2 Samuel 2:7 - Qullan Arunaka DC

Jichhasti jumanakax ch'am katxatapxam, janirak thayjtapxamti, jumanakar apnaqir Saúl reyix jiwatäkchi ukasa, jichhasti Judá ayllunkirinakaw nayar reyit utt'ayitu jumanakar apnaqañataki” sasa.

Aymar Bibliia 1986

Jichhasti jumanacajj ch'am catjjatapjjam, janirac thayjtapjjamti jumanacar apnakeri Saúl reyejj jiwatäcchi ucasa, jichhasti Judá tribuw nayarojj reyit utt'ayaraquitu jumanacar apnakañataqui.”

Qullan Arunaca

Jichhasti jumanacajj ch'am catjjatapjjam, janirac thayjtapjjamti jumanacar apnakeri Saúl reyejj jiwatäcchi ucasa, jichhasti Judá tribuw nayarojj reyit utt'ayaraquitu jumanacar apnakañataqui.”

2 Samuel 2:7 Jak'a apnaqawi uñst'ayäwi

Génesis 15:1

Ukanak qhipatsti Tatitux Abram chacharuw mä unañchäwi tuqi uñstäna, ukatsti sarakïnwa: —Abram, jan axsaramti, juman arxatirimax nayätwa, juman katuqäwimax wali jach'apunïniwa —sasa.

2 Samuel 10:12

Ch'am katxatam, markasar arxatañ layku, Diosasan markanakap arxatañ layku jan axsaras nuwasiñäni. ¡Tatituy jupan amtataparjam lurpan!” sasa.

2 Samuel 2:6

Tatituy khuyapayasiñampi, chiqa chuymampi jumanakar uñjpan. Nayasti, ukham lurapxatamat sum jumanakarux uñjapxarakïma.

2 Samuel 2:8

Ukchañkamasti, Saúl reyin ejercitopan jach'a jilïrïkatayna uka Ner jaqin Abner sutini yuqapax, Saúl reyin Is-bóset sat yuqaparuw Mahanaim sat chiqar irpxaruwayäna,

2 Samuel 5:3

Ukhamaw Israelankir taqpach jilïr jaqinakapax Hebrón markar David reyimp parlir sarapxäna, jupasti Tatitun nayraqatapan mä arust'äwi jupanakamp lurarakïna. Ukatsti jupanakax Israelan reyipat Davidar utt'ayapxäna.

2 Reyes 11:12

Ukapachaw Joiadá sacerdotex reyin Joás wawapar irpsunïna, ukat jupan p'iqiparux reyi pillu uchäna, ukatsti marka apnaqañ yatichäwi qillqatanak churarakïna, p'iqipar aceite warxatasinsti reyit utt'ayäna. Ukxarusti taqiniw amparanakap t'axllirasipxäna, jach'at art'asipxarakïna: “¡Jallalla rey!” sasa.

Nehemías 2:18

Ukatsti, jupanakarux kunjämtix Tatitux khuyapayasiñapamp nayar yanapt'kitän uk yatiyarakta, kuna arunaktix reyis siskitäna ukanakxata, jupanakax sapxarakïnwa: —¡Qalltapxañäni, wasitat pirqa sayt'ayaña! —sasa. Jupanakasti wali q'aphakiw maynit maynikam ch'amañchasipxäna.

1 Corintios 16:13

Suyapxapunim, iyawsañanakamansti ch'aman sayt'apxam, qamas katxatapxam, ch'amañchasipxarakim.

Efesios 6:10

Jichhasti jilatanaka, Tatitunkasin ch'amañchasipxam, jan atipjkay ch'amapampi.

1 Samuel 31:12

jan kunsa axsarir jaqinakaw mä amtäwir mantapxäna, ukat paqar aruma jutasax Bet-sán uyu pirqapatsti Saúl reyina, yuqanakapan amayanakap apaqawayxapxäna, ukatsti Jabés markar kuttanisin uka amayanak phichhantxapxäna.

1 Samuel 31:7

Israelitanakasti, khitinakatix qhirwat khurkatan jakapkäna, ukhamarak Jordán jawirat inti jalsu tuqin jakapkäna ukanakax israelita soldado tamanakan jaltxapxatapata, Saúl reyis yuqanakapamppach jiwarat uñjasinsti, jupanakax markanakap jaytasaw jaltxapxarakïna. Ukat filisteonakax uka markanakar purisax utjantasipxäna.

1 Samuel 4:9

¡Filisteo soldadonaka, jan kun axsarasay wakichasipxam, ukatsti taqi chuymampi nuwasipxam, ukhamat israelitanakan t'aqhisiyata jaqinakapar jan tukuñasataki, kunjämtix jupanakax jiwasan t'aqhisiyatänxa ukhama!” sasa.