Lucas 19:44 - Qullan Arunaka DC

⁴⁴ ukatsti q'al tukjapxätam. Jaqinakamaruw jiwarayapxani, janirakiw mä qalsa sayt'at jaytapkaniti, Diosax jumar uñjir jutktam ukkha jan katuqatam layku.”

Aymar Bibliia 1986

⁴⁴ Pamparuw tucuyapjjätam. Jakenacamarusti jiwarayapjjaraquiniwa, uqhamaraquiw jupanacajj ni mä kalsa yakha kaljjar uchat jaytapcaniti, Diosajj jumar uñjir jutctam ucqhajj jan catokatam laycu —sasa.

Qullan Arunaca

⁴⁴ Pamparuw tucuyapjjätam. Jakenacamarusti jiwarayapjjaraquiniwa, uqhamaraquiw jupanacajj ni mä kalsa yakha kaljjar uchat jaytapcaniti, Diosajj jumar uñjir jutctam ucqhajj jan catokatam laycu —sasa.

Lucas 19:44 Jak'a apnaqawi uñst'ayäwi

Salmos 137:9

¡Wawanakamar katuntasin qarqanakar jisktasin jiwaraykani ukax kusisitäniwa!

Isaías 10:3

Tatitux luratanakamat wayt'apkätam ukapachax kunak lurapkäta. Tatitux mutuyäwi apayanipkätam ukapachax kamachapkakïta. ¿Khitirus yanapt'a mayipxäta? ¿Kawkharus qamir yänakam imantapxäta?

Isaías 29:3

Jumar muyuntañapatakix ejercitox khithanïma, jumarusti mä pirqampjamaw muyuntayäma, nuwantañ chiqanak jumatakix wakicharakï.

Jeremías 11:23

Janirakiw jupanakat maynis qhiparkxaniti, Anatot chiqan utjir jaqinaka, jumanakar mutuyañ urux jutaskiwa, jumanakxarusti jach'a t'aqhisiñ apayanï.”

Lamentaciones 1:8

Jerusalenax sintipuniw juchañchjasi, jisk'achjayasiñkamaw juchañchjasi. Khitinakatix nayrax jach'ar aptapkäna ukanakasti, jichhax jupar q'alal uñkatasax jisk'achapxiwa. Ukatpï jichhax jachaskixa, p'inqapatsa maysa uñtxaraki.

Daniel (hebreo) 9:24

“ ‘Paqallq tunka semanaw mäkipañapa, markaman jakirinakamxaru, qullan markamxaru, mutuyäwinakan tukusxañapataki, ñanqha luräwinakat pampachäwi jikxatañataki, wiñayatak aski kankañ utt'ayañataki; unañchäwimpi profecía arunakampi phuqhasiñapataki, Qullan utax q'umachata luqtatäxañapataki.

Daniel (hebreo) 9:26

Suxta tunka payani semanatsti, Tatitur katuyat uka jach'a jilïriruw jiwayapxani. Jerusalén markampi Tatitun utapampisti t'unjataw uñjasini, kawkïri reyitix jutkani ukan jaqinakapaw t'unjarakini. Tukuy urux uma jithir uñtataw akatjamat purinini, nuwasiñanakasa, t'unjañanakasa tukuykamäniwa, ukanakasti ukhamäñapatak yatiyatarakïnwa.

Miqueas 3:12

Jumanakan juchanakam laykuw Tatitun Jerusalén markapax q'ala tukjata uñjasini, mayjaru willthapitarakïniwa, kawkhankkitix Tatitun utapax uka qullus quran qurantataw uñjasini.

Mateo 24:2

Jesusasti jupanakarux sänwa: —¿Taqi ukanak uñjapxtati? Qhanak sapxsma, akawjanxa janiw mä qalasa yaqha qalxar qhiparkaniti, q'ala t'unjataw uñjasini —sasa.

Marcos 13:2

Jesusasti juparux sänwa: —¿Aka jach'a utanak uñjtati? Mä urux aka utanakax q'ala tinkuyataw uñjasini —sasa.

Lucas 1:68

“¡Israelan Tatit Diosapax jach'añchatäpan, jupasti markasar qhispiyiriw juti!

Lucas 1:78

Dios Awkisasti, khuyapayasiñapatxa, alaxpachat mä qhispiyir khithanistu, mä machaq urun intin qhantatapjama,

Lucas 19:42

akham sasa: “¡Jichhürukisay jumax sum amuyt'asisma kunjämatix sumankañan jakañäki ukxa! Ukampis jichhax ukax imantatawa, janiw uñjkasmati.

Lucas 21:6

—Mä uruw purinini, taqi akanak uñjapkta ukanakax q'ala t'unjatäniwa, janiw mä qalas yaqha qalxar uchatax utjkaniti. Taqipuniw t'unjatäni —sasa.

1 Pedro 2:12

Diosar jan uñt'ir jaqinak taypin sum sarnaqapxam. Jichhas jupanakaxa, jumanakat jan wal parlapkchi ukasa, jumanakan aski luratanakam uñjasasti, Diosaruw jach'achapxani kunürutix jupax luräwinak wayt'ir jutkani ukkha.