Éxodo 1:7 - Qullan Arunaca

⁷ Israelan wawanacapajja jiltasinjja waliw mirantapjjänjja, ucampis waljanïsajja wali ch'amaniraquiw tucupjjäna, ucatsti uca orakenjja jupanacaquiw phokhantjjapjjäna.

Aymar Bibliia 1986

⁷ Israelan wawanacapajja jiltasinjja waliw mirantapjjänjja, ucampis waljanïsajja wali ch'amaniraquiw tucupjjäna, ucatsti uca orakenjja jupanacaquiw phokhantjjapjjäna.

Qullan Arunaka DC

⁷ Ukampisa, israelitanakax walja wawanakanïnwa, jupanakat saraqirinakasti walpun mirantäna, wali ch'aman markaruw tukurakïna. Egipto markansti taqi chiqanakan israelitanakax utjxäna.

Éxodo 1:7 Jak'a apnaqawi uñst'ayäwi

Génesis 1:20

Ucjjarojj Diosajj saraquïnwa: “Umanjja take casta animalanac utjpan, uqhamarac orakenjja altokata thoknakeri jamach'inacas utjaracpan” sasa.

Génesis 1:28

ucjjarusti bendiciraquïnwa: “Jichhajj wali mirantapjjam, aca orakerusti phokhantapjjaraquim, apnakapjjaraquim; take chawllanacarusa, jamach'inacarusa apnakapjjam, uqhamaraqui orakenjam katatnaktir animalanacarusa” sasa.

Génesis 12:2

Wawanacamampisti mä jach'a marca tucuyäma, bendiciraquïmawa, sutimsa jach'aruw aptaraquëjja, mayninacataquisti mä bendicionaraquïyätawa.

Génesis 13:16

Nayaw jupanacarojj waljani tucuyä orake lak'ar uñtata. Cunjämatejj lak'anacajj jan jact'atäcaspajja, uqhamaraquiw wawanacamajj jan jact'cayäni.

Génesis 15:5

Ucatsti Tatitojj Abramarojj ankaruw irpsu, saraquiwa: —Alajjpach sum uñtam, ucatsti take warawaranac jact'am jact'añjamächi ucqhajja. Jïsa, uqhamäniw juman wawanacamajja —sasa.

Génesis 17:16

Nayaw juparojj bendiciraquï, jupa toksti mä wawa churaraquïma. Jïsa, bendicïwa. Jupasti walja marcanacan taycapäniwa, wawanacapasti marcanacapan reyinacaparaquïniwa.

Génesis 22:17

jumar wali bendiciñataqui. Wawanacamarusti waljanirupuniw tucuyäjja alajjpacha warawaranacjama, kota thiyanquir ch'allanacar uñtata. Uqhamarus jupanacajj uñisirinacaparojj atipjapjjapuniniwa,

Génesis 26:22

Isaacasti uca chekatjja jayaruw sarjjäna, ucatsti yakha phuch'u allisjjaraquïna. Cunjämatejj jan cuna ch'ajjwañas ucan utjatapatsti “Samaraña” sasaw sutichäna. Saraquïnwa: “Jichhajj Tatituw aca chekjja churistu nayraru sartañasataqui” sasa.

Génesis 26:4

Wawanacamarusti waljaniruw tucuyä, alajjpacha warawaranacjama, take aca orakenacwa jupanacar churaraquï. Uqhamarus walja marcanacaw wawanacam toke bendicitäpjjaraquini,

Génesis 28:14

Wawanacamasti lak'a polvor uñtata sinti waljapunïniwa, ucatsti amstaru, aynacharu, inti jalanta tokeru, inti jalsu tokeruw saratatapjjaraquini, aca oraken take familianacasti juma toke, uqhamarac wawanacam tokew bendición catokapjjani.

Génesis 35:11

Yakha suti uchasinjja, Diosajj sascaquïnwa: “Nayätwa take ch'amani Diosajja, wawanacamasa, wawanacaman wawanacapasa waljapunïpan. Jumatwa mistuni mä marca, uqhamarac walja marcanaca, wawanacamatsti reyinacaw mistuni.

Génesis 46:3

Diosasti juparojj saraquïnwa: —Nayajj Diosätwa, awquiman Diosapätwa. Egiptor sarañjja jan ajjsaramti, ucanwa nayajj wawanacamarojj mä jach'a marca tucuyä.

Génesis 47:27

Israelitanacasti Egipton jacjjapjjäna. Gosén sisqui ucsa tokenacwa catuntasipjjaraquïna, ucansti waljanipuniw mirantjjapjjäna.

Génesis 48:16

cawquïri angelatejj take ñankhanacat imquitu, ucanacay aca wawanacarojj bendizpan. Jupanac tokeraqui sutejjas amtataraquïpan, uqhamarac Abraham, Isaac awquinacajjan sutipasa. Walja wawanacanïpjjam, aca orakensti waljaniraqui tucupjjam” sasa.

Génesis 48:4

‘Nayaw walja wawanacani tucuyäma, uqhamarac wawanacamajj walja marcanacwa sayt'ayapjjani. Uqhamarus wawanacamarojj aca orake churä. Wiñayataquiw jupanacancaraquini’ sasa.

Génesis 9:1

Diosasti Noerusa, wawanacaparusa aca arunacampiw bendiciraquïna: “Jichhajj walja wawanacanïpjjam, aca oraksti phokhantapjjaraquim.

Nehemías 9:23

Jupanacarojj walja wawaninacaruwa tucuyäyätajja cunjämatï alajjpachana warawaranacajj walja utjqui uqhama, ucatjja irpäyätawa cawquïr oraktejj nayra awquinacaparu arscäyäta churañataqui uca orake catokasipjjañapataqui.

Salmos 105:24

Diosajj marcaparojj waljaniptayänwa, uñisirinacapat juc'amp ch'aman tucuyäna.

Salmos 107:38

Tatituw asquip churi, juc'amp jiljjatayi, uywanacap mirantayaraqui.

Éxodo 1:12

Israelitanacasti wali t'akhesiyatajja juc'ampiw mirantapjjäna, ucatsti Egipto marcanquir jakenacajja israelitanacarojj wali ajjsarapjjäna.

Éxodo 12:37

Israelitanacasti Ramsés sat oraketjja sojjta patac warankjamaw chachanacajj mistuwayapjjäna, Sucot sat lugar tokeru. Warminacasa, wawanacasa janiw jaqhutäcänti.

Éxodo 5:5

Ucat faraonajj sascaquïnwa: —Aca marcansti israelitanacajj waliw mirantjje, ucampis jumanacajj ¡irnakañanacapatti suyt'ayapjjäta! —sasa.

Ezequiel 16:7

Pampanquir korar uñtatwa jumarojj jilsuysma. Jumasti sumwa jilsuwayaracta, jach'aw tukowayaracta, mä warmiw tucuwayaracta. Ñuñunacamasti suma kalaquiraquiw jilakantam, ñic'utanacas misturactamwa; ucampisa k'alalaquipunïscäyätawa.

Hechos 13:17

Israel marcan Diosapajj jiwasan nayra awquinacasaruw ajllïna. Jupanacarusti mä jach'a marcaruraquiw tucuyi, cunapachatejj jupanacajj qhuri Egipto marcancapjjäna ucqhajja. Uca oraketjja ch'amapampiraquipï apsunejja.

Deuteronomio 10:22

Cunapachatejj awquinacamajj Egipto marcar puripjjän ucqhajj pakallk tunca jakequïpjjänwa, ucampis jichhajj Tatitu Diosamajj waljaniruw tucuyapjjtam, alajjpach walja warawaranacjama.

Deuteronomio 26:5

ucapachasti jumajj aca arunacwa Diosam nayrakatan khanañchäta: ‘Nayan awquinacajjasti, arameo jakenacäpjjänwa, juc'aniquiraquïnwa. Egipto marcaruw sarjjapjjäna, cawqhantejj jupanacajj jacañatac kheparapjjäna, ucatsti mä jach'a marcaw tucjjapjjäna, wali ch'amani, uqhamarac waljaniru tucusa.