Ukxarusti Diosax sarakïnwa: “Umanxa kunayman jakir animalanak utjpan, uraqinxa alayanjam thuqnaqir jamach'inakas utjarakpan” sasa.
Éxodo 1:7 - Qullan Arunaka DC Ukampisa, israelitanakax walja wawanakanïnwa, jupanakat saraqirinakasti walpun mirantäna, wali ch'aman markaruw tukurakïna. Egipto markansti taqi chiqanakan israelitanakax utjxäna. Aymar Bibliia 1986 Israelan wawanacapajja jiltasinjja waliw mirantapjjänjja, ucampis waljanïsajja wali ch'amaniraquiw tucupjjäna, ucatsti uca orakenjja jupanacaquiw phokhantjjapjjäna. Qullan Arunaca Israelan wawanacapajja jiltasinjja waliw mirantapjjänjja, ucampis waljanïsajja wali ch'amaniraquiw tucupjjäna, ucatsti uca orakenjja jupanacaquiw phokhantjjapjjäna. |
Ukxarusti Diosax sarakïnwa: “Umanxa kunayman jakir animalanak utjpan, uraqinxa alayanjam thuqnaqir jamach'inakas utjarakpan” sasa.
Ukatsti jupanakarux aski waxt'äwinak churäna: “Mirantapxam, walja wawanakanïpxam, aka uraqirusti phuqhantapxam, ukat apnaqapxam; taqi chawllanakarusa, jamach'inakarusa, uraqinjam qatatnaqtir animalanakarus apnaqapxarakim” sasa.
Wawanakamampisti mä jach'a marka tukuyäma, aski waxt'äwinakampiw phuqt'äma, sutimsa jach'aruw aptarakï, mayninakatakisti askirakïniwa.
Nayaw jupanakarux waljanir tukuyä, uraq laq'ar uñtata. Kunjämatix laq'ax jan jakt'kayäkixa, ukhamarakiw wawanakamax jan jakt'kayäni.
Ukatsti Tatitux Abram chacharux anqaruw irpsu, ukat saraki: —Alaxpach sum uñtam, ukatsti jakt'añjamächi ukkhaxa, taqi warawaranak jakt'am. Jïsa, ukhamäniw juman wawanakamaxa —sasa.
Nayaw juparux aski waxt'äwinak churä, jupa tuqsti mä wawa churarakïma. Jupasti walja markanakan taykapäniwa, wawanakapasti walja markanakan reyiparakïniwa —sasa.
jumar aski waxt'äwinak churañataki. Wawanakamarusti alaxpacha warawaranakjam waljanirupuniw tukuyä, quta thiyan utjir ch'allar uñtata. Ukhamarus jupanakax uñisirinakaparux atipjapxapuniniwa,
Isaacasti uka chiqat jayaruw sarxäna, ukat yaqha uma phuch'u allsurakïna, janiw khitis ch'axwkänti. Ukat jupax uka phuch'ur “Samaraña” sutimpiw uchäna. Sarakïnwa: “Jichhax Tatituw samarat sarnaqañ churistu, aka chiqan nayrar sartañasataki” sasa.
Wawanakamarusti alaxpacha warawaranakjam waljaniruw tukuyä, jupanakarusti taqi aka uraqinak churarakï. Wawanakam tuqiw aka uraqinkir markanakax jach'añchat uñjasipxani,
Jumat saraqir wawanakamasti uraq laq'ar uñtata sinti waljapunïniwa, jupanakasti amstaru, aynacharu, inti jalanta tuqiru, inti jalsu tuqiruw saratatani, uka uraqin utjir wila masinakasti juma tuqiwa, wawanakam tuqirakiw aski waxt'äwinak katuqani.
Tatitux saskakïnwa: “Nayätwa taqi ch'aman Diosaxa; wawanakamasa, wawanakaman wawanakapas waljapunïpan. Jumat mä jach'a markax mistuni, walja markanakasa, wawanakam taypinsti reyinakaw utjani.
Ukat Diosax jupar sarakïna: —Nayax awkiman Diosapätwa. Egipto markar sarañ jan axsaramti, ukan nayax wawanakamaru mä jach'a markar tukuyä.
Ukatsti israelitanakax Egipto uraqin utjnuqtapxäna, Gosen uksa chiqana, ukansti uraqinak alasipxäna, sum jakapxarakïna, jupanakasti waljanipuniw mirantxapxäna.
Jupaw angelapar khithanirakitu walja ñanqhanakat nayar imiri. Jupay aka pä wawarux aski waxt'äwinak churpan. Sutixasti jupanak tuqi amtatäpan, Abraham achachilaxan sutipasa, Isaac awkixan sutipasa. Jupanakasti walja wawanakanïpxpan, aka uraqinsti waljanirurak tukupxpan” sasa.
“Nayaw walja wawanakani tukuyäma, wawanakamasti walja markanak sayt'ayani. Ukhamarusa, wawanakamaruw aka uraqi churä. Wiñayatakiw jupanakankarakini” sasa.
Diosasti Noé chachampiru, wawanakapampirux aka arunakampiw aski waxt'äwinak churäna: “Jichhax walja wawanakanïpxam, aka uraqirusti phuqhantapxam.
Jupanakarux alaxpachan utjir warawaranakjam walja wawanak churtaxa, ukatsti nayra awkinakaparu churañatak arsuta uraqi katuqasipxañapatakiw irparaktaxa.
Ukampis israelitanakax wali t'aqhisiyat uñjaskasasa juk'ampiw mirantäna. Egipto markankir jaqinakasti israelitanakar wal axsarapxäna.
Israelitanakax kayukiw Ramsés sat markata, Sucot sat markakam sarapxäna. Jupanakasti niya suxta patak waranqa chachanakänwa, warminakampiru, wawanakampir jan jakhusa.
Faraonasti saskakïnwa: Amuyapxam, israelitanakax aka markan wal mirantxipanti ¿jumanakax irnaqäwinakapat suyt'ayapxäta? —sasa.
Pampankir alir uñtat jumarux jilsuysma. Jumasti jank'akiw wali jach'a jilsuwaytaxa, mä warmiw tukuwayaraktaxa. Ñuñunakamas jank'akiw jilaqantam, t'awranakas jilantxaraktam. Ukampis jumax q'alalakipunïskäyätawa.
Israel markan Diosapax jiwasan nayra awkinakasaruw ajllïna. Jupanakarusti mä jach'a markarurakiw tukuyäna, jupanakax khuri Egipto markan jayankir jaqjam jakasipkän ukapacha. Ukatsti, jach'a ch'amapampiw uka uraqit jupanakar irpsunïna.
Nayra awkinakamax paqallq tunkanikiw Egipto markar puripxäna, ukampis jichhax Tatit Diosamax alaxpach warawaranakjam waljaniruw tukuyapxtam.
jumasti aka arunak Diosam nayraqatan qhanañchäta: ‘Nayra awkinakaxax arameo muyuyku jaqinakänwa, juk'anikirakïnwa. Egipto markar jakiriw jupanakax sarxapxatayna, ukansti mä jach'a markaw tukupxatayna, wali ch'amani, waljani tukuñkama.