Proverbios 27:10 - Qullan Arunaca

¹⁰ Amigonacamarojj jan apanucumti, janirac awquiman amigonacaparusa. Jilaman utaparusti janipuniwa jan walt'añanacamata parlirejja sarätati. Jayanquiri jilatat sipansa, uta jac'anquiri jake masiwa juc'amp asquejja.

Aymar Bibliia 1986

¹⁰ Amigonacamarojj jan apanucumti, janirac awquiman amigonacaparusa. Jilaman utaparusti janipuniwa jan walt'añanacamata parlirejja sarätati. Jayanquiri jilatat sipansa, uta jac'anquiri jake masiwa juc'amp asquejja.

Qullan Arunaka DC

¹⁰ Janipun jilat masinakamarux apanukumti, janirak awkiman jilat masinakaparusa apanukumti. Janipuniw jilaman utaparux jan walt'añanakamat parlir sarätati. Uta jak'ankir jaqi masiw juk'amp askixa jayankir jilatat sipana.

Proverbios 27:10 Jak'a apnaqawi uñst'ayäwi

2 Samuel 19:24

Uqhamaraqui Mefi-boset sat jakes, cawquïritejj Saúl reyin wawapäcaraquïna ucasa, reyir catokeriw mistuniraquïna. Cunürutejj reyejj mistcatayna, cunüruraquitejj c'umara jan cuna camacht'ata cuttancäna uca urcamasti janiw cayunacjja jarekascataynati, janiraquiw sunqhanacapsa mururascataynati, ni isinacapsa t'ajjsuscaraquitaynati.

2 Samuel 19:28

Awquejjan take familianacapas juma jach'a rey nayrakatanjja jiwarayatäñapäcchïnsa, aca uywatamasti juman mesamat mank'asiñapataqui jawsataraquïnwa. Jichhasti, ¿cunat juc'ampraqui jach'a reyitsti mayiraquirista? —sasaw Mefi-boset jakejj säna.

2 Samuel 21:7

chuymapanjja Mefi-boset sisqui ucatjja walwa qhuyapt'ayasiscaraquïna, ucasti Jonatanan yokaparaquïnwa, Saúl reyin allchhiparaqui, mä kollana juramento Jonatanampi, jupampi lurapjjatap laycu.

2 Crónicas 24:22

Joás reyisti armjjataynawa Zacariasana Joiada awquipajja juparu asquinaca luratapa, jupasti Zacarías yokaparojj jiwayayänwa, jiwcäna ucqhasti jupajj aqham sasaw art'äna: “¡Tatitojj acjja uñjpan, ucatsti luratapat wayt'aracpan! ” sasa.

Proverbios 17:17

Mä amigojj take horasan munasiripuniwa; llaquisiñansti mä jiljamaw chuymachasi.

Proverbios 18:24

Yakhep amigonacasti janc'aquiw apanucusiraqui, ucampis mä amigow utji jilat sipansa juc'amp suma.

Proverbios 19:7

Mä pobre jakerojj pachpa jilanacapasa jisc'achiwa, amigonacapasti ucatsa juc'ampiwa juparojj apanucupjjani. ¡Janiw juc'ampi arunacajj utjquiti jupanacar jicjjatañataquejja!

Jeremías 2:5

Tatitojj jumanacarojj sapjjtamwa: “¿Cuna jan walsa nayra awquinacapajj nayanjja jicjjatapjjänjja, nayat jayarst'añataquejja? Jan cunataqui inamaya diosanacana khepapwa sarjjapjje, jupanacasa ina ch'usaruw tucupjjaraqui.

Hechos 23:12

Khepürusti yakhep judionacajj Pablor jiwayañataquiw arust'apjjäna. Mä juramentrac lurapjjäna: “Janiw mank'cañäniti ni umcañänisa Pablor jiwayañcama. Jan uqham lurcañänejja, jiwasaw maldicionar puriñäni” sasa.

Deuteronomio 22:1

“Cawquïritejj jumanacata jilaman vacapsa, ovejapsa chhakhat uñjapjjäta ucasti, janiw jan uñjiri tucupjjätati, jan ucasti jilaman ucaruw jaytanjjapjjäta.