Lucas 6:13 - Qullan Arunaca

¹³ Willjtarusti arquirinacaparuw jawsäna, ucatsti tunca payaniruw jupanacat ajllisïna, ucanacarojj “apostolonaca” sasaw sutichäna.

Aymar Bibliia 1986

¹³ Willjtarusti arquirinacaparuw jawsäna, ucatsti tunca payaniruw jupanacat ajllisïna, ucanacarojj “apostolonaca” sasaw sutichäna.

Qullan Arunaka DC

¹³ Urjtanxipansti yatiqirinakaparuw jawsäna, ukatsti tunka payaniruw ajllïna, jupanakarux “apostolunaka” sasaw sutichäna.

Lucas 6:13 Jak'a apnaqawi uñst'ayäwi

Mateo 10:2

Acanacaraquiw uca tunca payanin sutinacapajja: Simón Pedro, Andrés Simonan jilapa; Jacobo, Juan, acanacajj Zebedeon yokanacapänwa;

Mateo 19:28

Jesusasti juparojj sänwa: —Khanacwa sapjjsma, cunapachatejj take cunas wasitat machak lurascan ucqhajja, cunapachatejj Jaken Yokapajj konuñapjjar kont'ascan ucqhajja, jumanacan nayaru arcatam laycojja tunca payan konuñaruraquiw kont'asipjjäta ucat tunca payani Israel tribüquis ucar taripañataqui.

Mateo 9:36

Walja jakenac uñjasinsti, Jesusajj jupanacatjja qhuyapt'ayasïnwa, jupanacasti wali llaquitäpjjänwa, t'akhesitäpjjaraquïnwa jan awatirin ovejanacjama.

Marcos 6:30

Uca khepatsti apostolonacajj Jesusamp jiquisjjasinjja, take cuntejj luranipcäna yatichanipcaraquïna ucanac yatiyapjjäna.

Marcos 6:7

Tunca payan discipulonacapar jawsasinsti panin panin qhitäna. Ucatsti ch'am churaraquïna ajayunac alissupjjañapataqui.

Lucas 11:49

“Ucatwa Diosajj yatiñapanjj sejja: ‘Profetanacampi, apostolonacampwa jupanacarojj qhitäjja, ucatsti jupanacat yakhepanacarojj jiwayapjjaniwa, mayninacarusti t'akhesiyapjjaraquiniwa’ sasa.

Lucas 22:30

qhä reinojjan jumanacajj mank'apjjäta, umapjjaraquïta mesajjana, uqhamarac tronon kont'asipjjäta, Israelan tunca payan triburu taripapjjañamataqui.”

Lucas 6:14

Ucanacasti acanacänwa: Simón, juparusti Jesusajj Pedro sasaw sutichäna; Andrés, Simonan jilapa; Jacobo, Juan, Felipe, Bartolomé,

Juan 4:33

Discipulonacapasti uc ist'asinjja jupanac puraw jisct'asipjjäna: —¿Qhitich mank'a apanirappacha? —sasa.

Hechos 1:13

Marcar purisinjja, maqhatapjjänwa cawqui altos utantejj korpachatäpcän ucaru. Ucanacasti acanacawa: Pedro, Jacobo, Juan, Andrés, Felipe, Tomás, Bartolomé, Mateo, Alfeon Jacobo yokapa, Simón (Cananista sat partidonquiri), uqhamarac Jacobon Judas jilapa, yakhanacampi cuna.

Efesios 2:20

Jumanacajj mä jach'a utjamäpjjtawa, apostolonacjjaru uqhamarac profetanacjjaru perkjjatatäpjjtawa. Pachpa Jesucristoraquiw kallta esquin kalajja.

Efesios 4:11

Ucatsti juparaquiw sapa maynirus amuyt'añ churi, mayninacarojj apostolöña, mayninacarojj Diosat catokat arunac khanañchaña, mayninacarusti khespiyasiñ arunac parlaña, mayninacarusti pastoräña, yatichirïñaraqui.

Hebreos 3:1

Uqhamajj Diosar catuyat jilatanaca, jumanacasti qhitinacarutï Diosajj jupatac jawsapctam ucanacäpjjtawa. Wal amuyapjjam Cristo Jesusatjja, jupasti iyawsañan arcäwisanjja mä apostolowa jilïri sacerdoteraqui.

2 Pedro 3:2

Amtasipjjam cuntejj nayra kollan profetanacajj Tatitun arunacap tokejj parlapcäna ucanacatjja, uca arunacasti jichhürojj apostolonac tokew jumanacarojj yatichatäjje.

Apocalipsis 12:1

Alajjpachansti mä jach'a uñacht'äwiw uñstäna. Mä warmiwa intin llawuntata uñstäna, phajjsisti cayunacapancaraquïnwa, p'ekeparusti mä coronampi asjjatataraquïnwa, uca coronansti tunca payani warawaranacaw utjäna.

Apocalipsis 18:20

Ucampis cusisipjjam, jumanac, alajjpachanaca, apostolonaca, Diosan arup parlirinaca, uqhamarac qhitinacatejj Diosancapcta ucanacasa, Diosasti uca marcar juchañchasajja jumanacjjaruw cheka uñjäwi lurapjjtamjja.”

Apocalipsis 21:14

Uca marcan perkanacapasti tunca payani jach'a kalanacat cimientonïnwa, Corderon tunca payani apostolonacapan sutinacapampi kellkata.