Efesios 6:10 - Qullan Arunaka DC

¹⁰ Jichhasti jilatanaka, Tatitunkasin ch'amañchasipxam, jan atipjkay ch'amapampi.

Aymar Bibliia 1986

¹⁰ Jichhajj jilatanaca, ch'amañchasipjjam Tatitumpi, uqhamarac jach'a ch'amapampisa.

Qullan Arunaca

¹⁰ Jichhajj jilatanaca, ch'amañchasipjjam Tatitumpi, uqhamarac jach'a ch'amapampisa.

Efesios 6:10 Jak'a apnaqawi uñst'ayäwi

1 Crónicas 28:10

Jichhasti jumax amuyam, Tatituw jupan qullan utap lurañatak ajllistam. ¡Ch'amañchasim, ukatsti lurarakim!” sasa.

1 Crónicas 28:20

Ukhamasti Davidax Salomonarux sänwa: “¡Ch'amañchasim, ukatsti lurañarurak uskusim! ¡Jan mayjt'asimti, janirak axsaramsa, Tatitu Diosaxaw jumampïskani! Tatitux jupan utap lurañ tukuyañkamax janiw jaytjkätamti, janirakiw armaskätamsa.

2 Crónicas 15:7

Ukampis jumanakax ch'aman sayt'asipxam, janirak mayjt'asipxamsa, luratanakamatsti churäwi katuqapxäta” sasa.

Salmos 138:3

Art'asinsma ukapachax ist'istawa, ch'am yapxatarakista.

Isaías 40:28

¿Janit yatipktasti, janit ist'kta? Tatituw, wiñay Diosaxa, aka uraqpacha luririxa, janiw jupax ch'amtaykiti, janirakiw qarjaskisa, yatiñ kankañapasti jan tukuskiriwa.

Isaías 40:31

ukampisa khitinakatix Tatitur katuyasipki ukanakax machaq ch'amanïpxaniwa; pakalinakar uñtataw alayan tuyupxani, jan qarjasisaw jalanaqapxani, sarnaqasas janirakiw ch'amtayapkaniti.

Hageo 2:4

¡Zorobabel, ch'amañcht'asim! ¡Josué, sacerdotenakan jilïripa, jumas ch'amañcht'asirakim! Aka markankir jaqinaka, ch'amañcht'asipxam. Irnaqapxam, nayax jumanakampïsktwa. Naya, taqi ch'aman Tatituw arsta.

Zacarías 8:13

Judá markankirinaka, Israel markankirinaka, jumanakax yaqha markanak taypinxa taqinin ñanqhachat markäpxäyätawa, jichhax nayaw qhispiyapxäma, askiruw tukuyapxäma. ¡Jan axsarapxamti! ¡Ch'amañchasipxam!”

Zacarías 8:9

Taqi ch'amani Tatitux siwa: “Jumanaka, aka urunakan profetanakan arunakap ist'irinaka, ch'amañcht'asipxam, taqi ch'amani Tatitun utap wasitat sayt'ayañatak qallta qala uchantapkäna uka urutpach ist'irinaka.

1 Corintios 16:13

Suyapxapunim, iyawsañanakamansti ch'aman sayt'apxam, qamas katxatapxam, ch'amañchasipxarakim.

2 Corintios 13:11

Jilatanaka, kusisitäpxapunim. Jakañanakamansti chiqapapunïpxam. Ch'amañchasipxam, sumankañan jakasipxam; ukatsti munasiñani, samarañ churir Diosax jumanakampïskaniwa.

Efesios 1:19

ch'amapax kunja jach'asa, jan tukuskirisa, uka ch'amaw Cristor iyawsirinakarux ch'amañchaskistu. Aka ch'amasti Diosax taqi ch'amapampi uñacht'aykän uka pachpawa,

Efesios 3:16

Nayax Dios Awkiruw mayta, muspharkañ qamir kankañapat Qullan Ajayup tuqi jumanakar ch'am churañapataki,

Deuteronomio 31:23

Tatitux Nun chachan Josué yuqaparux aka iwxanak churäna: “Josué, ch'amañcht'asim, qamas katxatarakim, jumaw israelitanakar puriyäta, jupanakar churañ nayax arskta uka uraqiru, nayarakiw jumampïskä” sasa.

Filipenses 3:1

Munat jilatanaka, Tatitunkxasin kusisipxam. Nayatakix janiw kuna ch'amäkis jumanakar wasitat qillqaniñaxa, jumanakatakisti ukax wali askiwa.

Filipenses 4:13

Criston ch'amapampix taqi kunaruw saykatirista.

Filipenses 4:8

Tukuyañatakisti, jilatanaka, kunatix chiqäki, kunatix maynir aski uñjañäki, kunatix sumäki, kunatix q'umäki, kunatix munkañäki, kunatix aytat luräwinakäki, taqi ukanakatay lup'ipxam. Taqi kunatix sumäki, jach'ar aptañäki ukanakatay lup'ipxam.

Colosenses 1:11

Diosax alaxpach ch'amapampi jumanakar ch'amañchañapatakiw mayipxta, ukampiw jumanakax wali ch'amañchata, llamp'u chuymampi sayt'asipxäta, ukatsti kusisiñampiw

2 Timoteo 2:1

Jumasti wawaxa, Diosax Cristo Jesús tuqi munasiñap uñacht'ayktam ukamp ch'amañchasim.

2 Timoteo 4:17

Ukampis Tatituw yanapt'itu, ch'am churarakitu, qhispiyasiñ arunak parlañaxataki, khitinakatix Tatitur jan uñt'apki uka jaqinakan ist'apxañapataki. Tatitux jiwañat qhispiyitu, leonan lakapatsa qhispiykitaspa ukhama.

Josué 1:9

Nayaw jumarux ch'amani sayt'asiñamatak sisma. Jan axsaramti, janirak mayjt'asimsa, naya, Tatitu Diosamaw kawkharutix sarkäta ukkhan jumampïskä” sasa.

1 Pedro 3:8

Ukhamasti jumanakax jumanakkam munasisa, suman sarnaqas jakapxam. Khuyapayasirïpxam, llamp'u chuymanïpxarakim.

1 Pedro 4:11

Maynitix sum parlirïchixa, Diosan arunakap parlpan. Maynitix khitirus kunjäm yanapt'añsa yatchixa, Diosan ch'amapamp lurpan. Taqi kuntix lurapkäta ukax jupanakan Jesucristo tuqi Diosar yupaychañatakïpan, jupankiw jach'a kankañaxa, munañanïñasa wiñayan wiñayapataki. Ukhamäpan.

1 Pedro 5:10

Ukampis uka mä juk'a urunakan t'aqhisipxatamatsti, Diosax jumanakarux chiqap tukuyapxätam, ch'amani jan unxtkay sayt'ayapxarakïtam. Uka Dios pachpaw jach'a munasiñapan jawsistu, Jesucristomp wiñayatak chikäñasataki.

1 Juan 2:14

Wawanaka, alaxpachankir Awkir uñt'apxatam laykuw jumanakar qillqanipxsma. Awkinaka, taykanaka, qalltatpach utjkän ukar uñt'apxatam laykuw jumanakar qillqanipxsma. Waynanaka, ch'aman sayt'apxatamata, Diosan arunakap chuymanakamar katuqapxatamata, Supayar atipt'apxatam laykuw jumanakar qillqanipxsma.

1 Samuel 23:16

Mä urusti, Saúl reyin Jonatán yuqapax Hores chiqaruw Davidar uñjir saräna, jupar chuymacht'iri, Tatitur taqi chuyma katuyasiñapatak ch'amacht'iriraki.