanacajj Diosaruw yupaychapjjani. Diosarusti jach'aruraquiw aptapjjani, jumanacajj uqham cusisit chuymampi jupanacataquis, takenitaquis apthapt'apjjatamatjja.

Deuteronomio 26:3

Uca chekansti sacerdote utt'ayatäqui ucaruw uñstäta, ucatsti saraquïtawa: ‘Nayasti Tatitu Diosajja nayrakatanwa arsta: Jichhürunjja purjjtwa cawquïri oraktejj Tatitu Diosajj arupampi arsusina jiwasan awquinacasaru churä siscatayna uca orakeru’ sasa.

Filipenses 1:30

Jumanacas uqhamarac nayasa uca quipca nuwasiñancapjjtanwa, uñjapjjaractawa cunjämtejj nayas nuwascta ucjja, jichhasti yatipjjaractawa nayan nuwasiscatajjsa.

Colosenses 3:15

Diosan sumancañapay chuymanacamanjja jumanacarojj apnakpan, Diosasti uca amtäwimpiraquiw jawsapjjtam mä cuerpo tucupjjañamataqui. Ucatsti yuspagarapjjaraquim.

1 Tesalonicenses 2:12

Ewjjt'apjjaraquïyäsmawa Diosanquirinacjama sarnakapjjañamataqui, cawquïritejj marcapataqui, c'ajquir cancañapataqui jawsapctama ucaru.

2 Tesalonicenses 2:14

Acataquiw Diosajj jawsapjjtam, nanacajj yatiyapcsma khespiyasiñ arunaca uca toke, Tatit Jesucristosan khapak cancañ catokapjjañamataqui.

1 Timoteo 1:18

Timoteo, nayan wawajja, aca ewjja chursma suma nuwasïwi nuwasiñamataqui iyawsañampi suma chuymampiraqui, cunjämtejj jilatanacajj nayrajj jumatjja parlapjjäna Diosan sutipana uqhamarjama.

1 Timoteo 1:19

Mayninacajj chuymanacapar jan ist'apjjatapatwa, iyawsäwinacapanjja aynacht'apjje.

1 Timoteo 4:14

Jan chhakhayamti cuna ch'amtejj Diosajj churctam ucjja. Iglesianquir jilïrinacaw Diosan munañapata, amparanacapa jumjjaru lokjjatasina ucjja catokayapjjtam.

1 Timoteo 6:13

Jichhasti Diosan nayrakatapanaraqui, cawquïritejj take cunaru jacañ churqui ucaru, uqhamarac Jesucriston nayrakatapana, jupasti suma arsüwi khanañcharaqui Poncio Pilaton nayrakatapana. Ewjjsmawa

1 Timoteo 6:19

Uqhamatwa yänacapajj utjani khepüru sum sayt'añapataqui, uqhamata wiñay jacaña catokapjjañapataqui.

2 Timoteo 1:9

Diosajj khespiyistuwa, jawsaraquistuwa juparu catuyata jacañasataqui, ucasti janiw jiwasan cuna asqui luratas laycuti, jan ucasti uqhamänwa jupan amtäwipajja, uqhamarac Cristompi mayachasitas laycuw munasiraquistu. Diosasti munasistuwa, aca orakejj janïra utjcän ucqhatpacha.

2 Timoteo 2:2

Cuntejj walja testigonacan nayrakatapan arsuri ist'quista ucjja, qhitinacatejj churañjamäqui, uqhamarac mayninacarus yatichirjamäqui ucanacarojj uca pachpa arunacampi ewjjt'am.

2 Timoteo 4:7

Nayajj suma nuwasïwjja nuwastwa, tucuyäwcamaw jalaracta, iyawsañsti janiraquiw chhakaycti.

Hebreos 13:23

Yatipjjaraquim Timoteo jilasajj niya carcelat mistjjewa. Janc'aquitejj purinini ucajj nayamp chicwa irpanï jumanacar uñjiri.

Hebreos 3:14

Tucuycamatejj take chuyma arcañäni take iyawsañampi, cunjämatï kalltatpacha utjquistu uqhama, ucapachajj Cristompejj utjistuw cunatejj jiwasanccani ucajja.

Hebreos 6:18

Uqhamasti pä luräwiw jan trocasir utji, ucanacatjja Diosajj janiw c'ariscaspati; ucampejj Diosajj mä jan tucusquir chuymachäwi churistu, qhitinacatejj jupan imantasiñ thakapctan, uqhamarac catuyasiractan uca suyt'äwi churquistu ucana.

1 Pedro 3:9

Jan ñankhat ñankhjja cutt'ayapjjamti, ni jan wali arut jan wali arsa cutt'ayapjjaraquimti. Jan ucasti asqui arumpi cutt'ayapjjam, Diosasti bendición catokapjjañamataquiw jumanacarojj jawsapjjtam.

1 Pedro 5:10

Ucampis uca mä juc'a urunacana t'akhesipjjatama pasjjepansti, Diosajj jumanacarojj sumwa tucuyapjjätam, sum sayt'ayapjjaraquïtam. Uca Diosasti qhititejj take bendicionanac churquistu ucawa, uqhamarus Jesucristompi chicäñasataquiraquiwa jawsistu wiñayataqui.

1 Juan 2:25

Ucapunïsquiwa, ucatpï Tatit Jesucristojj arsuwayejja: wiñay jacañ churañataqui.

Judas 1:3

Munat jilatanaca, walpun munapjjäyäsma cunatejj jumanacansa, uqhamarac nayans utjqui uca khespiyasiñ toket kellkaniñjja. Ucampis jichhajj waquisiw jumanacar aca carta kellkaniñajjajja, cunatejj mä cutejj Diosanquirinacarojj catuyatäcäna uca iyawsäw laycu nuwasipjjañamataqui.

Apocalipsis 3:3

Amtasimay cuna yatichäwtï catokcta ucjja, ucarjamaraqui arcam, ucatsti arrepientisiraquim. Janitejj p'arjjtascätajja, jan amtat horasaruw mä lunthatjama acatjamat jutä.

Jueces 3:2

Diosasti uqhamjja kheparayänwa qhitinacatejj nuwasiñanacana, jan nuwasipcäna, ucanacana nuwasiña yatekapjjañapataqui.