Lucas 6:12 - Qullan Arunaka DC

¹² Khä urunakan Jesusax mä qulluruw Tatitur mayisir saräna, ukansti arum paqariw Diosat mayisïna.

Aymar Bibliia 1986

¹² Uca urunacansti Jesusajj mä kolluruw oración lurir saräna, ucan jupajj arum pakariw Diosat mayisïna.

Qullan Arunaca

¹² Uca urunacansti Jesusajj mä kolluruw oración lurir saräna, ucan jupajj arum pakariw Diosat mayisïna.

Lucas 6:12 Jak'a apnaqawi uñst'ayäwi

Salmos 22:2

2 (3) Diosaxay, uruy arumaw arnaqasinsma, jumasti janiw ist'kistati; ¡janiw nayatakix samart'añax utjkiti!

Isaías 26:9

Arumanakas taqi chuymaxampiw jumat llakista; taqi chuymaxampiw thaqsma; kunapachatix jumax taqi aka uraqpachar uñjkäta ukkhaxa, jaqinakax kunatix chiqapäki uk yatipxani.

Daniel (hebreo) 6:10

10 (11) Danielasti uka arsüwin reyin sutipamp qillqantatäxatap yatisinxa, utaparuw sarxäna, ukatsti uta ventananak jist'arasïna, uka ventananakasti Jerusalén marka tuqir uñtanitänwa, killt'asisin Diosat mayisïna, yupaycharakïna. Uksti Danielax kimsa kutiw urun luräna, kunjämatix lurirïkäna ukhamaru.

Mateo 5:1

Jesusax walja jaqinak uñjasinxa, mä qulluruw makhatäna ukat qunt'asïna. Ukatsti yatiqirinakapax jupan ukaruw jak'achasipxäna,

Mateo 6:6

Jumasti Diosat mayiskäta ukkhax, utamar mantam, punku jist'antam, ukatsti Awkimarux uka jamasan mayisim. Awkimasti jamasan mayisitam uñjasax churätamwa.

Marcos 1:35

Willjtanxipansti, Jesusax ch'amakäkipan markat mä wasar chiqaruw Diosat mayisir mistuwayäna.

Marcos 3:13

Ukatsti Jesusax mä qulluruw makhatäna, ukansti khitinaktix jupax munkäna ukanakaruw ajllisïna. Tantacht'atäxapxän ukkhasti,

Marcos 6:46

Jaqinakar khithanukxasinsti, Jesusax qulluruw Diosat mayisir saräna.

Lucas 5:16

Ukampis Jesusax ch'usawja chiqanakaruw Tatitur mayisir saräna.

Lucas 6:11

Uka jaqinakasti uk uñjasax wal arusipxäna, ukatsti jupanakkamaw jiskt'asipxäna: ¿Kamachañänis aka Jesusaruxa? sasa.

Lucas 6:17

Jesusax yatiqirinakapampiw qullut saraqanïna, mä pamparuw purïna. Ukansti jupan walja arkirinakapaw tantacht'asïna, ukhamarakiw Judeata, Jerusalenata, Tiro, Sidón uksa lamar quta thiyanakat jutapxatayna.

Lucas 9:18

Mä urux, sapakiw Jesusax Diosat mayisiskäna; ukaruw yatiqirinakapax jutapxäna, ukat Jesusax jupanakar jiskt'äna: —Jaqix ¿khitiw sapxitus nayatxa? —sasa.

Lucas 9:28

Ukanak satapatsti niya kimsaqallqu uruw saraqxäna, ukapachaw Jesusax Diosar mayisir mä qullur makhatäna Pedrompi, Santiagompi, Juanampi kuna.

Lucas 9:29

Diosar mayiskipansti, Jesusan ajanupax mayjaw tukuwayäna, isipas wali janq'u lliphipkiriw tukuwayarakïna;

Juan 6:3

Ukatsti Jesusax mä qulluruw makhatäna, ukansti yatiqirinakapampiw qunt'asïna.

Colosenses 4:2

Tatitut mayisipxapunim, yuspagarapxarakim.

Hebreos 5:7

Kunapachatix Cristox aka uraqinkaskän ukkhaxa, jupax jach'at arsusa, jacht'asisaw Diosarux achikt'asïna, khititix jiwañat qhispiyañatakix ch'amanïkän juparu; jaysirïtapatsti Diosax juparux ist'änwa.

1 Samuel 15:11

—Saúl chachar reyit utt'ayataxat walpun amtasta, jupasti nayat jithiqtituwa, janirakiw arsutanakaxsa phuqkiti —sasa. Uk ist'asasti Samuelux wali mayjt'asïna, uka arum paqarirakiw Tatituru achikt'asïna.