Juan 4:19 - Qullan Arunaka DC

¹⁹ Warmisti uk ist'asin sänwa: —Tatay, amuyatax mä profetjamätawa.

Aymar Bibliia 1986

¹⁹ Uc ist'asinjja warmejj sänwa: —Tata, amuyatajjatjja mä profetjamaquïtawa.

Qullan Arunaca

¹⁹ Uc ist'asinjja warmejj sänwa: —Tata, amuyatajjatjja mä profetjamaquïtawa.

Juan 4:19 Jak'a apnaqawi uñst'ayäwi

2 Reyes 5:26

Ukampis Eliseox saskakïnwa: —Mä chachax jumar katuqañatak carropat saraqki ukkhaxa, nayax chuymaxan jumamp chikaskäyätwa. Ukampis jichhax janiw qullqimpi, machaq isinakamp katuqañ pachäkiti, janirakiw huertonaka, uva yapunaka, ovejanaka, urqu vacanaka, uywatanaka alasiñ pachäkiti.

2 Reyes 6:12

Jupanakat mayniw ukxar säna: —Janiw khitisa, reyixay. Ukampis Israelankki uka Eliseo profetaw Israel reyirux yatiyi, taqi kuntix juma, reyix siskta ukanaka, ukhamarak utam manqhin parlatamsa —sasa.

Mateo 21:11

Jaqinakasti sapxänwa: —Galilea uraqina, Nazaretankir Jesús, profetawa —sasa.

Lucas 24:19

Jesusasti jupanakaruw jiskt'äna: —¿Kunarakisti? —sasa. Jupanakasti sapxänwa: —Nazaretankir Jesusata, jupasti Diosan nayraqatapanxa, jaqinak nayraqatapansa, luräwipana, arsüwipansa wali ch'aman profetänwa;

Lucas 7:16

Uk uñjasin taqiniw axsarthapipxäna, ukat Diosar yupaychañ qalltapxäna akham sasa: —Mä jach'a profetaw jiwas taypin uñsti. Diosaw juti markapar yanapt'iri —sasa.

Lucas 7:39

Uk uñjasinsti, Jesusar jawsayir fariseo jaqix chuymapan lup'ïna: “Jupatix chiqpach mä profetäspaxa, khititix jupar llamkt'ki ukan jan wali jaqïtap amuyasispawa, aka warmix jan wali sarnaqir warmïchixaya” sasa.

Juan 4:18

juman phisqa chachaw utjäna, jichhax khitimpïktatix ukax janiw chachamäkiti. Uka arsutamax chiqakïskiwa —sasa.

Juan 4:29

—Uñjir jutapxam, mä chachaw taqi luratanakax irkatitu. ¿Janit jupax Cristökpacha? —sasa.

Juan 6:14

Jaqinakasti Jesusan uka muspharkañ luratap uñjasinxa, sapxänwa: —Chiqpachansa aka jaqix jutañapäkän uka profetawa —sasa.

Juan 7:40

Uka arunak ist'asinsti, ukankirinakat yaqhipanakax sapxänwa: —Aka jaqix profetäpachawa —sasa.

Juan 9:17

ukatsti wasitatampiw juykhükän uka jaqir jiskt'apxäna: —Jumasti, ¿nayram qullktam uka jaqit kamsarakismasti? —sasa. Jupasti sarakïnwa: —Jupax mä profetawa, sistwa —sasa.

Deuteronomio 18:15

“Tatit Diosamax jumanak taypit nayjam mä profeta sayt'ayarakini, juparuw jumanakax ist'apxäta.