2 Corintios 6:14 - Qullan Arunaca

¹⁴ Jan jumanacajj Tatitur jan iyawsirinacampejj chicachasipjjamti, jupanacampi chicachasipjjasmajja, mä ch'ulla ch'ulla yuntar uñtatäpjjasmawa. ¿Cuna lurañaparac utji asquimpi ñankhampisti? Jan ucajj ¿cunjämaraqui khanasti ch'amacampïspasti?

Aymar Bibliia 1986

¹⁴ Jan jumanacajj Tatitur jan iyawsirinacampejj chicachasipjjamti, jupanacampi chicachasipjjasmajja, mä ch'ulla ch'ulla yuntar uñtatäpjjasmawa. ¿Cuna lurañaparac utji asquimpi ñankhampisti? Jan ucajj ¿cunjämaraqui khanasti ch'amacampïspasti?

Qullan Arunaka DC

¹⁴ Janiy jumanakax Cristor jan iyawsirinakampix chikachasipxamti. ¿Kamisarak aski kankañampi ñanqha kankañampisti mayachasispasti? Jan ukax ¿kamisarak qhanampi ch'amakampisti chikachasispasti?

2 Corintios 6:14 Jak'a apnaqawi uñst'ayäwi

Génesis 24:3

ucatsti alajjpacha, acapacha Tatitun sutipjjaru juramento lurarapita, Isaac wawajjarojj jan aca Canaán orakenquir warmimpi casarañamataqui,

1 Reyes 18:21

Ucatsti Eliasajj take jakenacar jac'achasisajj sänwa; —¿Cunapachcamasa jumanacajja pä chuyma sarnakapjjätajja? Tatitutejj cheka Diosächi ucajja, jupar arcapjjam, jan ucajj Baal diosatï chekächi ucajja, juparuwa arcapjjañamajja —sasa. Jakenacasti janiw camsapcänsa.

2 Crónicas 19:2

Ucampis Hanani chachan Jehú yokapaw jupar jicjjatiri saräna, aqham sasaw jisct'araquïna: —¿Cunatsa ankha jakeru yanapta, uqhamarac Tatitun uñisirinacapampisa sumancaractajja? Uca laycuwa Tatitojj jumampejja colerasejja.

Esdras 10:19

jupanacasti take chuymawa arsusipjjäna warminacaparu qhitanucjjañataqui, ucatsti mä ovejwa uchapjjäna juchanacapata ofrenda loktañataqui.

Salmos 106:35

Diosar jan uñt'ir jakenacampiw chicachasipjjäna, luräwinacap yatekasipjjäna:

Salmos 119:63

Jumar iyawsir jakenacampiw chicachasta, arsutanacam phokherinacampiw mayachasiracta.

Salmos 16:3

Acapach aytat jakenacan cusisiñ jicjjatirinacajj sapjjewa: aca orakenquir diosanacajj ch'amanïpjjewa, sasa.

Éxodo 34:16

Uqhamarac phuchanacapasa inas jumanacan yokanacamampi casarasipjjaspa, jan ucajj diosanacaparu yupaychasinsa juchanacsa lurapjjaspa uqhamata jumanacan yokanacamaru diosanacapar yupaychayañataqui.

Proverbios 22:24

Jan chicachasimti, janirac suman sarnakamti colerasiri jan wali jakempejja,

Proverbios 29:27

Cheka lurir jakenacajja uñisiwa jan wali jakenacarojja; ñankha lurir jakenacasti cheka lurir jakenacarojj uñisiraquiwa.

Levítico 19:19

“Nayan leyinacajjsti phokhapunim. Uywanacamsti janiraqui yakha casta uywanacampi catusiyamti. Janipun orakemarojj take casta jathanaca chharktasin yapuchamti. Janiraqui take casta telanacat lurata isinacampi isisimti.

Malaquías 2:11

Judá marcasti janiw phokcjjeti Diosampi arust'äwiru mantatapjja, ucatsti wali jach'a juchanacaw Jerusalén marcana, uqhamaraqui Israel orakensa lurasi. Judá marcasti jan wali sarnakañanacampiw Diosan munat kollan templopjja k'añuchi, Judá marcanquir jakenacajj yakha c'ari diosanacar yupaychir warminacampiraquiw casarasipjje.

Malaquías 2:15

¿Janiti Diosasti panpachaniru mä janchini mä ajayuni tucuyapctamsti? Ucatsti ¿cunsa ucanacat Diosajj munpacha? ¿Janiti wawanacaman jacañanacapajj Diosaru loktatäñap muncpacha? ¡Uqhamasti jumanacpachat amuyasipjjam, janiraqui waynäcasin casarasipcta uca warminacamarojj sallkjapjjamti!

Juan 7:7

Acapachanquirinacajj janiw jumanacarojj uñisipquiristamti, ucampis nayarojj uñisipjjetuwa, nayan jupanacaru jan wali luratanacap khanañchatajj laycu.

Hechos 4:23

Pedromp Juanampejj antutnucutatjja, cawquinccäntejj maynïr iyawsirinacajj ucaruw sarjjapjjäna. Purisinsti take cuntejj sacerdotenacan jilïrinacapajj uqhamarac jilïri jakenacampi jupanacar sapcatayna uc yatiyapjjäna.

1 Corintios 10:21

Janiw Tatitun copapampita ñankha ajayunacan copapampitjja umapcasmati, janiraquiw Tatitun mesapampita ñankha ajayunacan mesapampitsa mank'apcaraquismati.

1 Corintios 15:33

Jan sallkjayasipjjamti. Cunjämtejj säwejj sisqui: “Jan wali jakenacampi sarnakañajj suma luräwinaca chhakhayañawa” sasa.

1 Corintios 5:9

Pasïrin apayanipcsmas uca cartanjja sapjjsmawa: “Jan uca wachoka jucha luririnacampejj chicachasipjjamti” sasa.

1 Corintios 6:6

¿Waquisipuniti mä jilatansti iyawsiri masip contra quejasiñasti qhitinacatejj jan Tatitur uñt'apqui uca juesanacarusti?

1 Corintios 7:39

Casada warmejja leyirjamajja chachapampi jacañapataquiwa; chacha jiwjjatatsti jupajj librëjjewa qhitimpi casarasiñataquisa, iyawsiric iyawsirïpajja.

Filipenses 2:15

uqhamat jan qhitis cunatsa jumanacar juchañchañapataqui, jan ucasti Diosan wawanacapjama jan cuna k'añuni jan wali jakenac taypins jicjjatasipjjañamataqui. Jumanacasti jupanac taypinjja c'ajapjjapunim cunjämatejj mä warawarajj ch'amac taypin c'ajqui uqhama,

Santiago 4:4

¡Jan Diosa chuyma jakenaca! ¿Janit jumanacajj yatipcta acapachampi sumancañajj Diosampi jan walincañätapjja? Qhititejj aca pachampi sumancañ munqui ucajj Diosan uñisiripawa.