Lucas 5:26 - Qullan Arunaka DC

²⁶ Uk uñjasinsti, taqiniw muspharat uñjasipxäna, Diosaruw yupaychapxarakïna, ukatsti wali axsart'asaw sapxäna: —Jichhürux wali muspharañanakpun uñjtanxa —sasa.

Aymar Bibliia 1986

²⁶ Takeniraquiw wali sustjatäpjjäna, Diosarusti yupaychapjjaraquïnwa, ucatsti wali ajjsart'asaraquiw sapjjäna: —Jichhürojj wali muspharañanacwa uñjtanjja —sasa.

Qullan Arunaca

²⁶ Takeniraquiw wali sustjatäpjjäna, Diosarusti yupaychapjjaraquïnwa, ucatsti wali ajjsart'asaraquiw sapjjäna: —Jichhürojj wali muspharañanacwa uñjtanjja —sasa.

Lucas 5:26 Jak'a apnaqawi uñst'ayäwi

Jeremías 33:9

Jerusalén markasti nayatakix kusiskañäniwa, yaqha markanakatakis suman uñjata, jach'achat markäniwa. Kunapachatix Jerusalén markar askinak nayan churatax ist'apkani ukkhasti, uka markanakax axsarañat khathatipxani.”

Oseas 3:5

Uka qhipatsti israelitanakax kuttanxapxaniwa, Tatit Diosaparuw thaqhapxani, David reyiparuw thaqhapxarakini. Uka qhipa urunakansti, askinak katuqapxatapatxa, alt'at chuymampiw Tatitur jak'achasipxani.

Mateo 12:23

Jaqinakasti wali muspharataw jiskt'asipxäna: “¿Jupasti Davidan yuqapäpachati?” sasa.

Mateo 28:8

Warminakasti uk ist'asin wal mulljasipxäna, mä tuqit kusisipxarakïnwa, ukatsti jalakamaw yatiqirinakapar uka yatiyäwi yatiyir sarapxäna.

Mateo 9:8

Uk uñjasinsti, jaqinakax wal axsarapxäna, ukatsti Diosaruw yupaychapxäna jaqinakar ch'am churatap layku.

Marcos 2:12

Suchu jaqisti ukspachaw sartasin ikiñap apthapisïna, ukatsti taqin uñjkañaw mistuwayxäna. Uk uñjasinsti taqiniw muspharapxäna, ukatsti Diosaruw yupaychapxäna akham sasa: —Janipuniw kunapachas akham uñjirïktanti —sasa.

Lucas 1:65

Ukatsti taqi uta jak'apankirinakax wal muspharapxäna, Judea qullu tuqinakan taqi ukanakax yatisirakïna.

Lucas 5:8

Uk uñjasinsti, Simón Pedrox Jesusan nayraqatapar killt'asisin säna: —¡Tatay, nayat jithiqtita, jucharar jaqïtwa! —sasa.

Lucas 7:16

Uk uñjasin taqiniw axsarthapipxäna, ukat Diosar yupaychañ qalltapxäna akham sasa: —Mä jach'a profetaw jiwas taypin uñsti. Diosaw juti markapar yanapt'iri —sasa.

Lucas 8:37

Uk yatisinsti Gerasan utjir taqi jaqinakaw Jesusarux ukawjat sarxañapatak achikt'apxäna, jupanakan wal axsarapxatap layku. Ukat Jesusax boter mantasin sarawayxäna.

Hechos 4:21

Uka jilïrinakasti axsarañ churasaw apostolunakar khithanukxapxi. Markar axsarasin janiw kunjämatsa jupanakar mutuyañ jikxatapkänti, kunatix luraskatayna ukat Diosar taqin yupaychapxatap layku.

Gálatas 1:24

Uk yatisasti Diosaruw nayat yupaychapxäna.