Génesis 12:2 - Qullan Arunaka DC

² Wawanakamampisti mä jach'a marka tukuyäma, aski waxt'äwinakampiw phuqt'äma, sutimsa jach'aruw aptarakï, mayninakatakisti askirakïniwa.

Aymar Bibliia 1986

² Wawanacamampisti mä jach'a marca tucuyäma, bendiciraquïmawa, sutimsa jach'aruw aptaraquëjja, mayninacataquisti mä bendicionaraquïyätawa.

Qullan Arunaca

² Wawanacamampisti mä jach'a marca tucuyäma, bendiciraquïmawa, sutimsa jach'aruw aptaraquëjja, mayninacataquisti mä bendicionaraquïyätawa.

Génesis 12:2 Jak'a apnaqawi uñst'ayäwi

Génesis 13:16

Nayaw jupanakarux waljanir tukuyä, uraq laq'ar uñtata. Kunjämatix laq'ax jan jakt'kayäkixa, ukhamarakiw wawanakamax jan jakt'kayäni.

Génesis 15:5

Ukatsti Tatitux Abram chacharux anqaruw irpsu, ukat saraki: —Alaxpach sum uñtam, ukatsti jakt'añjamächi ukkhaxa, taqi warawaranak jakt'am. Jïsa, ukhamäniw juman wawanakamaxa —sasa.

Génesis 17:20

Ismael tuqitsti mayisitam ist'araksmawa, juparux aski waxt'äwinak churarakïwa; wawanakapas waljanipunïniwa. Ismael chachasti tunka payani jach'a jilïrin awkipäniwa, jupatsti mä jach'a marka tukuyarakï.

Génesis 18:18

niyakixay jupax mä jach'a ch'amani markan awkipächinixa. Jupa tuqiw taqi markanakar aski waxt'äwinak churañatak arsurakta.

Génesis 18:19

Nayaw juparux ajllirakta, wawanakaparu, ukhamarak taqi wila masinakaparu nayan yatichäwinakaxar jaysañ yatiqapxañapataki, ukhamarus kunatix chiqapäki, askïkaraki uk lurapxañapataki, ukhamat nayan taqi arsüwinakaxar phuqhañaxataki” sasa.

Génesis 19:29

Ukham Diosax qhirwa tuqinkir markanak t'unjäna, kawkhantix Lot chachax jakkäna uka markanaka, ukampis Abrahamat amtasisin Lot chacharux uka chiqat irpsuwayxarakïna.

Génesis 24:1

Abrahamax sinti chuymanïxänwa, Diosasti juparux taqi kunan aski waxt'äwinakapamp phuqt'atayna.

Génesis 24:35

Tatitux uywirixar aski waxt'äwinakap walpun churi, juparusti qamiriptayiwa. Jupaw churi: ovejanaka, vacanaka, quri, qullqi, uywatanaka, camellonaka, asnonaka, taqi ukanaka.

Génesis 25:11

Abrahaman jiwxatapatxa, Tatit Diosax Isaacar aski waxt'äwinakap churarakïna, jupasti “Uñjkitu, jakkaraki” sat uma phuch'u jak'aru jakiriw qhiparxatayna.

Génesis 26:3

Nayaw jumampïskä, aski waxt'äwinak churarakïma, ukhamarus jumampiru, wawanakamampirux taqi aka uraqinak churapxäma. Ukhamat kuntix Abraham awkimar arskäyäta uka arsutaxar phuqhä.

Génesis 26:4

Wawanakamarusti alaxpacha warawaranakjam waljaniruw tukuyä, jupanakarusti taqi aka uraqinak churarakï. Wawanakam tuqiw aka uraqinkir markanakax jach'añchat uñjasipxani,

Génesis 27:29

Taqi jaqinakax jumar luqtirïpxpan; jach'a markanakas juma nayraqatan killt'aspan. ¡Pachpa wila masinakamas juma nayraqatan killt'asipxpan, jupanakan jilïripätam uñt'apxpan! ¡Jumar ñanqhachirinakax ñanqhachatäpan! ¡Jumar jach'añchirinakasti jach'añchatäpan!” sasa.

Génesis 28:14

Jumat saraqir wawanakamasti uraq laq'ar uñtata sinti waljapunïniwa, jupanakasti amstaru, aynacharu, inti jalanta tuqiru, inti jalsu tuqiruw saratatani, uka uraqin utjir wila masinakasti juma tuqiwa, wawanakam tuqirakiw aski waxt'äwinak katuqani.

Génesis 35:11

Tatitux saskakïnwa: “Nayätwa taqi ch'aman Diosaxa; wawanakamasa, wawanakaman wawanakapas waljapunïpan. Jumat mä jach'a markax mistuni, walja markanakasa, wawanakam taypinsti reyinakaw utjani.

Génesis 46:3

Ukat Diosax jupar sarakïna: —Nayax awkiman Diosapätwa. Egipto markar sarañ jan axsaramti, ukan nayax wawanakamaru mä jach'a markar tukuyä.

2 Samuel 7:9

kawkirutix jumax sarkta ukansa, juma chikaw nayax sarta, jumar katuntir uñisirinakamarus taqiniruw tukjta, ukatsti jach'aruw aptaraksma, kamisatix aka uraqin utjir jach'a jilïri jaqinakax jach'ar aptatäpki ukhama.

1 Reyes 1:47

David reyin yanapirinakapasti jupar aruntiriw sarapxi, taqiniw juparux sapxaraki: “Tatitux Salomonan marka apnaqäwipxa, David reyin apnaqäwipat sipan juk'amp jach'aptaypan” sasa. David reyi pachpaw ikiñapan killt'asi Tatitur yupaychañataki,

Job 35:8

Juman jucha luratamax jaqi masimaruw ñanqhachi, aski luratanakamasti jaqi masimatak askirakiwa.

Salmos 107:38

Tatituw askip churi, juk'ampi jilxatayi, uywanakap mirantayaraki.

Éxodo 1:7

Ukampisa, israelitanakax walja wawanakanïnwa, jupanakat saraqirinakasti walpun mirantäna, wali ch'aman markaruw tukurakïna. Egipto markansti taqi chiqanakan israelitanakax utjxäna.

Éxodo 32:10

¡Jichhax janis kunsa arxaykita, sinti q'apisitapunïtwa, jupanakarux taq t'unjä! Ukampis wawanakamat mä jach'a marka sayt'ayä —sasa.

Isaías 51:2

Jupanakan suma luräwinakap uñtapxam. Kunapachatix Abrahamar jawskäyäta ukkhaxa, jupax sapa jaqikïnwa, ukampis nayax askinak churta, ukatsti walja wawanak churarakta.

Ezequiel 34:26

“Nayaw ovejanakaxar qullan qulluxar muytata uchä, askinakampiw phuqt'arakï; wakisit ururuw aski jallunak apayanirakï.

Miqueas 7:20

¡Tatay, munasiñamampita, chiqa kankañamampit janikiy armasimti, kunjämtix jumax Abraham, Jacob uka nayra awkinakaxaru arskäyätas ukanakxa!

Zacarías 8:13

Judá markankirinaka, Israel markankirinaka, jumanakax yaqha markanak taypinxa taqinin ñanqhachat markäpxäyätawa, jichhax nayaw qhispiyapxäma, askiruw tukuyapxäma. ¡Jan axsarapxamti! ¡Ch'amañchasipxam!”

Números 14:12

Nayaw jupanakar jiwarayir usu apayanï, uka uraq jan katupxañapataki; ukampis jumarux taqit sipan mä jach'a markaruw tukuyäma, jupanakat sipan juk'amp ch'amani —sasa.

Números 22:12

Tatitusti Balaamarux sänwa: —Jan jupanakamp chik saramti, janirak uka markar ñanqhachamsa, uka markarusti nayaw askinakamp phuqt'ta —sasa.

Números 23:20

Tatituw markapatak aski arunak arsuyitu; Tatituw ukham arsu, janiw nayax jupar jark'kiristti.

Romanos 4:11

Abrahamax uka qhipat circuncisión katuqaski, mä chimpükaspas ukhama, Diosax iyawsäwip laykux niyaw aski jaqit katuqxäna. Ukhamat Abrahamax taqi iyawsirinakan awkipaxa, janisay circuncisión katuqapkchïn ukasa; Diosax uka kipkarakiw jupanakarux aski jaqinakat katuqaraki.

Gálatas 3:14

Ukatpï, kuna askinaktix Diosax Abrahamar arskäna ukax jan judiöpki ukanakatakirakixa. Ukhamasti, Jesucristorutix iyawsañänixa, Diosan arsutaparjamaw Ajay katuqañäni.

Gálatas 3:7

Yatipxam, iyawsäwi layku jakir jaqinakaw, Abrahaman chiqpach wawanakapaxa.

Deuteronomio 26:5

jumasti aka arunak Diosam nayraqatan qhanañchäta: ‘Nayra awkinakaxax arameo muyuyku jaqinakänwa, juk'anikirakïnwa. Egipto markar jakiriw jupanakax sarxapxatayna, ukansti mä jach'a markaw tukupxatayna, wali ch'amani, waljani tukuñkama.