2 Corintios 6:14 - Qullan Arunaka DC

¹⁴ Janiy jumanakax Cristor jan iyawsirinakampix chikachasipxamti. ¿Kamisarak aski kankañampi ñanqha kankañampisti mayachasispasti? Jan ukax ¿kamisarak qhanampi ch'amakampisti chikachasispasti?

Aymar Bibliia 1986

¹⁴ Jan jumanacajj Tatitur jan iyawsirinacampejj chicachasipjjamti, jupanacampi chicachasipjjasmajja, mä ch'ulla ch'ulla yuntar uñtatäpjjasmawa. ¿Cuna lurañaparac utji asquimpi ñankhampisti? Jan ucajj ¿cunjämaraqui khanasti ch'amacampïspasti?

Qullan Arunaca

¹⁴ Jan jumanacajj Tatitur jan iyawsirinacampejj chicachasipjjamti, jupanacampi chicachasipjjasmajja, mä ch'ulla ch'ulla yuntar uñtatäpjjasmawa. ¿Cuna lurañaparac utji asquimpi ñankhampisti? Jan ucajj ¿cunjämaraqui khanasti ch'amacampïspasti?

2 Corintios 6:14 Jak'a apnaqawi uñst'ayäwi

Génesis 24:3

ukatsti alaxpacha, akapach Diosan sutipxar juramento lurarapita, Isaac wawaxaru, jan aka Canaán uraqinkir warmimpi jaqichañamataki,

1 Reyes 18:21

Ukatsti Eliasax taqpach markar jak'achasisaw säna: —¿Kunapachkamarak jumanakasti pä chuyma sarnaqapxätasti? Tatitutix chiqpach Diosächixa, juparuy arkapxam, jan ukax Baal diosatix chiqächixa, jupar arkapxarakim —sasa. Markachirinakax janiw kamsapkänsa.

2 Crónicas 19:2

Ukampis Hananí chachan Jehú profeta yuqapaw jupar jikxatasin jiskt'äna: “¿Kunatarak jumasti, jan wali jaqir yanaptasti, ukatsti Tatitur uñisipki ukanakampi sumankaraktasti? Tatitux jumatak wali q'apisitawa.

Esdras 10:19

jupanakasti taqi chuymaw warminakapar khithanukxañatak arsupxäna, ukatsti mä oveja uchapxäna juchanakapat waxt'äwi luqtañataki.

Salmos 106:35

Diosar jan uñt'ir jaqinakampiw chikachasipxäna, luräwinakap yatiqasipxäna:

Salmos 119:63

Jumar iyawsir jaqinakampiw chikachasta, arsutanakam phuqhirinakampiw mayachasirakta.

Salmos 16:3

Akapach aytat jaqinakan kusisiñ jikxatirinakax sapxiwa: aka uraqinkir diosanakax ch'amaniwa, sasa.

Éxodo 34:16

jan ukax, phuchhanakap jumanakan yuqanakamampiw jaqichapxaspa, ukatsti juchanak lurasa diosanakapar yupaychapxaspa ukapachasti, diosanakaparuw yuqanakamax yupaychapxarakispa.

Proverbios 22:24

Qhuru jaqinakampix jan chikachasimti, janirak tuqisiñ chuyman jaqinakamp sarnaqamti,

Proverbios 29:27

Aski jaqinakax, jan wali jaqinakarux uñisiwa; ñanqha lurir jaqinakasti, aski jaqinakarux uñisirakiwa.

Levítico 19:19

“Nayan kamachinakaxsti phuqhapunim. “Uywanakamsti janipun yaqha uywanakampix katusiyamti. “Uraqimarus janipun yaqha jathanakamp ch'arqhuntasax yapuchamti. “Janirak kunayman telanakat lurat isinakampis isisimti.

Malaquías 2:11

Judá markax Tatitumpi arust'äwir mantatapxa janiw phuqkiti, Jerusalén markansa, Israel uraqinsa wali axtaskay juchanak lurapxi. Judá markasti jan wali sarnaqañanakampiw Tatitun munat qullan utap q'añuchi, Judá markankir jaqinakax k'ari diosanakar yupaychir warminakampiw jaqichasipxi.

Malaquías 2:15

Diosax jiwasar mä janchiki, mä sapa ajayukïñasatakiw uskusistu. Jupar luqtat mä suma markäñasatakiw irnuqarakistu.

Juan 7:7

Akapachankirinakax janiw jumanakar uñisipkiristamti; ukampis nayarux uñisipxituwa, nayan jupanakar jan wali luratanakap irkatatax layku.

Hechos 4:23

Pedrompi Juanampix antutnukut uñjasisinxa, apóstol masinakapan ukaruw sarxapxäna, purisinsti taqi kuntix sacerdotenakan jilïrinakapampi, jilïr jaqinakampix jupanakar sapkatayna uk yatiyapxäna.

1 Corintios 10:21

Janiw Tatitun qirupat umasax supayanakan qirupat umapkasmati; janirakiw Tatitun manq'äwipan manq'kasax supayanakan manq'äwipan manq'apkasmati.

1 Corintios 15:33

Jan sallqjayasipxamti. Kunjämtix säwix siski: “Jan wali jaqinakampi sarnaqañax, aski saräwinak chaqtayi” sasa.

1 Corintios 5:9

Apayanipksma uka maynïr qillqataxan sapxsmawa: “Wachuq jucha luririnakampix jan chikachasipxamti” sasa.

1 Corintios 6:6

¡Janiw jilatanak purak ch'axwapkiti, jan ukasti Cristor jan uñt'ir taripirinakaruw ch'axwanakap yatiyanipxi!

1 Corintios 7:39

Chachan warmix chachapan jakañapkamax chachapamp jakañapawa; chachap jiwxatatsti, jupax khitimpitix munki ukampix jaqichasiskaspawa, iyawsirik Cristor iyawsirïpaxa.

Filipenses 2:15

ukhamat jan khitis jumanakar mä kunatsa juchañchaskañapataki, jan ukasti Diosan wawanakapjam jan akch'as q'añuni uka jan wali jaqinak taypin jikxatasipxañamataki. Jumanakasti, ch'amak taypin k'ajir warawarjam jupanak taypin k'ajapxapunim,

Santiago 4:4

¡Diosatakjam jan sarnaqir jaqinaka! ¿Janit jumanakax yatipkta akapachampi sumankañ munki ukax Diosampi jan walinkatapxa? Khititix akapachampi sumankañ munki ukaxa, Diosan uñisiripaw tuku.