1 Samuel 31:7 - Qullan Arunaka DC

⁷ Israelitanakasti, khitinakatix qhirwat khurkatan jakapkäna, ukhamarak Jordán jawirat inti jalsu tuqin jakapkäna ukanakax israelita soldado tamanakan jaltxapxatapata, Saúl reyis yuqanakapamppach jiwarat uñjasinsti, jupanakax markanakap jaytasaw jaltxapxarakïna. Ukat filisteonakax uka markanakar purisax utjantasipxäna.

Aymar Bibliia 1986

⁷ Israelitanacasti, cawquïrinacatejj vallet qhurcatana, uqhamarac Jordán jawirat inti jalsu token jacapcäna ucanacasti, israelita tama soldadonacan jaltjjapjjatap uñjasinsti, uqhamarac Saúl reyiru, wawanacapampiru jiwaratapa uñjasinsti, jupanacajj marcanacap apanucuwayasinjja jaltjjapjjaraquïnwa. Ucatsti filisteonacajj uca marcanacar purinisinjja pachpa marcanacanwa jacapjjäna.

Qullan Arunaca

⁷ Israelitanacasti, cawquïrinacatejj vallet qhurcatana, uqhamarac Jordán jawirat inti jalsu token jacapcäna ucanacasti, israelita tama soldadonacan jaltjjapjjatap uñjasinsti, uqhamarac Saúl reyiru, wawanacapampiru jiwaratapa uñjasinsti, jupanacajj marcanacap apanucuwayasinjja jaltjjapjjaraquïnwa. Ucatsti filisteonacajj uca marcanacar purinisinjja pachpa marcanacanwa jacapjjäna.

1 Samuel 31:7 Jak'a apnaqawi uñst'ayäwi

Levítico 26:32

“Jumanakan markanakamsti q'al t'unjä, uñisirinakamatix ukar jakir jutapxani ukkhasti, ukham t'unjat uñjasax wal musphasipxani.

Levítico 26:36

“Khitinakatix jumanakat uka uñisirin uraqipan jakasipkakini ukanakarusti, walpun axsarayä, mä quqa laphin jalaqtatapatsa khathatipxätawa; mä jaqis jumanakarux espada ayt'at arknaqkaspa ukham jaltxapxäta, ukatsti jan khitin arknaqkataw liwirtapxäta;

Deuteronomio 28:33

Jan uñt'at jaqinakaw yapunakamat manq'asini, jumasti t'aqhisiyata jan wali uñjatapuniw sapürus sarnaqäta.

Jueces 6:2

Madianita jaqinakax wali ch'amampiw israelitanakar t'aqhisiyäna, israelitanakasti axsarañat qullunakaru, putunakaruw imantasiñanak lurasipxäna, jan uñjkay chiqanakaru, ukhamat jan jikxatayasiñataki.

1 Samuel 13:6

Israelitanakasti jan walt'añan jikxatasipxäna, filisteonakan jupanakar nuwantatap laykusti putunakaru, uraqi p'ujrunakaru, qarqa taypinakaru, q'awanakaru, phujunakaruw imantasipxäna.

1 Samuel 13:7

Jupanakatsti waljaniw Jordán jawira makhatxapxäna, Gad, Galaad tuqinakaru; ukampis Saúl reyix Guilgal chiqaruw qhiparäna, soldadonakapasti wali axsarayasisaw jupar arkapxäna.

1 Samuel 31:6

Ukhamaw uka urux Saúl reyix kimsa yuqanakapampi, yanapiripampi, taqi khitinakatix jupampïpkän ukanakampix jiwarapxäna.

1 Samuel 31:8

Qhipürusti, kunapachatix filisteonakax jiwatanakan yänakap aparir sarapkatayna ukkhaxa, Guilboa qullunsti Saúl reyimpiru, kimsa yuqanakapampir jiwarata jaqusiskir jikxatapxäna.