Kasta
63 Biblian jiskʼa tʼaqanakapajja, amigonaka ukat maynit maynikam yanaptʼasiñ toqet parlir jiskʼa tʼaqanaka
Kullakanakasa, llakinakasasa, kusisiñani, llakisiñani chikachasipxtanjja. “Janiw nay nayrankäpjja sapjjeti, nayrankäpjax janiw yatipkiti patronapax kun luraski ukxa; jan ukasti amigonakaj sapjjsma, kunawsati Awkixat yatiqtawayapxta uk taqpach yatiyapjjtwa” (Juan 15:15). Chiqpachansa, chiqa chuymampi, jan jalthapiñampiw jakasiñasa, ukhamax sum jakasiñataki, cheqpach amigonakäñatakis wakisi.
Cheqpach amigux jani walinakan uñachtʼayasi, yanapi munaski ukhaxa. Kusisiñanakanxa taqiniw “amigo” sapxi, ukampirus cheqpach amiguñax uñachtʼayasi llakinakanxa, usuntatäxasaxa, qulqi chʼixtatäxasaxa, jan ukax mayni jakañap jaytawayxäxasaxa. Taqi pachanakanwa amigux munasi, llaki pachanakanxa jilapaw tukusi. Proverbios 17:17.
T'akhesisquiri jake masirojj munañawa, janis take chuymäcchi take ch'amani Diosataquejj ucasa.
Munat jilatanaca, munasiñasaw maynit maynicama, munasiñasti Diosatwa juti. Qhitinacantejj munasiñapajj utjqui ucanacasti Diosan wawapawa, Diosarusti uñt'araquiwa.
Jan ist'asir sajjra jakejja ch'ajjwañanacwa sartayi; arunac apnaker jakesti uñisiñ utjayi.
Amigonacamarojj jan apanucumti, janirac awquiman amigonacaparusa. Jilaman utaparusti janipuniwa jan walt'añanacamata parlirejja sarätati. Jayanquiri jilatat sipansa, uta jac'anquiri jake masiwa juc'amp asquejja.
Suma yatiñan jakenacamp chica sarnakerejja, suma yatiñaniraquïniwa; jan amuyt'an jakenacamp chica sarnakeristi, jan walt'añaruwa puriraquini.
Cunjämtejj jumanacajj mayninacampejj lurayasiñ munapctajja, uqhamarac jumanacajj jupanacarojj lurapjjam.
Kamir cancañajj walja amigonacwa utjayi, ucampis mä pobre jakerojja amigonacapajj apanucjjewa.
K'apquir perfumenacajja jaken chuymaparuw cusisiyi; ewjja arunacasti jaken jacäwiparuw cusisiyi.
Jumanacajj nayan amigonacajjäpjjtawa, cuntejj nayajj jumanacar sapcsma uc lurapjjäta ucajja. Janiw ‘uywatanac’ sas sutichcjjapsmati, mä uywatasti janiw uywiripan luratanacap yatquiti uca laycu. Nayajj jumanacarojj ‘amigonac’ sapjjsmawa, cuntejj Awquejjajj sisquitu uca jumanacar yatiyatajj laycu.
Maynitejj jupanacat liwischi ucajja, mayniwa wayti. ¡Ucampis llaquisiñawa qhititejj sapäcasina liwisqui ucajja, janiw qhiti waytiripas utjcaniti!
Yakhep amigonacasti janc'aquiw apanucusiraqui, ucampis mä amigow utji jilat sipansa juc'amp suma.
Mayni sapajj atipjatäspawa, ucampis paninejj atipapjjaspawa, uqhamaraqui quimsat c'anat wisqhajj janiw mäqui t'akascaspati.
Ucatpï, sapa cuti asqui lurañajj utjchi ucqhajja, takeniruw asqui lurañäni, juc'ampis iglesianquir jilatanacasaru.
Qhititejj jan wali luratata perdonqui ucajja, juc'ampi suma munasiñwa utjayi; qhititejj jan wali luratata parlascaqui ucajja, jake masiparojja juc'ampiwa jithekayi.
Uqhamasti jumanacajj suman sarnakapjjam, qhuyapayasipjjaraquim jumanaccamajja jilapurjama munasisa, llamp'u chuymanïpjjaraquim.
Janiw juc'ampi jach'a munasiñanejj utjcaspati cawquïritejj amigonacap laycu jacañap apt'asquis ucat sipanjja.
Yanapt'asipjjam maynit maynicama take cuna apañanacanjja, uqhamanwa Criston leyip phokhapjjäta.
Asqui jakejj masipan irpiripawa, ucampis ñankha lurir jakenacajja maysaruwa saranucupjje.
Maynit maynicamaw munasipjjañama jila purjam take chuymampi, suma aytat sarnakañansti purapat suma ajjsartañampi uñjasisa.
Job chachanjja quimsa amigonacapaw utjäna: Elifaz sata, Temán chekanquiri; Bildad satajja, Súa sat chekanquiri; Zofar satasti, Naamat sat chekanquiriraqui. Jupanacasti Job chachana uqham jan walt'añanacaru puritapa yatisinjja amtasipjjänwa chuymacht'iri, uqhamaraqui uca llaquinacapana uñjt'iri sarañataqui.
Cunjämatejj hierrojja yakha hierrompi lek'jasa ariptayatajja, uqhamaraquiw jakejj jake masipampi suma amuyt'ayataraqui.
Ucampis, cunapachatejj Moisesajj amparap altor loktän ucqhasti israelitanacajj nuwasiñanjja atipapjjänwa. Ucampis amparap ayakasjjän ucqhasti amalecitanacaraquiw atipapjjaraquïna. Ucampis Moisesarojj amparanacap altoru loktatajj karjtjjänwa, ucatsti mä kala aptanisajja uca patjjaru Moisesarojj kont'ayasinwa Aaronampi, Hur sat chachampejj amparanacapat catjjäsipjjäna, maynejja maysata maynisti maysata uqhama. Ucatsti uqhamatwa Moisesan amparapajj altor lokjjäsiyatäna inti jalantañapcama.
Uqhamatwa Diosan arupan kellkatajj phokhasïna: “Abrahamajj Diosaruw iyawsäna, Diosasti ucatjj ‘Waliquiw’ sasaw catokäna.” Abrahamasti Diosan amigopa sataraquïnwa.
Amigoman utaparojj jan ancha visitir saramti, jumampi amjayasjjasinjja, uñisjjaquiristamwa.
Jan chicachasimti, janirac suman sarnakamti colerasiri jan wali jakempejja, jan yatekasiñamataqui jan wali sarnakäwinacapata, jan cuncamaru wisqhampi jaychjayasiñatac uchascamti.
Diosasti, Moisesampejj ajanuy ajanuwa parlapjjäna, cunjämatejj qhitisa mä amigopampejj parlasqui uqhama. Ucatsti Moisesajj Diosampi parlaniwayasinjja campamentoruw cutt'anjjäna. Ucampis Nun sat chachan Josué yokapasti Moisesan yanapiripänwa, ucat aca waynasti Tatitumpi Jiquisiñ Carpatjja janipuniw mistuniricänti.
Uñisirin jamp'att'atanacapat sipansa, juc'am asquiwa chojjriñchjasiri amigopar alcatañajja.
Thakañasaw maynit maynicama cunjäman yanapt'asiñasataqui munasiñanïñasataqui, uqhamarac suma luräwinac uñacht'ayasa.
“Saúl reyimpi, Jonatanampisti, sinti munasipjjäna jacañansa, jiwañansa, janiw jaljtapquiti. ¡Jupanacajj jach'a pacanacat sipansa wali jalirïpjjänwa! ¡Leonanacat sipansa juc'ampi ch'amanïpjjänwa!
Jan sallkjayasipjjamti. Cunjämtejj säwejj sisqui: “Jan wali jakenacampi sarnakañajj suma luräwinaca chhakhayañawa” sasa.
Uqhamajj ch'amañchasipjjam maynit maynicama, cunjämtejj jichhas lurapctas uqhama.
Job chachan amigonacapataqui mayitapatsti, Diosajj Job chacharojj nayra kamir cancañapwa wasitat cuttayjjäna, ucat juc'ampisa nayra kamir cancañapat sipanjja pä uqhampwa cuttayjjäna.
Qhititejj jisct'anejja: ‘¿Cuna chhojjrinacas janchiman apcta ucajja?’ sasajja, jupasti saraquiniwa: ‘Amigonacajjan utapanwa uqham lurapjjetu’ ” sasa.
Davidan Saúl reyimpi parlañ tucuyjjatapatsti, Jonatanajj Davidampejj wali suma amigonacapuniw tucupjjäna, ucatsti Jonatanajj jupa quipcarjamaw munasïna.
Jonatanasti Davidaru sinti munatap laycojja, wasitatwa juramento lurarapïna, jupa quipcarjamaraqui munasitap laycu.
Sapa cuti jumanacat amtasta ucqhajja Diosaruw yuspagarta. Jumanacas uqhamarac nayasa uca quipca nuwasiñancapjjtanwa, uñjapjjaractawa cunjämtejj nayas nuwascta ucjja, jichhasti yatipjjaractawa nayan nuwasiscatajjsa. Cunapachatejj oración lurcta ucapachajja, take jumanacataquejj cusisiñampiw mayirapipjjsma. Jumanacampi chicaw khespiyasiñ arunac yatiyapjjäyätan, kalltat jichhürcama.
Diosajj jumanacarojj munapjjtamwa, jupancapjjañamataquiw ajllisipjjtam. Uqhamajj qhuyapayasiñampi, suma jakëñampi, jisc'ar tucuñampi, llamp'u chuymanïñampi isthapitay sarnakapjjam. Jumanac purajj llamp'u chuymampi sarnakapjjam, maynit maynirus perdonasipjjaraquim jan wali lurasipjjsta ucapachajja. Cunjämtï jumanacarojj Cristojj perdonapjjtamjja, uqhamarac jumanacajj perdonapjjam. Ucatsipansa wali munasiñanïpjjam, munasiñasti mayaruw tucuyi, take cunsa phokharaquiwa.
Ucampis llamp'u cancañampi chuymachasiñampi churir Diosajja jumanacan jacäwimana yanappan sumaqui mayninacajj mayninacampi jacapjjañamataqui, Tatit Jesusanquirinacjama, uqhamata takenisa mayaqui jach'a Dios Awquisaru yupaychañataqui, jupasti Jesucriston Awquiparaquiwa.
Thakañasaw maynit maynicama cunjäman yanapt'asiñasataqui munasiñanïñasataqui, uqhamarac suma luräwinac uñacht'ayasa. Janiraquiw tantachasïwinacasar janejj sarañasäquiti cunjämtejj yakhepanacajj jan sarapquiti uqhama, jan ucasti maynit mayniruw waytt'asiñasa, Tatitun jutäwipa jac'ancjjatapa yatisinsti juc'ampïñapawa.
Ucat sipansa jumanacanjja munasiñajj utjapunpan, munasiñasti walja juchanacwa perdonaraqui.
Jiwasatejj khanan jacstan, cunjämatejj Diosajj khanancqui uqhamjja, mayaquïtanwa maynimpi maynimpisa, Jesucristo Yokapan wilapaw take juchanacasat k'omacharaquistu.
Jan jumanacajj Tatitur jan iyawsirinacampejj chicachasipjjamti, jupanacampi chicachasipjjasmajja, mä ch'ulla ch'ulla yuntar uñtatäpjjasmawa. ¿Cuna lurañaparac utji asquimpi ñankhampisti? Jan ucajj ¿cunjämaraqui khanasti ch'amacampïspasti?
Alcatañ uñt'at masejjamppacha, mank'añajjat mank'er jakemppachaw nayarojj ch'ojjñ luritu.
ucampis jumaw nayamp chic sarnakerïtajja, jumätaw nayan alcatañajjajja, jumampiw wali sum parlt'asïyätan; cusisisaw jakenac taypin Diosan utapar saräyätan.
“Jumanacäpjjaractawa acapach khanajja. Mä kollu patanquir marcajj janiw cunjämatsa imantascaspati.
Cusisipjjaraquim qhitinacatejj cusisitäqui ucanacampejja, jachapjjaraquim jachirinacampejja.
Davidan Saúl reyimpi parlañ tucuyjjatapatsti, Jonatanajj Davidampejj wali suma amigonacapuniw tucupjjäna, ucatsti Jonatanajj jupa quipcarjamaw munasïna. Ucat khepa urusti, Diosajj qhitancatayna uca ñankha ajayojj Saúl reyirojj wasitatwa catuntäna, jupasti lokheruw tucüna palacio utap mankhanjja. Davidasti cunjämtejj arpa toct'irïcäna uqhamwa tocascäna, Saúl reyisti amparaparu lanza ayt'ataraquïnwa. Acatjamatwa Saúl reyejj lanzap aytasina, Davidarojj perkaru lanzamp chhokcatañ munäna, ucampis Davidajj pä cutiw maysaru jitjtäna. Saúl reyisti Davidarojj ajjsaränwa, Tatitusti Davidaruquiw yanapäna, ucampisa juparojj janiw yanapcjjänti. Ucatwa juparojj jayaru uscjjäna, ucatsti mä batallón soldadonacan jilïripatwa uscuraquïna. Uca batallonampiw nuwasirejj sarirïna, uqhamarac cuttanjjaraquirïna. Cunjämatejj Tatitojj Davidaru yanapcänjja, take cuna lurañapansa jupajj walt'ascaquipunïnwa. Ucatwa Saúl reyejj juparojj ajjsaräna, uqham Davidajj take cunansa suman mistutapata. Ucampisa, take Israel marcanjja, uqhamarac Judá orakensa, Davidarojj walpun munasipjjäna, cunapachatejj guerraru sarapcäna ucapachajj jupaw sarayäna, uqhamarac cuttayanjjaraquïna. Mä urusti Saúl reyejj Davidarojj saraquïnwa: —Nayasti jilïri Merab sata, phuchajja warmimataqui churäma, jumasti nayataquejj guerran mä suma nuwasiri jakëñamataqui, uqhamarac Tatitun nuwasïwinacapar nuwasiñamataqui. Saúl reyisti chuymapanjja amuyaraquïnwa: “Uqhamat janiw naya quipca Davidarojj jiwaycäti, jan ucasti guerran filisteo jakenacaw jiwayascani” sasa. Ucampisa Davidajj saraquïnwa: —Janiw nayajj qhitïctsa, familianacajjas Israel marcanjja janiw cunäpcaraquisa, nayajj reyin tollkapäñajjataquejja —sasa. Ucampisa cunürutejj Saúl reyejj Davidaru Merab phuchapa warmipäñapataqui churañ urojj purinjjäna ucqhajja, Davidar churcamayajja, Meholanquiri Adriel jakeruquiw churjjäna. Saúl reyisti uca urpacharaquiw Davidarojj catokäna, jupar sirviñapataquiraquiw uscüna, janiraquiw awquipan utaparojj saraycjjänti. Ucampisa Saúl reyin maynïri Mical sata phuchapajja Davidarojj walpun munäna. Ucatsti uqham munatapa Saúl reyirojj yatiyapjjän ucqhajja, Saúl reyejj wal cusisïna. Chuymapansti uca phuchapjja Davidaru warmipäñapataqui churañwa amtascäna, uqhamat uca phuchapajj filisteonacan amparaparu Davidarojj catuyañapataqui. Ucatwa wasitata Davidarojj saraquïna: —Jichhacuchaw tollkajjäyätajja —sasa. Uca khepatsti Saúl reyejj sirvirinacaparuw qhitäna aqham sasa: —Jichhajj jumanacajj sarapjjam, ucatsti Davidarojj jupa saparuqui parlapjjam. Sapjjaraquim naya reyejj juparu sintipuni munatajja, uqhamarac take sirvirinacajjasa juparojj wali munapjjatapa, uqhamasti jupajj nayan tollkajjapunïniwa —sasa. Saúl reyin sirvirinacapasti take ucanacjja Davidarojj sapjjänwa. Ucampisa Davidajj jupanacarojj saraquïnwa: —¿Jumanacataquisti waliquiti nayan reyin tollkapäñajjataquisti? Nayajj janiw qhitïctsa, jan ucasti mä pobre jakequïtwa —sasa. Saúl reyin sirvirinacapasti cuttawayasinjja cuntejj Davidajj siscäna ucanacjja reyirojj yatiyjjapjjänwa. Ucatsti Saúl reyejj filisteonacan amparaparu Davidan catutäñapa munasinsti, saraquïnwa: —Davidarojj sapjjam, ‘Cunatejj mä warmitjja churañäqui, uca lantjja, filisteonacan chhojjorasiñapata, pataca lip'ichinaca apanpan, uqhamat uñisirinacajjat phoksusiñajjataqui; ucsti naya reyiw arojjampi arsta’ sasa Davidarojj sapjjam —sasaw saraquïna. Saúl reyin sirvirinacapasti take acanacjja Davidaruw yatiyapjjäna. Davidasti uca arunac ist'asinjja cusisïnwa uqhamat reyin tollkapa tucuñataqui. Janïra uca urunaca phokhasquipansti, Davidajj jakenacapampi filisteo chachanacaru jiwarayiriw sarapjjäna. Pä pataca filisteo chachanacwa jiwarayapjjaraquïna, ucatsti ucanacan chhojjorasiñapan punta lip'ichinacapsti reyin ucaruw apaniraquïna, uqhamat jupajj reyin tollkapäñapataqui. Uqhamasti Saúl reyejj Mical phuchapwa Davidarojj warmipäñapataqui churjjäna. Ucampisa Saúl reyejj Tatitun wali Davidaru yanapatapa uñjasinjja, uqhamarac Mical phuchapasa wali munasitapatjja, nayrat sipansa juc'ampwa ajjsaräna, ucatsti wiñaya uñisiripaw tucjjäna. Jonatanampi, Davidampisti wiñay uqham munasiñataquiw juramento lurapjjäna, Jonatanasti Davidarojj jupa quipcarjam munasitap laycu.
Uqhamasti Cristotejj ch'amañchapjjstam, jupan munasiñaparaqui chuymachapjjstam, Ajayuparaqui jumanacampïchi, jupan munasiñapsa qhuyapayasiñapsa uñt'apjjsta ucqhajja, Uqhamat Jesusan sutip ist'asinjja take jaquir jakenacasa, acapachansa, alajjpachansa, mankhapachansa, quillt'asipjjañapataqui, ucat takeni arsuñapataqui Jesucristojj Tatitütapa, Dios Awquejj jach'achatäñapataqui. Ucatpï, munat jilatanaca, cunjämtï jumanacajj ist'apjjapunistajja cunapachatejj jumanacampïcäyät ucqhajja, jichhasti juc'ampi ist'apjjeta jayancatajj laycu. Jumanacan quipca khespiyasiñanacamatsti, alt'at chuymampi ajjsarañampirac phokhapjjam. Diosaw suma amtäwinac churapjjtam, jupa pachparaquiw yanapasipctamjja uca lurañanac phokhañanjja jupan munañaparjama. Take cunsa amuc lurapjjam jan jumanac pura ch'ajjwasa, uqhamat jan qhitis cunatsa jumanacar juchañchañapataqui, jan ucasti Diosan wawanacapjama jan cuna k'añuni jan wali jakenac taypins jicjjatasipjjañamataqui. Jumanacasti jupanac taypinjja c'ajapjjapunim cunjämatejj mä warawarajj ch'amac taypin c'ajqui uqhama, jacañ arunac jupanacaru yatiyasa. Uqhamata cunapachatejj Cristojj jutcani ucqhajj, jumanacat uqham ist'asinjja cusisiñajjataqui, jan inamay jalatajja, inamaya ch'am tucutajjsa yatisina. Nayan quipca jacañajjas sacrificatäcchinejja, cawquïr catuyäwtï iyawsapjjatam laycu Diosaru loktapctas uca phokhañataqui ucajja, nayajj cusistwa, jumanacampi chicaraquiw cusisiractjja. Cusisipjjaraquimay jumanacajja nayan cusisiñajjansa. Tatitun munañapächi ucqhajja, suyasctwa jumanacar uñjiri janc'aqui Timoteor qhitaniña, ucat jumanacat yatisina cusisiñajjataqui. cusisiyapjjapunita uqham mä wawaqui suma jacasipjjatamampejja, mä munasiñan mayachataquiraqui uca quipca ajayuniquiraqui, mä sapa amtäwiniquiraqui.
Tatitojj qhuyapayaspan Onesíforon familiapatjja, jupasti walja cutiw samarañ churitu, janiraquiw p'enkasquiti nayan presötajjata. Ucat sipansa, cunapachatejj nayajj Romanccäyäta ucqhajja, jupajj jan inact'asaw thaketu, nayaru jicjjatañcama. Tatitojj churpan qhä urunjja qhuyapayasiñap catokañapataqui. Jumajj asquiw yattajja cunjämtejj Éfeso marcanjja yanapquistän ucjja.
Tatitun nayrakatapan amuct'am; jupan yanapap llamp'u chuymamp suyam, ñankha lurir jaken atipjatapat jan k'apisimti; ñankhanac amtir jakets janirac mayjt'asimti. K'apisiñ apanucum, chuym ch'amact'ayasiñ jaytanucum, ñankha jan lurascañamataquejj jan k'apisimti, ñankha luririnacajj oraket jakonucutäpjjaniwa, Tatitur suyt'irinacasti oraken jacasipjjani.
Cunjämatejj cuerposajj take cunanïqui uqhamar uñtataraquiw Cristojja. Uca take cunanacasti waljäcchi ucasa, mä sapa cuerporu tucutaquiwa. Take jiwasanacasti, judiosa, griegosa, esclavosa, libresa, Kollan Ajayun bautisasjjasinjja mä sapa cuerpoquiw tucjjtan; takenisa uca pachpa Ajayutaracwa catoktanjja. Mä cuerpojj janiw mä sapat lurt'ataquïquiti, jan ucasti waljanacat lurt'atawa.
Jumanacarojj uñjañwa munta uqhamat ajayu token ch'amañcht'añataqui uqhamat juc'amp sum sayt'asipjjañamataqui; uqhamat maynit mayniru yanapt'asiñasataqui cawquïr iyawsañatejj jumanacansa nayansa utjqui ucarjama.
Ist'am suma ewjja arunacaru, chekachäwi arunacsa catokasiraquim; uqhamatwa yatiñan jakëyätajja.
Jumanacajj jilatanaca, khespiyat sarnakasiñaru jawsatäpjjtawa, ucampis jan uca libre sarnakasiñ tumpanejj janchin munañaparjam sarnakapjjamti, jan ucasti maynit maynicama yanapt'asipjjañamawa munasipjjatanacam laycu.
qhititejj ñankha lurañarojj jisc'achqui uca, Tatitur ajjsartirirus jach'añchqui uca, qhititejj jan walir purcasas arsutap phokqui uca;
Llamp'u chuymanïpjjam, munasirinaca, paciencianïpjjaraquim maynit maynicama munasiñan sarnakasa. Ucampis jumanacajj janiw uca casta lurañanacjja Cristot yatekapctati, jumanacatejj chekpachan juparu ist'apjjsta uqhamarac jupamp yatichatäpjjsta Jesusan asqui luräwinacaparjama ucajja. Nayra jacäwinacamarjam sarnakañjja apanucupjjam, uca sarnakäwisti cunayman jucha lurañanacampi sallkjatänwa. Jumanacajj machakar trocatäjjapjjañamawa ajayunacamansa uqhamarac amuyt'añanacamansa, ucatsti Diosan munañaparjama luratäqui uca machak jacäwimpi isthapisipjjam, suma k'oma cheka cancañan jacapjjaraquim. Uqhamasti jichhajj c'arinacjja jan parlcjjapjjamti; sapa maynis jake masinacamarojj cunatejj chekäqui ucac parlapjjam, takenis mä sapa cuerpon luriripaquïtanwa. Colerasisinjja jan juch lurapjjamti, uca colerasiñanacamajj jan jornalpachäpati. Janirac Supayarus jac'achayasipjjamti. Qhititejj lunthatasirïcän ucajja jan juc'amp lunthatascjjpanti, jan ucasti irnakañaru uscuspan, sum irnakasinwa pobrenacar yanapt'añataquis utjaraquini. Jan wali arunacjj jan parlapjjamti, jan ucasti suma arunacamp parlapjjam, uqhamata ist'irinacamajj jiltañana yanapt'atäñapataqui, uqhamarac bendicitäñapataqui. Janipun t'akanoktañar sarapjjamti, jan ucasti mayaquïpjjapunim Kollan Ajayun yanapapampi, sumancañajj mayachthapipctam uca toke.