Génesis 9:1 - Qullan Arunaka DC

¹ Diosasti Noé chachampiru, wawanakapampirux aka arunakampiw aski waxt'äwinak churäna: “Jichhax walja wawanakanïpxam, aka uraqirusti phuqhantapxam.

Aymar Bibliia 1986

¹ Diosasti Noerusa, wawanacaparusa aca arunacampiw bendiciraquïna: “Jichhajj walja wawanacanïpjjam, aca oraksti phokhantapjjaraquim.

Qullan Arunaca

¹ Diosasti Noerusa, wawanacaparusa aca arunacampiw bendiciraquïna: “Jichhajj walja wawanacanïpjjam, aca oraksti phokhantapjjaraquim.

Génesis 9:1 Jak'a apnaqawi uñst'ayäwi

Génesis 1:22

Taqi uka animalanak lurkatayna ukanakarusti aka aski arunak arsüna: “Qutanakar phuqhantañkam mirantapxpan, jamach'inakasti taqi akapachar phuqhantañkam mirantapxarakpan” sasa.

Génesis 1:28

Ukatsti jupanakarux aski waxt'äwinak churäna: “Mirantapxam, walja wawanakanïpxam, aka uraqirusti phuqhantapxam, ukat apnaqapxam; taqi chawllanakarusa, jamach'inakarusa, uraqinjam qatatnaqtir animalanakarus apnaqapxarakim” sasa.

Génesis 10:32

Ukanakaw Noé chachan wawanakapan wila masinakapaxa, tunu awkit saraqiriparjama, uraqinakaparjamaraki. Uma taripäwi qhipatsti, jaqinakax taqi tuqiruw aywitatawayxapxäna, ukatsti jach'a markanak aka uraqin sayt'ayapxarakïna.

Génesis 2:3

Uka paqallqüri ursti Diosax jach'achänwa, qullanañcharakïnwa, uka urun taqi luräwinakapat samaratap layku.

Génesis 24:60

Rebecan wila masinakapasti aka aski arunak arsusaw khitxapxäna: “Munat kullaka, ¡Jumasti waranqa, waranqanakan taykapar tukum! ¡Wawanakamasti uñisirinakapan markanakapsa katuntapxarakpan!” sasa.

Génesis 35:11

Tatitux saskakïnwa: “Nayätwa taqi ch'aman Diosaxa; wawanakamasa, wawanakaman wawanakapas waljapunïpan. Jumat mä jach'a markax mistuni, walja markanakasa, wawanakam taypinsti reyinakaw utjani.

Génesis 8:17

Jumamp chikäki uka animalanaka, jamach'inaka, uywañ animalanaka, uraqinjam qatatnaqtir animalanaksa irpsxarakim, ukhamat aka uraqir aywitatxapxañapataki, ukatsti wal mirantapxañapataki” sasa.

Génesis 9:19

Noé chachan yuqanakapax uka kimsanïnwa, jupanakan wawanakapampiw wasitat aka uraqix phuqhantatäxäna.

Génesis 9:2

Aka uraqinkir taqi animalanakasti jumanakatakix axsarañat khathatipxaniwa. Thuqnaqir animalanakasa, wañankir animalanakasa, qutankir animalanakas jumanakan apnaqatäniwa.

Génesis 9:7

Ukhamasti jumanakax ¡walja wawanakanïpxam, aka uraqpachar phuqhantapxam!” sasa.

Salmos 112:1

¡Tatitux jach'añchatäpan! Tatitur axsartir jaqix kusisiñaniwa, arsutanakapar munasir jaqix kusisiñaniwa.

Isaías 51:2

Jupanakan suma luräwinakap uñtapxam. Kunapachatix Abrahamar jawskäyäta ukkhaxa, jupax sapa jaqikïnwa, ukampis nayax askinak churta, ukatsti walja wawanak churarakta.