Tito 1:2 - Qullan Arunaca

² uqhamarac wiñay jacañ suyt'äwirusa. Uca jacañ churañataquejj Diosajj janïr aca orake kalltasquipanwa phokhañataqui arsuwayi, Diosasti uc arsusajj janiw c'arisquiti.

Aymar Bibliia 1986

² uqhamarac wiñay jacañ suyt'äwirusa. Uca jacañ churañataquejj Diosajj janïr aca orake kalltasquipanwa phokhañataqui arsuwayi, Diosasti uc arsusajj janiw c'arisquiti.

Qullan Arunaka DC

² ukhamarak wiñay jakañ suyt'äwirusa. Uka wiñay jakañ churañatakix Tatitux janïr aka uraqi qalltaskipan phuqhañatakiw arsuwayi, Tatitusti ukham arsutap phuqhapuniwa.

Tito 1:2 Jak'a apnaqawi uñst'ayäwi

Isaías 1:20

ucampis nayataqui sayt'asisipcaquïtajja, guerranjj jiwarapjjaquipunïtawa.” Pachpa Tatituw ucjja arsu.

Números 23:19

Janiw Diosajj jiwir jakenacjamäquiti. Janiw c'arisquiti ni yakha amuyunïquisa. Cunapachatejj jupajj cunsa arsu ucqhajj lurapuniwa. Cunapachatejj cunsa arupampejj arsu ucqhajj phokhapuniwa.

Mateo 25:34

Ucapachaw cupëjjapancquis ucanacarojj sani: ‘Jutapjjam, jumanacajj Awquejjan bendicitanacapa, catokapjjaraquimay wiñay jacañjja jumanacataqui waquichatäquis uca, cawquïritejj aca orake kalltatpacha luratäqui.

Mateo 25:46

Jichhajj wiñay t'akhesiñaruw jupanacajj sarapjjaraquini, asqui jakenacasti wiñay jacañaruraquiw sarapjjani.”

Marcos 10:17

Cunapachatejj Jesusajj ucawjat sartawayascän ucqhaw mä jakejj jalani. Jesusan nayrakatapar quillt'asisinsti, juparuw jisct'äna: —Suma yatichiri, ¿cuna lurañajjasa waquisi wiñay jacañ catokañataquejja? —sasa.

Marcos 10:30

uca jakejj patac ucqhampi acapachan catokjjani utanaca, jilanaca, cullacanaca, tayca, wawanaca, orakenacsa. Ucanac catokcasasa uñisitaw sarnakapjjani. Ucampis qhä pachanjja wiñay jacañ catokaraquini.

Juan 10:28

Nayajj wiñay jacañwa churta, janiw cunapachas jiwapcaraquiniti, ni qhitis amparajjatjja apakcaraquitaniti.

Juan 17:2

Jumajj Yokamarojj take jakenacjjaru ch'amanïñwa churtajja, cawquïrinactejj churcta ucanacar wiñay jacaña churañataqui.

Juan 17:24

“Awquiy, jumaw jupanac churista. Jichhajj muntwa nayajj cawquinccätejja, jupanacajj ucancapjjañaparaqui, jumajj jach'a cancañwa churista uc uñjapjjañapataqui, jumasti janïra acapachajj utjquipanwa munasista.

Juan 5:39

Jumanacajj Kellkatanacjj take amuyumpiw leepjjtajja, uca Kellkatanacan wiñay jacaña jicjjatañ amuyasina; ucampis Kellkatanacajj nayjjataracwa parli.

Juan 6:54

Qhititejj nayan janchejj mank'qui, wilajjsa umcaraqui ucajja, wiñay jacañaniwa, nayapï khepa urunjja jacatatayaraquëjja.

Juan 6:68

Simón Pedrosti ucjjarojj saraquïnwa: —Tata, ¿qhitirus arcapjjeristjja? Juman arunacamajj wiñay jacañ arunacawa.

Hechos 15:18

“Uqham siw Tatitojja. Jupasti nayratpachaw take ucanacjja jakenacar yatiyi.”

Romanos 1:2

Khespiyasiñajj jakenacatac utjatapjja, Diosajj nayra urunacatpachwa arsuwayäna profetanac toke, kollan Kellkatanacana.

Romanos 16:25

Jichhasti Diosaru yupaychapjjañäni. Jupaquiwa jumanacarojj wali ch'amani tucuyaspajja, cunjämtejj nayajj jumanacaru yatichapcsmas khespiyasiñ toketjja, Cristo laycu utjatapäquis ucan sarnakañanjja. Take acanacasti Diosan khanstayatawa, ucampis janïra aca orakejj lurasquipanwa imantatänjja.

Romanos 2:7

Diosajj wiñay jacañwa churani take qhitinacatejj Diosan marcapa, cheka cancañampi jan inact'as thakerinacarojja.

Romanos 5:2

Cristo tokeraquiw jiwasanacajj Diosarojj jac'achastanjja, iyawsäwi laycu jupat bendiciona catokañataqui. Uca bendicionansti takeniw ch'amani sayt'atätanjja, Diosan marcaparu mantañataqui suyt'äwinsti cusisitätanwa.

Romanos 5:21

Take acanacasti lurasiwa cunjämtï juchajj jiwayañataqui ch'amanïquejja, uca quipcaraquiw Diosan qhuyapayasiñapajj jiwasatac ch'amaniraqui Diosampïtas laycu Jesucristo toke wiñay jacañ churañataqui.

Romanos 5:4

Uqham llamp'u chuymanïñasti mä sumaruw jiwasarojj mistuyistu, uqham sumar mistuyatäsinsti suyt'añaw utjistu.

Romanos 6:23

Juchan wajjt'asiñapasti jiwañawa, ucampis Diosan wajjt'äwipajj wiñay jacañawa Cristo Jesús Tatitusana.

Colosenses 1:27

Jupanacaruw Diosajj aca imantatjja uñacht'ayaraqui, cuna kamir cancañatejj Diosan utjqui jan judiöpquis uca jakenacaru. Imantäwisti Jesucristojj jumanacancqui ucawa, juparaquiwa cuntejj catokapcäta uca suyt'äwisa.

1 Tesalonicenses 2:15

Aca judionacaw Tatit Jesusarojj jiwayapjjäna, cunjämtejj nayrapacha profetanacap jiwayapjjatayna uqhama, nanacarus jaksunipjjaraquituwa. Diosarojj janiw cusisiyapquiti, take jakenac conträpjjaraquiwa.

1 Tesalonicenses 5:8

Ucampis jiwasanacajj urunquirjamajja, amuyasiñasapuniwa. Jarc'akasiñasawa iyawsañampi, uqhamarac munasiñampi, khespiyasiñataqui suyt'añajj mä cascjamawa p'ekesaru imantañapajja.

1 Timoteo 6:12

Iyawsäwin suma nuwasiñapan nuwasim, wiñay jacaña jicjjataraquim ucataquiw Diosajj jawstam, iyawsäwin suma arsüwipwa lurawayta takenin uñjcaya.

1 Timoteo 6:19

Uqhamatwa yänacapajj utjani khepüru sum sayt'añapataqui, uqhamata wiñay jacaña catokapjjañapataqui.

2 Timoteo 1:1

Naya Pablojj Jesucriston apostolopätwa, Diosan munañapat qhitata, cunjämatejj arsüwejj utjqui Cristo Jesusampi mayaru tucusin jacañjjata.

2 Timoteo 1:9

Diosajj khespiyistuwa, jawsaraquistuwa juparu catuyata jacañasataqui, ucasti janiw jiwasan cuna asqui luratas laycuti, jan ucasti uqhamänwa jupan amtäwipajja, uqhamarac Cristompi mayachasitas laycuw munasiraquistu. Diosasti munasistuwa, aca orakejj janïra utjcän ucqhatpacha.

2 Timoteo 2:10

Ucatwa take cuns t'akhestjja Diosan ajllitanacapar munatajj laycu, jupanacajj Cristo Jesusampi mayachasitasat jutquis uca wiñay jach'a khespiyasiña catokapjjañapataqui.

2 Timoteo 2:13

Juparutejj jan take chuyma arccañäni ucas, jupajj janiw armasquistaniti, Diosajj janiw jupapachpa armascaspati.

2 Timoteo 2:15

Cunäquipansa, mä suma irnakerjama Diosan nayrakataparu uñstam, jan cunatsa p'enkasiñani, chekaparu Tatitun arunacap parlasinaraqui.

Tito 2:13

Yaticharaquistuwa mä cusiscañ suyt'äwimpi jacañasa, jach'a Khespiyiri Jesucristo Diosajj uñstancani uc suyasina.

Tito 2:7

Juma pachparaqui mä suma uñtäwi uñacht'ayam take cunansa. Yatichañansti cheka cancañampi yaticham, phokhasaraqui,

Tito 3:7

uqhamat qhuyapayasiñapan jiwasar catokañapataqui, uqhamarac wiñay jacañ suyt'ctansa uc catokañasataqui.

1 Juan 2:25

Ucapunïsquiwa, ucatpï Tatit Jesucristojj arsuwayejja: wiñay jacañ churañataqui.

1 Juan 5:20

Yatiractanwa Diosan Yokapan jutatapa, uqhamarac amuyt'ayistu chekpach Diosar uñt'añataqui. Uca chekpach Jesucristo Yokapampejj mayanacwa jacaractanjja. Aca Diosajj chekawa, wiñay jacañaraquiwa.

Judas 1:21

Diosan munasiñapan jacapjjam, cunürutï Tatit Jesucristosajj qhuyapayasiñapanjja wiñay jacañjja churquistani uca uru suyt'asina.

Apocalipsis 13:8

Take qhitinacatejj aca oraken jacapqui, uqhamarac kalltatpacha sutinacapas jiwquis uca Corderon jacañ libropan jan kellkatäpquis ucanacajja, uca jach'a ajjsarcañ animalaruw yupaychapjjani.

Apocalipsis 17:8

Uca ajjsarcañ animal uñjctas ucajj nayrapachajj jaccäna ucawa, jichhasti ucajj janiw jaccjjeti. Ucampis aca orak mankhatwa mistunini janïra jiwañaru sarcasajja. Qhitinacatejj oraken jacasipqui ucat janiraqui sutinacapajj jacañ librona kellkatäquiti aca orake kalltäwitpacha ucanacajja, uca ajjsarcañ animal uñjasajj wali sustjasipjjani. Uca ajjsarcañ animalasti nayraw utjäna, jichhasti janiw utjcjjeti, ucampis ucapachajj uñstaniniwa.

1 Samuel 15:29

Israelan jach'a Diosapäqui ucajja, janiw c'ariscaspati, ni amtcaraquispasa, jupasti janiwa aleka jakequïquiti amtañataquejja.