2 Samuel 2:7 - Qullan Arunaca

⁷ Jichhasti jumanacajj ch'am catjjatapjjam, janirac thayjtapjjamti jumanacar apnakeri Saúl reyejj jiwatäcchi ucasa, jichhasti Judá tribuw nayarojj reyit utt'ayaraquitu jumanacar apnakañataqui.”

Aymar Bibliia 1986

⁷ Jichhasti jumanacajj ch'am catjjatapjjam, janirac thayjtapjjamti jumanacar apnakeri Saúl reyejj jiwatäcchi ucasa, jichhasti Judá tribuw nayarojj reyit utt'ayaraquitu jumanacar apnakañataqui.”

Qullan Arunaka DC

⁷ Jichhasti jumanakax ch'am katxatapxam, janirak thayjtapxamti, jumanakar apnaqir Saúl reyix jiwatäkchi ukasa, jichhasti Judá ayllunkirinakaw nayar reyit utt'ayitu jumanakar apnaqañataki” sasa.

2 Samuel 2:7 Jak'a apnaqawi uñst'ayäwi

Génesis 15:1

Ucanac khepatsti Tatitu Diosajj Abramarojj mä visionan uñstäna ucatsti saraquïnwa: —Jan ajjsaramti, Abram, nayätwa jumar arjjatirimajja, jumar churañasti wali jach'apunïniwa —sasa.

2 Samuel 10:12

Ch'am catjjatam, jan ajjsaramti, marcasar arjjatañ laycusti jan ajjsarasaraquiw nuwasiñäni, Diosasan marcanacapätap laycu. Ucjjarusti Tatituraqui cunatejj jupataquejj sumäqui uc lurpan” sasa.

2 Samuel 2:6

Tatitusti jumanacarojj qhuyapayasiñampi, cheka chuymampiraqui uñjpan. Nayasti, jumanacarojj aca lurapjjatanacamatjja sumaqui uñjapjjaraquïma.

2 Samuel 2:8

Ucampisa Ner jaken yokapa Abner chachajja, qhititejj Saúl reyin ejercitopan jach'a jilïrïcän ucajja, Is-boset Saúl reyin yokaparuw irpjjaruwayi, ucatsti Mahanaim sat chekaruw irparaquïna.

2 Samuel 5:3

Uqhamaw Israelanquir take jilïri jakenacajj Hebrón chekan David reyimpi parliri sarapjjäna, jupasti mä arust'äwi luraraquïna jupanacampejja, Tatituru testigot uscusa. Uqhamasti jupanacajj uca urojj Davidarojj reyit utt'ayjjapjjäna, take Israel marcjjaru.

2 Reyes 11:12

Ucatsti Joiada sacerdotejj irpsunïnwa reyin wawaparu, ucat p'ekeparojj corona uchäna, uqhamarac churäna reyin leyinacapa, ucatsti p'ekepata aceite warjjatasinjja reyitwa utt'ayäna. Ucjjarusti takeniwa amparanacap t'ajjllirasipjjäna, aqham sasa art'asisaraqui: “¡Reyejj jacpan!” sasa.

Nehemías 2:18

Uqhamasti cunapachatï nayajj yatiyta, cunjamtï Diosajj qhuyapayasiñapampi nayar yanapitu, uqhamarac reyejj cuna arunactejj sisquitäna ucanacatjja, jupanacajj sapjjänwa: —¡Kalltapjjañäni wastata perka sayt'ayaña! —sasa. Uqhamaraqui maynis maynicamawa wali suma ch'amañchasipjjäna.

1 Corintios 16:13

Suyapjjapunim, iyawsañanacamansti ch'aman sayt'apjjam, chachjama sarnakapjjam, ch'amañchasipjjaraquim.

Efesios 6:10

Jichhajj jilatanaca, ch'amañchasipjjam Tatitumpi, uqhamarac jach'a ch'amapampisa.

1 Samuel 31:12

jan cunsa ajjsariri take jakenacaw tantacht'asipjjäna, pakar aruma jutasinsti Bet-sán perkatjja Saúl reyin amayapa, uqhamarac yokanacapan amayanacapsa apakawayjjapjjataynawa, ucatsti Jabes marcaruw apasjjapjjäna, ucanwa naqhantayjjapjjaraquïna.

1 Samuel 31:7

Israelitanacasti, cawquïrinacatejj vallet qhurcatana, uqhamarac Jordán jawirat inti jalsu token jacapcäna ucanacasti, israelita tama soldadonacan jaltjjapjjatap uñjasinsti, uqhamarac Saúl reyiru, wawanacapampiru jiwaratapa uñjasinsti, jupanacajj marcanacap apanucuwayasinjja jaltjjapjjaraquïnwa. Ucatsti filisteonacajj uca marcanacar purinisinjja pachpa marcanacanwa jacapjjäna.

1 Samuel 4:9

¡Jichhasti jan cunsa ajjsarasay filisteo soldadonaca waquichasipjjam, ucatsti take chuymampiraqui nuwasipjjam, uqhamat jan hebreo jakenacan esclavonacapa tucuñasataqui, cunjämatejj jupanacajj jiwasan esclavosänjja uqhama!” sasaw sapjjäna.