Apocalipsis 1:8 - Qullan Arunaca

⁸ “Nayätwa kalltasa tucuyasa, A, Z letranacjama”, siw jach'a ch'amani Tatitojja, uca Diosasti utjascapunïnwa, utjascaquiwa, jichhas utjascaquiniwa.

Aymar Bibliia 1986

⁸ “Nayätwa kalltasa tucuyasa, A, Z letranacjama”, siw jach'a ch'amani Tatitojja, uca Diosasti utjascapunïnwa, utjascaquiwa, jichhas utjascaquiniwa.

Qullan Arunaka DC

⁸ Tatitux siwa: “Nayätwa qalltasa tukuyasa, khitïkitix uka, khitïkäntix uka, khititix jutkani uka; jupasti Taqi Munañaniwa.

Apocalipsis 1:8 Jak'a apnaqawi uñst'ayäwi

Génesis 17:1

Cunapachatejj Abramajj llätunc tunca llätuncani maranëjjan ucqhaw Tatitojj jupar uñstäna, ucatsti saraquïnwa: —Nayätwa take ch'amani Diosajja; jumasti nayan nayrakatajjanjja cheka asqui sarnakam,

Génesis 28:3

Take ch'amani Diosaw jumaru bendicïtam, wawanacamsa waljaniru tucuyaracpan, uqhamat jumatjja walja marcanaca mistuñapataqui.

Génesis 35:11

Yakha suti uchasinjja, Diosajj sascaquïnwa: “Nayätwa take ch'amani Diosajja, wawanacamasa, wawanacaman wawanacapasa waljapunïpan. Jumatwa mistuni mä marca, uqhamarac walja marcanaca, wawanacamatsti reyinacaw mistuni.

Génesis 43:14

Take ch'aman Diosasti uca jakerojj suma chuyma churpan jumanacar sumaqui uñjañapataqui, uqhamata mayni jilamaru, Benjaminarus libre antutaniñapataqui. Ucampisa, ¡nayan jan wawanïñajjatejj waquischi ucqhajj, uqhamäpanaya! —sasa.

Génesis 48:3

Josearusti saraquïnwa: —Take ch'amani Diosaw nayarojj Luz sisqui uca marcan uñstitu, Canaán orakena, ucatsti aca arunacampiw bendiciraquitu:

Génesis 49:25

¡Awquiman Diosapajj yuspagaratäpan, jupaw yanapascätam; take ch'amani Diosaw bendiciscätam! ¡Alajjpacha bendicionanacampi! ¡Jach'a kota mankhanquir bendicionanacampi! ¡Walja wawanïña bendicionanacampi!

Éxodo 3:14

Ucat Diosajj Moisesarojj saraquïnwa: —NAYÄTWA QHITÏCTEJJ UCAJJA. Uqham sasaw israelitanacarojj säta: ‘NAYÄTWA sisqui ucawa qhithanitu jumanacan ucarojja’ sasa.

Éxodo 6:3

Nayawa uñsttjja Abrahamaru, Isaacaru, Jacoboru, take ch'aman Dios sat sutimpi. Ucampis nayajja jupanacarojj TATITU sat cheka sutejjampejj janiw uñt'ayascti.

Isaías 41:4

¿Qhitis take ucanac lurejja? ¿Qhitis kalltatpach take cunsa sarayejja, cunjämarutejj sarañapäqui uqhamaru? Naya, naya Tatitu sapa Dios, nayätwa kalltasa tucuyasa.

Isaías 43:10

Tatitusti siwa: “Jumanacäpjjtaw nayan khanañchirinacajjajja, nayan ajllit sirvirinacajja, nayaw jumanacar ajllisipjjsma nayar uñt'apjjañamataqui, alcatapjjañamataquiraqui, uqhamat amuyapjjañamataqui qhitïctejj nayajj uca. Nayat nayrajj janiw qhiti diosas utjcänti, acat kheparus janipuniw utjcaniti.

Isaías 44:6

Tatitojja, jach'a reyi, Israelan khespiyiripa, take ch'amani Tatitojj siwa: “Nayätwa kalltas, tucuyasa; nayat yakhajj janiw juc'ampi diosajj utjquiti.

Isaías 48:12

“Israel, Jacobon marcapa, ist'ita arunacajja, nayaw jumarojj jawssma: Naya sapaquiw Diosajj utjta, nayätwa kalltasa tucuyasa.

Isaías 9:6

Mä wawaw jiwasataqui yurini, Diosaw mä yokall wawa churistani, uca wawaw jichhajj apnakaraquini. Aqham sasaw sutichapjjaraquini: ‘Amtäwinacapanjja Muspharcaña, jan atipjcay Dios, Wiñay Awqui, Sumancañan Jilïripa’ sasa.

Números 24:4

Cunapachatejj ajayuncqui ucqhajj juc'amp suma uñji, suma arunacwa catokaraqui, uqhamarac ajayun uñacht'äwinacsa take ch'amani Diosatjja.

2 Corintios 6:18

Jumanacan Awquimäyäwa, jumanacasti wawanacajjäpjjaraquïtawa” siw take ch'aman Diosajja.

Apocalipsis 1:11

“Nayätwa kalltasa tucuyasa, A, Z letranacjama. Cuntejj uñjcta ucanacsti mä libroru kellkam, ucatsti Asia tokenquiri pakallko iglesianacar apayam. Uca iglesianacasti acanacawa: Éfeso, Esmirna, Pérgamo, Tiatira, Sardis, Filadelfia uqhamarac Laodicea.”

Apocalipsis 1:17

Uqham uñjasinsti, jiwatjamaw cayunacaparu liwnoktta. Jupasti cupi amparapampi lokjjatasinjja situwa: “Jan ajjsaramti; nayätwa kalltasa tucuyasa.

Apocalipsis 1:4

Naya, Juan, aca cartanac kellkasin apayta Asia tokenquir pakallko iglesianacaru. Catokapjjam jumanacajj Diosan bendicionapa, uqhamarac Diosan asquipsa. Uca Diosasti utjascapunïnwa, utjascaquiwa, jichhas utjascaquiniwa. Uca pachparaqui catokapjjam Diosan tronopan nayrakatapanquir uca pakallko ajayunacatsa.

Apocalipsis 11:17

aqham sasa: “Yuspagarapjjsmawa, Tata, jumajj jach'a ch'amani Diosätawa, utjascapunïyätawa, utjascactawa, jichhas utjascaquipunïtawa. Jichhajj jach'a ch'amamwa uñacht'aytajja, aca orake apnakañsti kalltaractawa.

Apocalipsis 15:3

Diosan sirviripa Moisesan k'ochunacapwa k'ochupjjaraquïna, uqhamarac Corderon k'ochupsa, aqham sasa: “Jach'ätawa, muspharcañaraquïtawa. Jumaraquïtaw take cun luriri jach'a Diosajja. Sarnakäwinacamas chekaparaquiwa, marcanacan Reyipa.

Apocalipsis 16:14

Acanacasti supayan ajayunacapänwa. Jupanacasti milagronacwa lurapjjaraquïna, ucatsti sarapjjänwa take reyinacaru tantachañataqui take ch'aman Diosan jach'a urupana jupampi nuwasiñataqui.

Apocalipsis 16:7

Ucatsti mayniraquiw altarat art'asinïna aqham sasa: “Jïsa Dios Tata, juman taripatamajj chekapapuniwa jakenacataquejja” sasa.

Apocalipsis 19:15

Lacapatsti mä ari espadaraquiw mistüna marcanacaru ucampi chhojjriñchnokañataqui. Ucatsti wali khoru cancañampiraquiw apnakani, cunjämtï uva uma ch'irwsurejj cayumpi taquis ch'irwsojja uqhama. Diosan colerasiñapsti mä vinöcaspas uqhamwa jakenacarojj umarayani, uca mutuñasti take ch'amani Diosan colerasiñapatwa juti.

Apocalipsis 19:6

Ucatsti walja jakes arnakascaspa, jan ucajj walja jawiranacana, uqhamarac jach'a khejjokhejjonacan suenapäcaspas uqhäm ist'aracta, aqham siri: “¡Aleluya! Take munañani Dios Tatitusawa jichhajj aca mundor apnakaña kallti.

Apocalipsis 2:8

“Esmirnanquir iglesian angelaparojj kellkasin apayaraquiquim: ‘Aqham siw qhititejj kalltäqui, tucuyäcaraqui ucajja, qhititejj jiwcäna jichhasti jacascaraqui ucajja:

Apocalipsis 21:22

Janiraquiw cuna templsa ucanjja uñjcti, pachpa Diosaraquiw ucanjja templojja, uqhamarac Corderosa.

Apocalipsis 21:6

Ucatsti saraquituwa: “Take cunas luratäjjewa. Nayätwa kalltas tucuyasa, A, Z letranacjama. Umat pharjatarusti nayajj jalsuri jacañ churir umwa inaqui churäjja.

Apocalipsis 22:13

Nayätwa kalltasa tucuyasa, nayrasa khepasa, A, Z letranacjama.”

Apocalipsis 4:8

Uca pusi jacasquirinacasti sapa maynis sojjta chhekhancamänwa, patatsa mankhatsa nayranacamp phoksuta. Arumay ururaquiw jan samaras sapjjäna: “¡Kollana, kollana, kollana, Take ch'amani Dios Tata. Jupajj utjascapunïnwa, utjascaquiwa, jichhas utjascaquiniwa!”