Mateo 21:11 - Qullan Arunaka DC

¹¹ Jaqinakasti sapxänwa: —Galilea uraqina, Nazaretankir Jesús, profetawa —sasa.

Aymar Bibliia 1986

¹¹ Jakenacasti sapjjänwa: —Galileancquis uca Nazaretanquir Jesús profetawa —sasa.

Qullan Arunaca

¹¹ Jakenacasti sapjjänwa: —Galileancquis uca Nazaretanquir Jesús profetawa —sasa.

Mateo 21:11 Jak'a apnaqawi uñst'ayäwi

Mateo 2:23

Galilea markar purisinsti, Nazaret markar jakiriw sarxäna. Ukasti kuntix Diosax profetanak tuqi arskäna ukarjamaw phuqhasiskäna: “Nazaretankir Jesús satäñapataki”.

Mateo 21:10

Kunapachatix Jesusax Jerusalenar mantkän ukkhasti, markpachaw ch'axwtapxäna, waljanirakiw jiskt'asipxäna: —¿Khitirak aka jaqisti? —sasa.

Mateo 21:26

Jaqinakar axsaratasatsti, janiw jaqinakan khithanitaw sisksnati, Juanax Diosan profetapätap taqinixay yatipxchixa” sasa.

Mateo 21:46

Jupanakasti Jesusarux katuntañ munapxäna, ukampis jaqinakaruw axsarapxäna, jaqinakan Jesusar profetat uñt'apxatap layku.

Marcos 6:15

Mayninakasti: “Elías profetawa” sapxänwa. Yaqhipanakasti: “Mä profetäpachawa, kunjämatix profetanakax nayrapachan utjkäna ukhama” sasa.

Lucas 13:33

Ukampis jichhürusa, qharürusa, jurpürus saraskañaxakiwa; janiw wakiskiti mä profetan Jerusalén markat anqäxan jiwañapaxa —sasa.

Lucas 24:19

Jesusasti jupanakaruw jiskt'äna: —¿Kunarakisti? —sasa. Jupanakasti sapxänwa: —Nazaretankir Jesusata, jupasti Diosan nayraqatapanxa, jaqinak nayraqatapansa, luräwipana, arsüwipansa wali ch'aman profetänwa;

Lucas 7:16

Uk uñjasin taqiniw axsarthapipxäna, ukat Diosar yupaychañ qalltapxäna akham sasa: —Mä jach'a profetaw jiwas taypin uñsti. Diosaw juti markapar yanapt'iri —sasa.

Lucas 7:39

Uk uñjasinsti, Jesusar jawsayir fariseo jaqix chuymapan lup'ïna: “Jupatix chiqpach mä profetäspaxa, khititix jupar llamkt'ki ukan jan wali jaqïtap amuyasispawa, aka warmix jan wali sarnaqir warmïchixaya” sasa.

Juan 1:21

Jupanakasti wasitat jiskt'apxäna: —Ukhamasti ¿khitirakïtasti? ¿Elías profetätati? —sasa. Juanasti sarakïnwa: —Janiw ukäkti —sasa. Mayampsa jiskt'asipkakïnwa: —Ukhamasti ¿jutañapäki uka profetätati? —sasa. Juanasti sänwa: —Janiw ukäktsa —sasa.

Juan 1:25

Juanarusti jiskt'apxänwa: —Ukhamasti jan Cristöksta, jan Eliasäksta, janirak profetäksta ukax, ¿kunatarak bautistasti? —sasa.

Juan 4:19

Warmisti uk ist'asin sänwa: —Tatay, amuyatax mä profetjamätawa.

Juan 6:14

Jaqinakasti Jesusan uka muspharkañ luratap uñjasinxa, sapxänwa: —Chiqpachansa aka jaqix jutañapäkän uka profetawa —sasa.

Juan 7:40

Uka arunak ist'asinsti, ukankirinakat yaqhipanakax sapxänwa: —Aka jaqix profetäpachawa —sasa.

Juan 9:17

ukatsti wasitatampiw juykhükän uka jaqir jiskt'apxäna: —Jumasti, ¿nayram qullktam uka jaqit kamsarakismasti? —sasa. Jupasti sarakïnwa: —Jupax mä profetawa, sistwa —sasa.

Hechos 7:37

Uka Moisesarakiw israelitanakar säna: ‘Diosamaw, jumanak taypit nayjam mä profeta sayt'ayani, juparuw ist'apxäta’ sasa.