Génesis 1:28 - Qullan Arunaka DC

²⁸ Ukatsti jupanakarux aski waxt'äwinak churäna: “Mirantapxam, walja wawanakanïpxam, aka uraqirusti phuqhantapxam, ukat apnaqapxam; taqi chawllanakarusa, jamach'inakarusa, uraqinjam qatatnaqtir animalanakarus apnaqapxarakim” sasa.

Aymar Bibliia 1986

²⁸ ucjjarusti bendiciraquïnwa: “Jichhajj wali mirantapjjam, aca orakerusti phokhantapjjaraquim, apnakapjjaraquim; take chawllanacarusa, jamach'inacarusa apnakapjjam, uqhamaraqui orakenjam katatnaktir animalanacarusa” sasa.

Qullan Arunaca

²⁸ ucjjarusti bendiciraquïnwa: “Jichhajj wali mirantapjjam, aca orakerusti phokhantapjjaraquim, apnakapjjaraquim; take chawllanacarusa, jamach'inacarusa apnakapjjam, uqhamaraqui orakenjam katatnaktir animalanacarusa” sasa.

Génesis 1:28 Jak'a apnaqawi uñst'ayäwi

Génesis 1:22

Taqi uka animalanak lurkatayna ukanakarusti aka aski arunak arsüna: “Qutanakar phuqhantañkam mirantapxpan, jamach'inakasti taqi akapachar phuqhantañkam mirantapxarakpan” sasa.

Génesis 17:16

Nayaw juparux aski waxt'äwinak churä, jupa tuqsti mä wawa churarakïma. Jupasti walja markanakan taykapäniwa, wawanakapasti walja markanakan reyiparakïniwa —sasa.

Génesis 17:20

Ismael tuqitsti mayisitam ist'araksmawa, juparux aski waxt'äwinak churarakïwa; wawanakapas waljanipunïniwa. Ismael chachasti tunka payani jach'a jilïrin awkipäniwa, jupatsti mä jach'a marka tukuyarakï.

Génesis 24:60

Rebecan wila masinakapasti aka aski arunak arsusaw khitxapxäna: “Munat kullaka, ¡Jumasti waranqa, waranqanakan taykapar tukum! ¡Wawanakamasti uñisirinakapan markanakapsa katuntapxarakpan!” sasa.

Génesis 26:24

Uka arumpachaw Tatitux jupar uñstäna, ukat sarakïna: “Nayätwa Abraham awkiman Diosapaxa. Jan axsaramti, nayaw jumampïskta. Abraham luqtirix laykuw jumarux aski waxt'äwinak churäma, wawanakamsa mirtayarakïwa” sasa.

Génesis 33:5

Ukatsti Esaú jilapax warminakaru, wawanakaru uñkatasin jiskt'arakïna: —¿Khitirak jupanakasti? —sasa. Jacobux sarakïnwa: —Tatit Diosax nayat khuyapt'ayasitu, jupasti taqi aka wawanak nayar churitu —sasa.

Génesis 49:25

¡Awkiman Diosapax yuspagaratäpan, jupaw yanapirimaxa! ¡Taqi ch'aman Diosax yuspagaratäpan jupaw askinak churaskätam! ¡Alaxpacha askinakampi! ¡Jach'a quta manqhankir askinakampi! ¡Wawanak uywir taykanakan askinakapampi!

Génesis 5:2

Chacha, warmi luräna, ukatsti aski waxt'äwi churarakïna. Jupanakarusti “Jaqinaka” sutimpiw uchäna.

Génesis 6:1

Kunapachatix jaqinakax aka uraqir phuqhantxapxän ukkhaxa, phuchhanakanïpxänwa,

Génesis 8:17

Jumamp chikäki uka animalanaka, jamach'inaka, uywañ animalanaka, uraqinjam qatatnaqtir animalanaksa irpsxarakim, ukhamat aka uraqir aywitatxapxañapataki, ukatsti wal mirantapxañapataki” sasa.

Génesis 9:1

Diosasti Noé chachampiru, wawanakapampirux aka arunakampiw aski waxt'äwinak churäna: “Jichhax walja wawanakanïpxam, aka uraqirusti phuqhantapxam.

Génesis 9:7

Ukhamasti jumanakax ¡walja wawanakanïpxam, aka uraqpachar phuqhantapxam!” sasa.

1 Crónicas 26:5

suxtïrix Amiel; paqallqürix Isacar; kimsaqallqürix Peultai. Diosax Obed-edom chacharux walja wawanak churäna.

1 Crónicas 4:10

Jabés chachax Israel markan Diosaparuw mayisïna akham sasa: “Khuyapt'ayasita, mä jach'a uraq churita, nayan jan t'aqhisiñaxatak yanapt'ita, qhispiyarakita” sasa. Diosasti mayitaparux ist'änwa.

Job 39:11

¿Jumasti uka urqu vacan ch'amanïtap layku alkatasismati, juman lurañanakam jupar lurayarakismati?

Job 42:12

Diosasti Job chacharux nayra maranakat sipan aski waxt'äwinak juk'amp churxarakïna. Ovejapas tunka pusini waranqäxänwa, camellonakapasti suxta waranqa, urqu vacanakapas pä waranqa, qachu asnonakapasti waranqarakïxänwa.

Salmos 107:38

Tatituw askip churi, juk'ampi jilxatayi, uywanakap mirantayaraki.

Salmos 115:16

Alaxpachax Tatitunkiwa, jaqirusti uraq katuyi.

Salmos 69:34

34 (35) ¡Diosar jach'añchapxam, alaxpachas akapachasa, lamar qutasa, taqi ukan jakirinakasa!

Salmos 8:6

6 (7) taqi luratanakam apnaqañapatakiw katuytaxa, taqi kunxaruw utt'ayaraktaxa:

Salmos 8:7

7 (8) ovej tamanakxaru, vacanakxaru, ch'uminkir animalanakxaru,

Isaías 45:18

Alaxpach luriri, khititix Diosäki, Tatitükaraki, khititix aka uraqi lurasax sayt'ayki, khititix aka uraqin jan ch'usäñapatak jaqinaksa lurkaraki ukaxa, siwa: “Nayätwa Tatituxa, janiw yaqhax utjkiti.

Levítico 26:9

Jumanakarusti sum uñjapxäma, waljaniruw tukuyapxarakïma; jumanakampi arust'äwi lurataxsti phuqhapunïwa.

1 Timoteo 4:3

Uka jaqinakax chacha warmi jaqichasiñat jark'apxi, Diosan uchat manq'anakat tuwasipxi, uka manq'anakasti Diosar iyawsirinakana, chiqa uñt'irinakan yuspagarañ chuymampi manq'añapatak uchatawa.