Juan 5:39 - Qullan Arunaca

³⁹ Jumanacajj Kellkatanacjj take amuyumpiw leepjjtajja, uca Kellkatanacan wiñay jacaña jicjjatañ amuyasina; ucampis Kellkatanacajj nayjjataracwa parli.

Aymar Bibliia 1986

³⁹ Jumanacajj Kellkatanacjj take amuyumpiw leepjjtajja, uca Kellkatanacan wiñay jacaña jicjjatañ amuyasina; ucampis Kellkatanacajj nayjjataracwa parli.

Qullan Arunaka DC

³⁹ Jumanakax taqi amuyumpiw Qillqatanak ullarapxtaxa, uka Qillqatanakan wiñay jakañ jikxatañ amuyasina; ukampisa, Qillqatanakax nayxat parlaskchi ukasa,

Juan 5:39 Jak'a apnaqawi uñst'ayäwi

Salmos 1:2

jan ucasti, jupan cusisiñapajj Tatitun arupawa, uca arupatsti arumay uruw lup'i.

Salmos 119:11

Chuymajjaruw arunacam imta, juma contra juch jan lurañajjataqui;

Salmos 133:3

Hermón kollut saraker sulla umjamawa, Sión kolljjar purir umar uñtataraquiwa. Ucawjaruw Tatitojj asquip apayani: ucasti wiñay jacañawa.

Salmos 16:11

Jumaw jacañ thac uñacht'ayitäta, nayrakataman jach'a cusisiñaw utji; jac'amansti wiñay cusisiñaw utjaraqui.

Salmos 21:4

Jupajj jacañ mayisïyätam, jumasti jacañ churtajja, walja maranac jacañampi, jan tucusir jacañamp catuytajja.

Salmos 36:9

juman jacquir umajj utji, khanamasti khan uñjayapjjetu.

Proverbios 6:23

Chekpachansa ewjja arunacasa, yatichäwinacasa khanasquir lamparjamawa; chekachäwinacasa, suma ewjja arunacasa, jacañ churir thaquiwa.

Isaías 34:16

Tatitun leyip uñjjatapjjam leet'apjjaraquim: janipuniw mayas uca animalanacatjja chhakatäcaniti, orkon kachuniw ucancapjjani, Tatitu quipcaw uqhamjja amti, samanapampi phust'asaquiraquiw tantachthapini.

Isaías 8:20

¿Uqhamat mä cuna yatiyäwsa catokañataqui?’ sasa. Uqhampunwa parlapjjani, ucampis uca parlatanacapajj mä lokhe jaken parlatanacapjamawa.

Jeremías 8:9

Ucampisa uca yatiñaninacajj jisc'achjataw uñjasipjjani, sipitaru jalt'ir animalanacjamaraquiw qhathatipjjani, ¿Cawquincaraqui yatiñapasti niyaqui arunacapajj apanucupjjchi ucapachasti?

Daniel (hebreo) 12:2

Sepulturan iquisquirinacasti sarthapinipjjaniwa mayninacajj wiñaya jacañataqui, mayninacasti wiñay p'enkachatäñataqui, t'akhesiñataqui.

Mateo 22:29

Jesusasti jupanacarojj sänwa: —Jumanacajj wali pantjatäpjjtawa, Kellkatanacsa uqhamarac Diosan ch'amapsa jan uñt'apjjatam laycu.

Marcos 10:3

Jesusasti jupanacarojj sänwa: —¿Cun lurapjjäta sapjjtams Moisesajja? —sasa.

Marcos 12:10

Ucatsti Jesusajj sascaquïnwa: “¿Janit jumanacajj Diosan Arunacapan leet'apcta?: ‘Utachirinacan jisc'achata kalajj suma esquin kalat uchatäjjewa.

Lucas 16:29

Ucampis Abrahamajj juparojj sänwa: ‘Jupanacanjja utjiwa Moisesan, uqhamaraqui profetanacan kellkatanacapajja; ucanacar ist'apjjpan’ sasa.

Lucas 16:31

Abrahamasti saraquïnwa: ‘Janitejj Moisesampiru profetanacampirojj ist'añ munapcchejja, janiraquiw iyawsapcaniti, jiwatanacat maynejj jacatatcchini ucasa’ ” sasa.

Lucas 24:25

Ucapachaw Jesusajj jupanacarojj saraquïna: —¡Cunja jan amuyt'irïpjjaracta jumanacasti, kala chuymaninaca cunatarac profetanacan arsutanacapar jan iyawsapjjtasti!

Lucas 24:27

Ucatwa amuyt'ayañ kallti jupa toket take kellkatanacajj parlqui ucanacata, Moisesan libropat kalltasina, profetanacan take kellkatanacapat yatjjatasa.

Lucas 24:44

Ucjjaruw saraquïna: —Cunatejj nayamp lurasqui ucajj cunatejj jumanacampïsin sapcäyäsma ucawa: Phokhasiñapänwa take cunatejj naya toketjj kellkatäqui Moisesan leyipana, profetanacan libronacapana, uqhamarac Salmonacansa ucanacajja.

Juan 1:45

Felipesti Natanael thakeriw saräna, ucatsti saraquïnwa: —Uñjapjjtwa cawquïri chachjjattejj Moisesajj ley libropanjj kellkcänjja, uqhamarac qhitjjattejj profetanacas kellkcänjja uca chacharu. Ucasti Jesusawa, Nazaret marcanquiri Josean yokapa —sasa.

Juan 5:32

Ucampis yakha testigowa utji nayat arsurejja, nayajj yattwa cuntejj sisqui ucajj chekawa.

Juan 5:36

Ucampis Juanan arsutapat sipansa juc'amp suma khanañchäwiwa nayat utjitu. Cunanactejj nayajj lurcta ucajja, Awquejjajj churquitu lurañajjataqui uca pachpawa. Uca luräwinacajjaraquiw khanañchi Awquejjajj nayar qhitanquitu ucatjja.

Juan 5:40

Jumanacasti janiw nayar jutañ munapctati jacañanïpjjañamataquejja.

Juan 5:46

Jumanacatejj Moisesan arsutapar iyawsapjjasma ucajja, nayarojj iyawsapjjaraquitasmawa, Moisesasti nayatwa kellkawayaraqui.

Juan 7:52

Juparusti sapjjaraquïnwa: —¿Jumajj Galileanquiriraquïtati? Kellkatanac uñjjatam, ucatpï yatïtajja jan qhiti profetas Galileat jutatapjja —sasa.

Hechos 13:27

Jerusalén marcan jaquirinacampi jilïrinacampejja, janiw Jesusan qhitïtaps yatipcänti. Janiraquiw amuyt'apcänti cuntejj sinagogana sapa samarañ uruna profetanacan kellkatanacap leepcän ucsa. Ucampis Jesusar jiwayasajj jupanac quicpaw uca profecía arunacjja phokhapjje.

Hechos 17:11

Uca marcanquir judionacasti juc'amp suma chuymanïpjjänwa, Tesalonicanquir judionacat sipansa. Jupanacasti take chuymaw Pablompir Silasampirojj isch'uquipjjäna. Sapüruraquiw Kellkatanacsa yatjjatapjjäna —Uca arunacajj ¿chekapunïpachati janicha? —sasa.

Hechos 26:27

Rey Agripa, ¿profetanacan aruparojj iyawstati? Nayajj yattwa juman iyawsatamjja —sasa.

Romanos 1:2

Khespiyasiñajj jakenacatac utjatapjja, Diosajj nayra urunacatpachwa arsuwayäna profetanac toke, kollan Kellkatanacana.

Romanos 3:2

Chekpachansa asquiwa. Nayrakatajj Diosaw judionacarojj arunacap churatayna.

Deuteronomio 18:15

“Tatitu Diosamasti jumanac taypitjja mä nayjam profeta sayt'ayaraquini, ucarusti ist'apjjañamawa.

Deuteronomio 18:18

Nayaw jupanac taypitjja mä jumjam profeta sartayä, jupanacan marca masipata, ucatsti cuntejj nayajj parlam siscä ucwa sapjjätam uqhamaraquiwa parlapjjätam cuntejj nayajj ewjjancä ucanaca.

Deuteronomio 29:29

“Cawquïri arunactï jan yatctan ucanacajj Diosanquiwa. Cunatejj jiwasajj yatctan ucanacasti, jiwasana, wawanacasampina aca camachi arunacapar phokhañasawa, cawquïrtï jupajj khanañchawayistu ucanacaru.

Deuteronomio 32:47

Jumanacasti janiw aca arunacjja alekaqui ist'apcasmati; jan ucasti aca leyinacajj jumanacataquejj jacañawa, ucatjamaraquiwa walja maranaca jacapjjäta, cawquïri oraktï catupcäta Jordán jawirat qhursa tokena.”

Colosenses 3:16

Tatitun arunacapajj chuymanacamarojj phokhantpan, jumanaccamaraqui yaticht'asipjjam, waytt'asipjjaraquim take amuyt'a chuymampi, Tatitur k'ochuñäqui ucanacsa k'ochupjjaraquim, Diosar yuspagarasa.

Hebreos 11:16

Ucampis jupanacajj mä suma orak munapjjäna, ucasti alajjpach marcawa. Ucatwa Diosajj jan p'enkasquiti, jupanacan Diosapa sayasiñjja, jupanacataquisti mä marcaw waquichata utji.

Hebreos 11:35

Utjaraquïnwa jiwatanacaparus wasitat jactanirinacar catoker warminacasa. Yakhanacajj t'akhesiñanwa jiwarapjjaraqui libre sarnakaña utjatap jan jaysasina, juc'amp suma jacañar jacatatañataqui.

Josué 1:8

Amtasipunïtaw cuntï Diosan leyi libropanjja sisqui uca, uqhamaraqui uruy arumaraquiw lup'iraquïta cuntejj librojj sisqui uca lurañamataqui. Uqhamatwa take luräwinacamajj sumaru sarani.

Apocalipsis 19:10

Nayasti angelan cayunacaparuw quillt'asta yupaychañataqui, ucampis jupajj saraquituwa: “Jan ucjj luramti. Nayajj jumjama, uqhamarac qhitinacatejj Jesucriston khanañchataparu take chuymampi arcapqui, ucanacjam sirviriquiraquïtwa. Ucampis Diosar yupaycham” sasa. Uca Jesucriston khanañchatapasti Diosat parlirinacaruw amuyt'ayi.