Lucas 6:12 - Qullan Arunaca

Uca urunacansti Jesusajj mä kolluruw oración lurir saräna, ucan jupajj arum pakariw Diosat mayisïna.

Aymar Bibliia 1986

Uca urunacansti Jesusajj mä kolluruw oración lurir saräna, ucan jupajj arum pakariw Diosat mayisïna.

Qullan Arunaka DC

Khä urunakan Jesusax mä qulluruw Tatitur mayisir saräna, ukansti arum paqariw Diosat mayisïna.

Lucas 6:12 Jak'a apnaqawi uñst'ayäwi

Salmos 22:2

Diosajjay, uruw arnakasinsma, jumasti janiw ist'quistati; arumaw art'asinsma, jumasti janiw yäkquistati. ¡Janiw nayataquejj samart'añajj utjquiti!

Isaías 26:9

Arumanacas take chuymajjampiraquiw jumatjja llaquista, take chuymajjampiraquiw thaksma; cunapachatejj jumajj take aca orakpachar uñjcäta ucqhajj, jakenacajj yatekapjjaniwa cunatejj chekapäqui ucjja.

Daniel (hebreo) 6:10

Daniel chachasti, uca arsüwi uqham luratätap yatïn ucapachasti, utaparuw saräna, uta ventananacapa jist'arasïna, uca ventananacasti Jerusalén marca toker uñtanitänwa, quillt'asisinwa Diosat mayisïna, uqhamaraqui yupaycharaquïna. Ucsti Daniel chachajj quimsa cutiw ucjja urunjja luräna, cunjämatejj luriricän uqhamarjama.

Mateo 5:1

Jesusajj walja jakenaca uñjasinjja, mä kolluru maqhatasinwa kont'asïna. Ucatsti discipulonacapajj jupan ucaruw jutapjjaraquïna.

Mateo 6:6

Jumajj mayiscätas ucqhajja, utamar mantam; puncum jist'antasisinsti mayisiraquim Awquimata qhititejj jumampïsqui ucaru. Awquimasti uñjasctamwa jamasan mayisisquirjja, ucatsti jupajj mayisitamarojj ist'ätamwa.

Marcos 1:35

Willjtanjjepansti Jesusajj ch'amac ch'amacaw marca thiyaru mistüna mä wasar chekaru, ucansti Diosat mayisïna.

Marcos 3:13

Ucatsti Jesusajj mä kolluruw maqhatäna, ucansti cawquïrinactï jupajj muncäna ucanacaruw ajllisïna. Ajllitanacasti Jesusan jac'aparuw jutapjjäna.

Marcos 6:46

Jakenacar qhitanucjjasinsti, Jesusajj kolluruw saräna Diosat mayisiri.

Lucas 5:16

Ucampis Jesusajj wasar chekanacaruw sarjjäna, uca chekansti oración luräna.

Lucas 6:11

Jakenacasti wal colerasipjjäna, ucat jupanaccamaw jisct'asipjjäna: ¿Camachsnas aca Jesusarojja?, sasa.

Lucas 6:17

Kollut Jesusajj sarakanïna arquirinacapamp chica, mä pamparuw puripjjäna. Ucansti walja jakeraquiw utjäna take Judeapachata, Jerusalenata, Tiro, Sidón ucsa thiyampita. Acanacasti Jesusar ist'iri, uqhamarac usunacapat kollatäñataquiw jutapjjatayna.

Lucas 9:18

Mä urojj sapaquiw Jesusajj Diosat mayisiscäna; ucaruw discipulonacapajj jutapjje, ucat Jesusajj jupanacar jisct'äna: —Jakejj ¿qhitiw sapjjetus nayarojja? —sasa.

Lucas 9:28

Acanac satapat quimsakallko uru sarakatarjamaw Jesusajj mä kollur oración lurir maqhatäna Pedrompi, Santiagompi, Juanamp cuna.

Lucas 9:29

Ucatsti oración lurquipanwa Jesusan ajanupajj mayja tucuwayäna, wali jank'o lliphipquiri tucusa.

Juan 6:3

Ucatsti Jesusajj mä kollu pataruw mistuwayäna, ucansti discipulonacapampiw kont'asiraquïna.

Colosenses 4:2

Oracionjj lurapjjapunim, suyt'apjjaraquim Diosar yuspagarasa.

Hebreos 5:7

Cunapachatï Cristojj oraken jacascän ucqhasti, jach'atwa oracionanacsa wali achict'añampi luräna, Diosaru wali jacht'asisaraqui, qhititejj jiwañat khespiyañataquis ch'amanïcäna ucaru; Diosasti ist'änwa Dios chuymätapata.

1 Samuel 15:11

“Saúl chachar reyit utt'ayatajjatsti walpun amtta, nayatsti jithektituwa, arsutanacajjsti janiraquiw phokquiti” sasa. Samuelosti uca ist'asajj wali mayjt'ataw kheparäna, ucat uca aruma pakariraquiw Tatituru mayïna.