Éxodo 12:37 - Qullan Arunaka DC

³⁷ Israelitanakax kayukiw Ramsés sat markata, Sucot sat markakam sarapxäna. Jupanakasti niya suxta patak waranqa chachanakänwa, warminakampiru, wawanakampir jan jakhusa.

Aymar Bibliia 1986

³⁷ Israelitanacasti Ramsés sat oraketjja sojjta patac warankjamaw chachanacajj mistuwayapjjäna, Sucot sat lugar tokeru. Warminacasa, wawanacasa janiw jaqhutäcänti.

Qullan Arunaca

³⁷ Israelitanacasti Ramsés sat oraketjja sojjta patac warankjamaw chachanacajj mistuwayapjjäna, Sucot sat lugar tokeru. Warminacasa, wawanacasa janiw jaqhutäcänti.

Éxodo 12:37 Jak'a apnaqawi uñst'ayäwi

Génesis 12:2

Wawanakamampisti mä jach'a marka tukuyäma, aski waxt'äwinakampiw phuqt'äma, sutimsa jach'aruw aptarakï, mayninakatakisti askirakïniwa.

Génesis 15:5

Ukatsti Tatitux Abram chacharux anqaruw irpsu, ukat saraki: —Alaxpach sum uñtam, ukatsti jakt'añjamächi ukkhaxa, taqi warawaranak jakt'am. Jïsa, ukhamäniw juman wawanakamaxa —sasa.

Génesis 46:3

Ukat Diosax jupar sarakïna: —Nayax awkiman Diosapätwa. Egipto markar sarañ jan axsaramti, ukan nayax wawanakamaru mä jach'a markar tukuyä.

Génesis 47:11

Joseasti faraonan arsutaparjamaw phuqhäna, ukatsti awkipampiru, jilanakapampirux wali suma uraqinak Egipto uraqinkirit churäna. Jupanakasti Gosen chiqan utjnuqtapxäna, uka chiqasti jaya qhipatxa Ramsés sutimpi uñt'atäxänwa.

Éxodo 1:11

Ukat egipcionakax lurayir jaqinak uchapxäna israelitanakar wali ch'ama irnaqañanak lurayañataki. Jupanakarusti Pitón, Ramsés sat markanak lurayapxäna. Egiptonkir faraón reyix uka markanakaruw juyranakap imayäna.

Éxodo 10:9

Moisesasti sänwa: —Nanakax taqpachani sarapxañaxawa, jisk'a wawanakaxampi, chuyman awkinakampi, yuqanakaxampi, phuchhanakaxampi, ovejanakaxampi, vacanakaxampi, akasti nanakatakix Tatit Diosaxan jach'a urupäniwa —sasa.

Éxodo 13:20

Israelitanakax Sucot chiqat mistuwayasin Etam sat chiqaruw puripxäna, ukan utjnuqtapxarakïna, wasarax qalltki ukawjaru.

Éxodo 38:26

Pä tunka maranit amstaru jakt'at jaqinakatxa, suxta patak kimsan waranqa phisqa patak phisqa tunkanïnwa, jupanakat sapa mayniw phisqa chikatan gramo qullqi churapxäna, qullan chiqawjan tupuparjama.

Números 1:2

“Israelitanakar taqpachanir jakthapipxam, ayllutkama, wila masitkama, taqi chachanakan sutip qillqantapxam, qawqhanïtaynas uk yatiñataki,

Números 1:46

taqpachanix suxta patak kimsani waranqa phisqa pataka phisqa tunkan chachanakänwa.

Números 11:21

Moisesasti sänwa: —Tatay, ¿kawkitarak phaxspach manq'ayañamatak ukataq aycha apsütasti? Niya suxta patak waranqa chachanakawa, warminakar jan jakhusa.

Números 2:32

Taqi israelita wila masinakat jakthapitax, taqpachanix suxta patak kimsan waranqa phisqa patak phisqa tunkan chachanakänwa.

Números 26:51

Jakthapitarjamasti, israelitanakax suxta patak mayan waranqa paqallqu patak kimsa tunkan chachanakänwa.

Números 33:3

Israelitanakax nayrïr phaxsina, tunka phisqan uru saraqataruw Ramsés uraqit mistunipxäna, Pascua uruyäwit qhipüru. Jupanakax wali ch'amaniw mistunipxäna, taqpach egipcio jaqinakan uñjkata.

Números 33:5

Israelitanakax Egiptonkir Ramsés markat sartawayasax Sucot chiqan utjnuqtapxäna.