Juan 9:17 - Qullan Arunaka DC

¹⁷ ukatsti wasitatampiw juykhükän uka jaqir jiskt'apxäna: —Jumasti, ¿nayram qullktam uka jaqit kamsarakismasti? —sasa. Jupasti sarakïnwa: —Jupax mä profetawa, sistwa —sasa.

Aymar Bibliia 1986

¹⁷ Wasitampiw jisct'apjjäna juyqhücäns uca jakerojja: —Jumajj ¿camstasa nayram kollctam uca jaketjja? —sasa. Jupasti saraquïnwa: —Mä profetäpachaw —sistwa, sasa.

Qullan Arunaca

¹⁷ Wasitampiw jisct'apjjäna juyqhücäns uca jakerojja: —Jumajj ¿camstasa nayram kollctam uca jaketjja? —sasa. Jupasti saraquïnwa: —Mä profetäpachaw —sistwa, sasa.

Juan 9:17 Jak'a apnaqawi uñst'ayäwi

Mateo 21:11

Jaqinakasti sapxänwa: —Galilea uraqina, Nazaretankir Jesús, profetawa —sasa.

Lucas 24:19

Jesusasti jupanakaruw jiskt'äna: —¿Kunarakisti? —sasa. Jupanakasti sapxänwa: —Nazaretankir Jesusata, jupasti Diosan nayraqatapanxa, jaqinak nayraqatapansa, luräwipana, arsüwipansa wali ch'aman profetänwa;

Juan 4:19

Warmisti uk ist'asin sänwa: —Tatay, amuyatax mä profetjamätawa.

Juan 6:14

Jaqinakasti Jesusan uka muspharkañ luratap uñjasinxa, sapxänwa: —Chiqpachansa aka jaqix jutañapäkän uka profetawa —sasa.

Juan 9:15

fariseonakasti uka jaqiruw jiskt'apxäna: —¿Kunjämatarak uñjxtasti? —sasa. Jupasti sarakïnwa: —Ñiq'impiw nayrat jawintitu, uk jariqasta, jichhasti uñjxtwa —sasa.

Hechos 10:38

Diosaw Qullan Ajayun ch'amap jupar churarakïna. Jesusax askinak lurasaw sarnaqäna, supayan munañapan t'aqhisiyat jakapkän uka jaqinakar k'umarachasa, Diosan jupampïtap laykuw taqi ukanak luräna.

Hechos 2:22

“Israelitanaka, aka arunak sum ist'apxita: Diosax jumanak taypin Nazaretankir Jesusan munañanïtap uñacht'äwayi, jupa tuqi jach'a muspharkañ luräwinaka, unañchäwinak lurasa, uka luratanaksti jumanakax sum yatipxtaxa.

Deuteronomio 18:15

“Tatit Diosamax jumanak taypit nayjam mä profeta sayt'ayarakini, juparuw jumanakax ist'apxäta.