2 Samuel 5:3 - Qullan Arunaka DC

³ Ukhamaw Israelankir taqpach jilïr jaqinakapax Hebrón markar David reyimp parlir sarapxäna, jupasti Tatitun nayraqatapan mä arust'äwi jupanakamp lurarakïna. Ukatsti jupanakax Israelan reyipat Davidar utt'ayapxäna.

Aymar Bibliia 1986

³ Uqhamaw Israelanquir take jilïri jakenacajj Hebrón chekan David reyimpi parliri sarapjjäna, jupasti mä arust'äwi luraraquïna jupanacampejja, Tatituru testigot uscusa. Uqhamasti jupanacajj uca urojj Davidarojj reyit utt'ayjjapjjäna, take Israel marcjjaru.

Qullan Arunaca

³ Uqhamaw Israelanquir take jilïri jakenacajj Hebrón chekan David reyimpi parliri sarapjjäna, jupasti mä arust'äwi luraraquïna jupanacampejja, Tatituru testigot uscusa. Uqhamasti jupanacajj uca urojj Davidarojj reyit utt'ayjjapjjäna, take Israel marcjjaru.

2 Samuel 5:3 Jak'a apnaqawi uñst'ayäwi

2 Samuel 2:4

Uka qhipatsti Judá uraqinkir jaqinakaw ukar purintanipxarakïna, ukatsti ukan Davidarux Judá markan reyipäñapatak utt'ayapxäna. Juparusti Galaad chiqankir Jabés markankir jaqinakan Saúl reyir imt'xapxatap yatiyapxäna,

2 Samuel 2:7

Jichhasti jumanakax ch'am katxatapxam, janirak thayjtapxamti, jumanakar apnaqir Saúl reyix jiwatäkchi ukasa, jichhasti Judá ayllunkirinakaw nayar reyit utt'ayitu jumanakar apnaqañataki” sasa.

2 Samuel 3:21

Ukan Abnerax Davidar säna: —Jichhax taqpach Israel jaqinakar tantacht'ir sarxañaxawa, ukat juma, reyimpi mä arust'äwi lurapxañapataki, ukhamat juma reyix kunjämarutix munkta ukhamarjam apnaqañamataki —sasa. Davidasti Abnerarux mä sum khithanukxäna, Abnerasti k'uchikirakiw sarxäna.

1 Reyes 1:34

Sadoc sacerdotempi, Natán profetampix, Salomonan p'iqipxar aceite warxatapxpan, jupar Israelan reyipat utt'ayasa. Ukatxa, trompeta phust'apxäta, jach'at art'asipxarakïta: “¡Salomón reyix jach'añchatäpan!” sasa.

2 Reyes 11:17

Ukatsti Joiadá sacerdotex reyimpiru, markampirux, jupanak pura yanapt'asipxañapatakiw mayïna, ukhamaraki Tatitut jan saraqtasa sayt'asipxañapataki.

1 Crónicas 11:1

Taqi israelitanakaw tantacht'asipxäna, ukatsti Hebrón chiqan Davidampi parliriw sarapxäna. Ukawjansti juparux sapxänwa: “Nanakax juman wila masimat saraqirïpxtwa,

1 Crónicas 11:3

Ukhamaw Israel markan jilïr jaqinakax Hebrón chiqar David reyimpi parlir sarapxäna, Tatitun nayraqatapansti, Davidampix mä arust'äwi lurapxäna. Ukatsti Davidarux Israel marka apnaqiripat utt'ayapxäna, kunjämtix Diosax Samuel tuqi arskän ukhamaru.

1 Crónicas 28:4

Ukampis Israelan Tatit Diosapax taqi wila masix taypit ajllisitu, Israel markan wiñayat apnaqañaxataki. Ukhamasti jupax Judá aylluruw apnaqañapatakix ajllisïna; Judá ayllutsti utankir wila masixaruw ajllisi; jilanakax taypitsti nayaruw Israel marka apnaqañaxatakix ajllisitu.

2 Crónicas 23:16

Uka qhipatsti, Joiadá sacerdotex jupanakan Tatitun markapäpxañapatakiw mä arust'äwi luräna, taqpach jaqinakampi, reyipamp kuna.

Nehemías 9:38

38 (1) Taqi ukanakat nanak israelitanakax, aka qillqata tuqiw phuqhañatak arsupxta, uka qillqatasti jilïrinakaxana, levitanakana, sacerdotenakan sutinakapamp qillqantatawa.

Éxodo 3:16

Jichhasti saram, israelitanakan jilïrinakap tantachthapisin jupanakar sarakim: “Abraham, Isaac, Jacob, nayra awkinakaman Tatit Diosapaw nayar uñstasin akham situ: ‘Nayax jumanakar ist'apxsmawa, kunjämtix Egipton jumanakar lurapktam ukanaksa uñjaraktwa.

Josué 10:36

Eglón chiqatsti Hebrón markaruw sarapxäna, uka markarusti nuwantapxarakïnwa.

Jueces 11:11

Ukhamasti Jefté chachax jupanakampiw saräna, ukatsti markax jilïr irpiripat utt'ayäna. Mispá chiqansti, Jefté chachax Tatit nayraqatan kuntix arskatayna uk wasitat arsüna.

1 Samuel 11:15

Ukat taqi jaqinakaw Guilgal chiqar sarapxäna, ukansti Saúl waynaruw Tatit nayraqatan reyit utt'ayapxäna. Ukatsti sumankthapiñ wilañchanak Tatitur luqtapxäna, Saúl waynampi, israelita jaqinakampisti walpun kusisipxäna.

1 Samuel 16:13

Ukspachaw Samuelux aceiten uchat waxra aptasin uka waynarux jilanakapan nayraqatapan aceitempi p'iqipxar warxatasin reyïñapatak yaqhachxäna, uka waynasti David satänwa. Ukat uksarusti Tatitun ajayupaw jupxankäna. Ukatsti Samuelux Ramá chiqaruw sarxäna.

1 Samuel 23:18

Ukhamasti panpachaniw Tatitun nayraqatapan mä amtäwi lurapxäna. Uka qhipatsti Jonatanax utaparuw kuttanxäna. Davidasti Hores chiqan qhiparxarakïna.