Juan 9:18 - Qullan Arunaka DC

¹⁸ Ukampis judionakax janiw iyawsañ munapkänti, jupan juykhütapata, jichhasti uñjxatapata, ukat awkipampiru, taykapampir jawsayapxäna,

Aymar Bibliia 1986

¹⁸ Ucampis judionacajj janiw iyawsañ munapcänti, jupan juyqhütapat, jichhasti uñj-jjatapa. Juyqhut kollatäcän ucan awquiparuw jawsayapjjäna.

Qullan Arunaca

¹⁸ Ucampis judionacajj janiw iyawsañ munapcänti, jupan juyqhütapat, jichhasti uñj-jjatapa. Juyqhut kollatäcän ucan awquiparuw jawsayapjjäna.

Juan 9:18 Jak'a apnaqawi uñst'ayäwi

Génesis 19:14

Lot chachasti tullqanakapan ukaruw saräna, jupanakasti phuchhanakapampi jaqichasiñatak parlatäpxänwa, ukat jupanakarux sarakïna: —¡Sarxarupxam, aka markat jayar sarxapxam, Tatituw aka marka t'unjani! —sasa. Ukampisa tullqanakapax janiw Lot chachan aruparux yäqapkänti.

Isaías 26:11

Tatay, jupanakatakix mutuyäwimax wakichatawa, ukampis jupanakax janiw amuyasiñ munapkiti; kunapachatix juman markamar wali munasitam uñjapkan ukkhaxa, jupanakax mä p'inqaw uñjasipxani. ¡Phiñasiñamampiy jupanakar tukjam!

Isaías 53:1

Isaías profetasti siwa: ¡Janipuniw khitis yatiyäwinakasar ist'apkiti! ¡Janirakiw khitis Tatitun ch'amap uñjkiti!

Lucas 16:31

Abrahamasti saskakïnwa: ‘Janitix Moisesampiru profetanakampir ist'añ munapkanixa, janirakiw jiwatanakat mayni jaktirirus ist'apkaniti’ ” sasa.

Juan 1:19

Jerusalenankir judionakax Juanan ukaruw sacerdotenakampiru levitanakampir khithapxäna, khitïpachasa jupax uk jiskt'ayiri.

Juan 5:44

¿Kamisarak jumanakasti maynit maynikam jach'añchasiñ katuqirïkasina, mä sapa Diosat jutir jach'añchäwi jan thaqhapktasti?

Juan 9:19

ukatsti jupanakaruw jiskt'apxarakïna: —¿Jupax yuqamati? ¿Chiqapunit juykhu yuristi? ¿Kunjämatarak jichhasti uñjxisti? —sasa.

Juan 9:22

Awkipampi, taykapampisti judionakar axsarasaw ukham sapxäna, jilïr judionakax Jesusan Cristötap arsurirux sinagogat jaqunukuñ amtapxatap layku.

Hebreos 4:11

Uka samarañar mantañatakix wal ch'amañchasiñasaw wakisi, jan khitis khä jan iyawsirinakjam sarnaqaskañapataki.