2 Samuel 10:12 - Qullan Arunaka DC

¹² Ch'am katxatam, markasar arxatañ layku, Diosasan markanakap arxatañ layku jan axsaras nuwasiñäni. ¡Tatituy jupan amtataparjam lurpan!” sasa.

Aymar Bibliia 1986

¹² Ch'am catjjatam, jan ajjsaramti, marcasar arjjatañ laycusti jan ajjsarasaraquiw nuwasiñäni, Diosasan marcanacapätap laycu. Ucjjarusti Tatituraqui cunatejj jupataquejj sumäqui uc lurpan” sasa.

Qullan Arunaca

¹² Ch'am catjjatam, jan ajjsaramti, marcasar arjjatañ laycusti jan ajjsarasaraquiw nuwasiñäni, Diosasan marcanacapätap laycu. Ucjjarusti Tatituraqui cunatejj jupataquejj sumäqui uc lurpan” sasa.

2 Samuel 10:12 Jak'a apnaqawi uñst'ayäwi

2 Samuel 10:11

juparusti sänwa: “Sirio jaqinakatix nayar atipjirjamäni ukapachax mäkiw yanapt'ir jutäta; amonita jaqinakatix jumar atipjirjamäni ukapachasti, nayaw jumar yanapt'ir jutarakï.

2 Samuel 15:26

Ukampis Tatitutix sitani: “Janiw nayatakjamäktati” sasaxa, ukapachasti jupan khuyapayasiñap suyä, kuntix nayampi lurañ munkani uk luraskakpan —sasa.

1 Crónicas 19:13

Markas laykux ch'amañchasim, Diosasan markanakap laykux ch'amamp nuwasiñäni. ¡Tatitusax kunjämtix munki ukham lurpan!” sasa.

2 Crónicas 32:7

“¡Ch'amañchasipxam, jan axsarapxamti! Asiriankir reyin nayraqatapan jan axsarapxamti, janirak mayjt'asipxamsa, jupamp chik jutki uka ejercitox jan jumanakar axsaraypati, jiwasanakax jupanakat sipan juk'amp ch'amanïtanwa.

Nehemías 4:14

14 (8) Nayasti jupanakan axsarayasipxatap uñjasin jilïrinakaru, marka apnaqirinakaru, taqi jaqinakamppacharuw sayt'asisin akham sista: “Jan axsarapxamti. Amtasipxam, Tatitux jach'a ch'amaniwa, axsarkañarakiwa; jumanakax nuwasipxam masinakam layku, wawanakam layku, warminakam layku, utanakam laykuraki” sasa.

Nehemías 4:8

8 (2) Ukatsti taqiniw mayak amtapxäna Jerusalenar ñanqha luras t'unjaña.

Ester (hebreo) 4:16

“Saram, Susa markankir taqi judionakar tantachthapim, ukatsti, nayatak ayuno lurapxpan, kimsa urumpi, kimsa arumampix jan kuns manq'apxpati, janirak kuns umapxpati. Nayampi, nayar luqtir uywatanakampisti uka kipkarak lurapxä; uka qhipat reyimp parlirix sarä, ukham lurasax kamachi p'akintañaxächin ukasa. Jiwayapxitan ukasti, jiwayasipkakitpan” sasa.

Job 1:21

Ukat säna: —Nayax taykaxan purakapat q'alalakiw yurta, q'alalakirakiw sarxä. Tatit Diosaw taqi kun churitu, Tatituw apaqasxarakitu. ¡Tatitun sutipax jach'añchatäpan! —sasa.

Números 13:20

uraqix suma achur uraqiti, jan ukax, janich suma achurïki, quqanakaniti, jan ukax, janicha, taqi ukanak uñjanipxam. Jan axsarapxamti; ukatsti uka uraqin achunakap apanipxäta —sasa. Ukapachasti uvanakan nayrïr achunakap apthapiñ urunakänwa.

1 Corintios 16:13

Suyapxapunim, iyawsañanakamansti ch'aman sayt'apxam, qamas katxatapxam, ch'amañchasipxarakim.

Deuteronomio 31:6

Ch'amañcht'asipxam, qamas katxatapxarakim, jupanakamp nuwasipkät ukkhaxa, jan axsarapxamti, janirak khathatipxamsa, Tatit Diosamaw jumanakampïski, janiw jaytapkätamti, janirakiw apanukupkätamsa” sasa.

Deuteronomio 31:7

Ukatsti Moisesax Josué chacharuw jawsäna, ukat taqpach Israel marka nayräxan jupar akham säna: “Josué, ch'amañcht'asim, qamas katxatarakim, jumaw aka jaqinakar irpäta, kawkïr uraqtix jumanakan nayra awkinakamar Tatitux churañ arskäna uka uraqiru, ukatsti jumarakiw uka uraqinak jupanakar lakintäta.

Hebreos 11:33

Iyawsäwi laykuw yaqha markanakarus atipapxäna, chiqaparuw apnaqapxarakïna, kuntix Diosax arskatayna uk katuqapxäna. Leonanakan lakanakapsa jist'antapxarakïnwa,

Hebreos 13:6

Ukhamasti taqi iyawsañampi arsuñasawa: “Tatituw yanapt'irixaxa; janiw axsarkäti. ¿Jaqisti kunarak kamachitanisti?” sasa.

Josué 1:18

Khiti jaqitix arunakamar jan ist'kani ukax jiwaniwa. Nanakax ch'amampi, chiqa chuymampi sayt'asiñamak munapxta —sasa.

Josué 1:9

Nayaw jumarux ch'amani sayt'asiñamatak sisma. Jan axsaramti, janirak mayjt'asimsa, naya, Tatitu Diosamaw kawkharutix sarkäta ukkhan jumampïskä” sasa.

Jueces 10:15

Israelitanakasti Tatiturux sapxänwa: “Nanakax jucha lurapxta, kunjämarutix munkta ukhamaruy nanakampix luram, ukampis jichhax qhispiyapxakitaya” sasa.

1 Samuel 14:12

Ukat ukspachaw Jonatanampiru yanapiripampirux art'anipxäna: —¡Makhatanipxam, may jumanakar yatiyapxäma! —sasa. Ukatsti Jonatanax yanapiriparux sänwa: —Sarañäni, Tatituw jupanakarux israelitanakan amparanakapar katuyani —sasa.

1 Samuel 14:6

Jonatanasti yanapiriparuw säna: —Jina, mäpit jawir khurkatar makhatañäni, kawkhankkitix Tatitur jan uñt'ir soldadonakax ukkharu. Inampis Tatitux mä kunsa jiwasatak luraskaspa, jupatakix janiw ch'amäkiti walja jaqimpi, jan ukax juk'a jaqimpi atipt'ayañaxa —sasa. Yanapiripax sänwa:

1 Samuel 17:32

Davidasti Saúl reyirux sarakïnwa: —Janiw khitis uka filisteo jaqirux axsarañapäkiti, nayaw juma jach'a reyin yanapiripjamax jupampi nuwasir sarä —sasa.

1 Samuel 3:18

Samuelusti, kuntix Tatitux parlawaykatayna ukanak jan kuns imt'asaw yatiyäna, ukat Elí sacerdotex jach'at arsüna: —¡Jupax Tatituwa! ¡Munañapax luratäpan! —sasa.

1 Samuel 4:9

¡Filisteo soldadonaka, jan kun axsarasay wakichasipxam, ukatsti taqi chuymampi nuwasipxam, ukhamat israelitanakan t'aqhisiyata jaqinakapar jan tukuñasataki, kunjämtix jupanakax jiwasan t'aqhisiyatänxa ukhama!” sasa.