Lucas 7:16 - Qullan Arunaka DC

Uk uñjasin taqiniw axsarthapipxäna, ukat Diosar yupaychañ qalltapxäna akham sasa: —Mä jach'a profetaw jiwas taypin uñsti. Diosaw juti markapar yanapt'iri —sasa.

Aymar Bibliia 1986

Uc uñjasinjja takeniw ajjsarthapipjjäna, ucat Diosar yupaychañ kalltapjje: “Mä jach'a profetaw jiwas taypin uñsti. Diosaw juti marcapar yanapt'iri” sasa.

Qullan Arunaca

Uc uñjasinjja takeniw ajjsarthapipjjäna, ucat Diosar yupaychañ kalltapjje: “Mä jach'a profetaw jiwas taypin uñsti. Diosaw juti marcapar yanapt'iri” sasa.

Lucas 7:16 Jak'a apnaqawi uñst'ayäwi

Salmos 65:9

9 (10) Jumaw akapach uraq uñjasktaxa; jallumpiw achunak utjaytaxa; jilarkir uma qarpampiw trigo yapunak jilaraytaxa. ¡Ukham lurasaw uraq wakichtaxa!

Éxodo 4:31

Ukanak uñjasinsti israelita jaqinakax Moisesar iyawsapxänwa, Tatitun jupanakat amtasitapa, t'aqhisitanakapsa uñjatap yatisinxa, jupanakax killt'asisaw Diosar yupaychapxäna.

Jeremías 33:9

Jerusalén markasti nayatakix kusiskañäniwa, yaqha markanakatakis suman uñjata, jach'achat markäniwa. Kunapachatix Jerusalén markar askinak nayan churatax ist'apkani ukkhasti, uka markanakax axsarañat khathatipxani.”

Mateo 15:31

Jaqinakasti uk uñjasin wal muspharapxäna, amutunak arsupana, jan amparaninak k'umaraptipana, kayu usurinak sartipana, juykhunakas uñjxipana. Ukat Israel markan Diosapar yupaychañ qalltapxäna.

Mateo 21:11

Jaqinakasti sapxänwa: —Galilea uraqina, Nazaretankir Jesús, profetawa —sasa.

Mateo 28:8

Warminakasti uk ist'asin wal mulljasipxäna, mä tuqit kusisipxarakïnwa, ukatsti jalakamaw yatiqirinakapar uka yatiyäwi yatiyir sarapxäna.

Mateo 9:8

Uk uñjasinsti, jaqinakax wal axsarapxäna, ukatsti Diosaruw yupaychapxäna jaqinakar ch'am churatap layku.

Lucas 1:65

Ukatsti taqi uta jak'apankirinakax wal muspharapxäna, Judea qullu tuqinakan taqi ukanakax yatisirakïna.

Lucas 1:68

“¡Israelan Tatit Diosapax jach'añchatäpan, jupasti markasar qhispiyiriw juti!

Lucas 19:44

ukatsti q'al tukjapxätam. Jaqinakamaruw jiwarayapxani, janirakiw mä qalsa sayt'at jaytapkaniti, Diosax jumar uñjir jutktam ukkha jan katuqatam layku.”

Lucas 2:20

Awatirinakasti, taqi kuntix ist'apkatayna, uñjapkarakitayna ukanakat Diosar jach'añchasa, jupar yupaychasaw kuttxapxäna, kunjämtix jupanakar satäkän ukhamarjam phuqhasitap layku.

Lucas 24:19

Jesusasti jupanakaruw jiskt'äna: —¿Kunarakisti? —sasa. Jupanakasti sapxänwa: —Nazaretankir Jesusata, jupasti Diosan nayraqatapanxa, jaqinak nayraqatapansa, luräwipana, arsüwipansa wali ch'aman profetänwa;

Lucas 5:26

Uk uñjasinsti, taqiniw muspharat uñjasipxäna, Diosaruw yupaychapxarakïna, ukatsti wali axsart'asaw sapxäna: —Jichhürux wali muspharañanakpun uñjtanxa —sasa.

Lucas 5:8

Uk uñjasinsti, Simón Pedrox Jesusan nayraqatapar killt'asisin säna: —¡Tatay, nayat jithiqtita, jucharar jaqïtwa! —sasa.

Lucas 7:15

Jiwatasti ukspachaw qunthapïna, parlañ qalltarakïna, ukat Jesusax taykapar katuyxäna.

Lucas 7:39

Uk uñjasinsti, Jesusar jawsayir fariseo jaqix chuymapan lup'ïna: “Jupatix chiqpach mä profetäspaxa, khititix jupar llamkt'ki ukan jan wali jaqïtap amuyasispawa, aka warmix jan wali sarnaqir warmïchixaya” sasa.

Lucas 8:37

Uk yatisinsti Gerasan utjir taqi jaqinakaw Jesusarux ukawjat sarxañapatak achikt'apxäna, jupanakan wal axsarapxatap layku. Ukat Jesusax boter mantasin sarawayxäna.

Lucas 9:19

Jupanakax sapxänwa: —Yaqhipanakax: “Bautisir Juanaw” sapxtamwa; yaqhipanakasti: “Eliasaw” sapxtamwa. Mayninakasti: “Nayra profetanakat mayniw jaktanpacha” sapxaraktamwa —sasa.

Juan 1:21

Jupanakasti wasitat jiskt'apxäna: —Ukhamasti ¿khitirakïtasti? ¿Elías profetätati? —sasa. Juanasti sarakïnwa: —Janiw ukäkti —sasa. Mayampsa jiskt'asipkakïnwa: —Ukhamasti ¿jutañapäki uka profetätati? —sasa. Juanasti sänwa: —Janiw ukäktsa —sasa.

Juan 1:25

Juanarusti jiskt'apxänwa: —Ukhamasti jan Cristöksta, jan Eliasäksta, janirak profetäksta ukax, ¿kunatarak bautistasti? —sasa.

Juan 4:19

Warmisti uk ist'asin sänwa: —Tatay, amuyatax mä profetjamätawa.

Juan 6:14

Jaqinakasti Jesusan uka muspharkañ luratap uñjasinxa, sapxänwa: —Chiqpachansa aka jaqix jutañapäkän uka profetawa —sasa.

Juan 9:17

ukatsti wasitatampiw juykhükän uka jaqir jiskt'apxäna: —Jumasti, ¿nayram qullktam uka jaqit kamsarakismasti? —sasa. Jupasti sarakïnwa: —Jupax mä profetawa, sistwa —sasa.

Hechos 5:5

Uk ist'asinsti, Ananiasax jiwataw liwitatti. Taqi uk yatirinakasti wal axsarapxäna.

Hechos 7:37

Uka Moisesarakiw israelitanakar säna: ‘Diosamaw, jumanak taypit nayjam mä profeta sayt'ayani, juparuw ist'apxäta’ sasa.

Gálatas 1:24

Uk yatisasti Diosaruw nayat yupaychapxäna.

Deuteronomio 18:15

“Tatit Diosamax jumanak taypit nayjam mä profeta sayt'ayarakini, juparuw jumanakax ist'apxäta.