Gálatas 6:10 - Qullan Arunaca

¹⁰ Ucatpï, sapa cuti asqui lurañajj utjchi ucqhajja, takeniruw asqui lurañäni, juc'ampis iglesianquir jilatanacasaru.

Aymar Bibliia 1986

¹⁰ Ucatpï, sapa cuti asqui lurañajj utjchi ucqhajja, takeniruw asqui lurañäni, juc'ampis iglesianquir jilatanacasaru.

Qullan Arunaka DC

¹⁰ Ukalayku, wakisini ukax, taqinir aski lurapxañäni, juk'ampis iyawsir jilatanakasaru.

Gálatas 6:10 Jak'a apnaqawi uñst'ayäwi

Salmos 37:27

Ñankha lurañat jithektasim, asc luraraquim, jacañamataquisti utajj utjapunïtamwa.

Salmos 37:3

Tatiturojj take chuymamp alcatam, asc luraraquim, oraken jacasim, chekaparac jacam;

Proverbios 3:27

“Cunapachatï yanapt'añajj amparamancascchi ucqhajja, jan ‘Janiw’ siscamti qhititejj yanapa maycätam ucarojja.

Eclesiastés 3:12

Nayajj amuytwa, jaketaquejj asquiwa jacañapana cusisiñapajja, uqhamarac suma sarnakañapajja.

Eclesiastés 9:10

Cuna lurañatejj jumataqui utjcani ucjja ch'amamarjam luram, jumajj sepulcror sarcätas ucanjja janiw cuna lurañas utjquiti, cuna lup'iñasa, uñt'añasa, janiraquiw yatiñanïñasa utjquiti.

Mateo 10:25

Mä yatekerejj chuymachasjjañapawa cunapachatejj yatichiripjamäjje ucajja, uywatasti chuymachasjjañaparaquiwa cunjamäcäntejj uywiripajj uqhamar purisajja. Utanirutejj Beelzebú sas sutichapjjchejja, juc'amp jan walinacwa familiaparojj sapjjanejja.

Mateo 12:50

Qhitinacatejj Awquejjan munañapa lurqui, ucanacawa nayan jilajjajja, cullacajjasa, taycajjaraquisa —sasa.

Mateo 25:40

Reyejj ucjjarojj saraquiniwa: ‘Khanacwa sapjjsma, nayan mä jilajjarutejj take ucanac lurapjjstajja alt'at chuymanïcchi ucasa, nayaruw uqham lurapjjesta.’

Mateo 5:43

“Ist'apjjaractawa cunatï satäcänsa ucjja: ‘Jake masimarojj munam, uñisirimarusti uñisiraquim’ sasa.

Marcos 3:4

Ucatsti Jesusajj jakenacarojj jisct'araquïnwa: —¿Cuna lurañas waquisi samarañ urunjja, asqui lurañat jan ucajj ñankha lurañacha? ¿Kollañati jan ucajj jiwayañacha? —sasa. Jakenacasti amuquïpjjänwa.

Lucas 6:35

Ucampis jumanacajj uñisirinacamarojj munapjjañanacamawa, asqui lurapjjañamaraquiwa, uqhamarac mayt'apjjañamaw jan cuns catokañampi. Uqhamatwa jumanacan catokañanacamajj jach'äni, jumanacasti Alajjpach Dios Awquin wawanacapäpjjätawa. Diosajj qhuyapayasiriraquiw, jupar jan yuspagaririnacatsa, juchararanacatsa.

Juan 12:35

Jesusasti ucjjarojj sänwa: —Mä juc'a urunacaquiw khanajj jumanac taypincani. Sarnakapjjamay khana utjquipanjja, jan ch'amacamp catjayasiñataqui; ch'amacan sarnakeristi janiw cawcsaru saratapsa yatquiti.

Juan 9:4

Urüquïpanjja lurañajjawa qhititejj qhitanquitu ucan lurañanacapa. Arumajj jutasquiwa, ucansti janiw qhitis irnakcaspati.

Hechos 6:7

Diosan arunacapasti juc'ampiw parlatäna Jerusalenanjja. Uqhamaraquiw iyawsirinacas waljaniraqui yapjjattaraquïna. Walja sacerdotenac cunaw Tatiturojj iyawsapjjaraquïna.

2 Corintios 2:8

Ucatpï achict'apjjsmajja, jichhajja wasitat uñacht'ayapjjam cuna munasiñatï jumanacan utjquis ucjja.

Gálatas 1:23

Ucampis uca jilatanacajj aqham siric ist'apjjäna: “Cawquïritejj nayrajj jiwayañatac arcnakapquistän ucajja, cuntejj nayrajj tucjañ muncänjja uca pachpa iyawsañ arunac parlasaw sarnakasqui” sasa.

Efesios 2:19

Ucatpï jumanacajj jan jaya jakenacäcjjapjjtatejja yakha orakensa, take Diosanquirinacampejj marca masëjjapjjtawa, Diosan familiapäjjapjjaractawa.

Efesios 3:15

Jupataracwa take familiajj sutipjja catokapjje, alajjpachanquirinacasa aca orakenquirinacasa.

Efesios 4:28

Qhititejj lunthatasirïcän ucajja jan juc'amp lunthatascjjpanti, jan ucasti irnakañaru uscuspan, sum irnakasinwa pobrenacar yanapt'añataquis utjaraquini.

Efesios 5:16

Jan tiempjja ina ch'usaru tucuyapjjamti, urunacajj jan walëjjatap laycu.

Filipenses 4:10

Walpun nayajj cusista jumanacan nayat amtasipjjatamata, janiw ucampejj inas armasjjapjjchitäna sañ muncti, jan ucasti janiw jumanacajj cunjämatsa puriyanipcäyätati yanapt'añataquejja.

Colosenses 4:5

Qhitinacatejj jan iyawsirïpqui ucanacampejj suma amuyt'ampi sarnakapjjam, take horasanacansa asquinac lurapjjam.

1 Tesalonicenses 5:15

Amuyasipjjam jan qhitis jan walitjja jan wal cutt'aypanti. Ucat sipan asqui lurañaru uscusipjjam, jumanac taypinsa uqhamaraqui takenimpisa.

1 Tesalonicenses 5:21

Take cun yant'apjjam, ucatsti cunatejj asquïqui ucana catjjarupjjam.

Tito 2:14

Jupawa jiwas laycu jiwawayi jan walinacat jiwasar khespiyañataqui, k'omachañataqui, uqhamata jupancañataqui jan karjasisa asqui lurañasataqui.

Tito 3:8

Aca arunacasti chekawa, nayajj juman ch'aman sayt'asiñam munta, qhitinacatejj Diosar iyawsapjje ucanacajj asqui lurañanacaru uchasipjjañapataqui. Ucanacajj asquiwa sumaraquiwa taketaquisa.

Hebreos 13:16

Janiraqui armt'asipjjamti asqui lurañatjja, uqhamarac maynit maynicama cunanacamatejj utjapctam uc jaljasiñsa; uca casta sacrificiow Diosarojj cusisiyi.

Hebreos 3:6

Ucampis Cristojj mä wawjamajj chekawa uca Diosan utapjjarojja. Uca utasti jiwasanac pachpätanwa, take chuymatejj sarascaquiñäni, uqhamarac tucuycama iyawsañäni cusisita suyt'äwisana ucajja.

Hebreos 6:10

Diosasti asquiwa, janiw armascaniti cuntejj lurapcta, uqhamarac munasiñanacamsa uñacht'ayapjjaracta Diosanquir jilatanacar yanapt'asina ucanacatjja. Jichhacamas ucjj lurasipcactawa.

1 Pedro 2:5

Jumanacasti mä jacquir kaläpcasmas uqhamaraqui Diosarojj catuyasipjjam, ucatsti Diosajj jumanacampejj mä suma ajayun templjama sayt'ayañapataqui, uqhamarac jumanac quicpas Diosar sirvir sacerdotenac tucupjjañamataqui, Jesucristo toke take ajayun sacrificionac Diosar loktapjjañamataqui, Diosajj catokañapataquiraqui.

1 Pedro 4:17

Horasajj purinjjewa, Diosan taripäwipajj wawanacapata kalltañapataqui. Taripäwitejj jiwasampi uqham kalltchi ucajja, ¿cunjämaraquïni qhitinacatejj Diosar jan iyawsapqui ucanacan tucuyapasti?

1 Juan 5:1

Take qhititejj iyawsañampi Jesusarojj: “Tatit Cristowa” sisqui ucajj chekpach Diosan wawapawa; maynitejj awquir munchejja, aca awquin wawanacaparojj munañaparaquiwa.

3 Juan 1:10

Sarä ucajj juparojj khancatäwa cuna jan wali c'ari arunactejj nanac toke parlqui ucanacata. Janiw ucacti lurcaraquejja, jilatanacarus janiraquiw catokquiti, qhiti jilatanacatejj catokañ munqui ucanacarus jarq'iwa, iglesiatsti jaksuraquiwa.

3 Juan 1:11

Munat jilata, uca jan wali luräwinacarojj jan arcamti, jan ucasti asquinacaru arcam. Qhititejj asqui lurqui uquïrejja Diosanquiwa, ucampis qhititejj jan wal lurqui ucajja janiw Diosar uñt'quiti.

3 Juan 1:3

Wal nayajj cusista cunapachatejj mayni jilatanacajj purinipjje, ucatsti yatiyapjjetuwa jumajj Diosaru suma arcascatama, uqhamarac cunatejj chekapäqui ucan jacascatamata.