1 Samuel 15:11 - Qullan Arunaca

¹¹ “Saúl chachar reyit utt'ayatajjatsti walpun amtta, nayatsti jithektituwa, arsutanacajjsti janiraquiw phokquiti” sasa. Samuelosti uca ist'asajj wali mayjt'ataw kheparäna, ucat uca aruma pakariraquiw Tatituru mayïna.

Aymar Bibliia 1986

¹¹ “Saúl chachar reyit utt'ayatajjatsti walpun amtta, nayatsti jithektituwa, arsutanacajjsti janiraquiw phokquiti” sasa. Samuelosti uca ist'asajj wali mayjt'ataw kheparäna, ucat uca aruma pakariraquiw Tatituru mayïna.

Qullan Arunaka DC

¹¹ —Saúl chachar reyit utt'ayataxat walpun amtasta, jupasti nayat jithiqtituwa, janirakiw arsutanakaxsa phuqkiti —sasa. Uk ist'asasti Samuelux wali mayjt'asïna, uka arum paqarirakiw Tatituru achikt'asïna.

1 Samuel 15:11 Jak'a apnaqawi uñst'ayäwi

Génesis 6:6

jupajj jaquir uscutapjja wal amtäna, walirac chuymapjja usuyasïna,

Génesis 6:7

saraquïnwa: “Aca oraketjja jake uscutajj-jja k'al chhaktayä, uqhamarac uywañ animalanacarusa, orakenjam katatnaktirinacarusa, jamach'inacarusa. ¡Walpun amtta ucanac uscutajj-jja!” sasa.

2 Samuel 24:16

Cunapachatejj angelajj Jerusalén marcaru niya t'unjañampïscän ucapachasti, Tatitojj chuymapan amtaraquïnwa uca jach'a jan wali luratapa, ucatwa angelarojj saraquïna: “¡Ucqhacamaqui, jan juc'ampi lurcjjamti!” sasa. Ucapachasti Tatitun angelapajj cawqhantejj jebuseo Arauna jakejj trigo jawk'cäna ucqhanwa jicjjatasiraquïna.

1 Reyes 11:9

Ucatsti Israelan Tatit Diosapajj colerasïnwa Salomonataqui, jupa Diosar munañ chuymapajj jan utj-jjatapata, cunjämatejj Diosajj pay cuti uñstasina,

1 Crónicas 10:13

Uqhamawa Saúl reyejj ñankha luratap laycujja jiwäna, jupasti juchwa luräna jan Tatitun arunacap ist'asina, uqhamarac mä yatiri warmiru jisct'asiri saratap laycuraqui.

1 Crónicas 21:15

Diosajj mä angelaruw qhitanïna Jerusalén marca tucjañapataqui. Ucampis cunapachatï tucjañampïscäna ucqhawa Tatitojj uñjasinjja, chuymapan amtaraquïna uca jan wali lurata, ucatsti tucjiri angelarojj sänwa: “¡Ucqhacamaqui, jan juc'ampi lurcjjamti!” sasa. Uca horasansti Tatitun angelapajj jicjjatasïnwa jebuseo Ornán chachajj trigo jawk'ascäna ucqhana.

Job 34:27

jupanacajj janiw jaysañjja munapcänti, janiraquiw arunacaparjam sarnakañsa munapcänti.

Salmos 109:4

Munasiñanïtajj laycojj c'arintapjjetuwa, ucchañcamasti Diosat mayista.

Salmos 110:4

Tatitojj mayac arsu, arsutapatsti janiw yakha amtquiti: “Jumaw wiñay sacerdotëtajja, Melquisedec sacerdoten thaquiparjama” sasa.

Salmos 119:136

Umjamaw jachajj nayranacajjat warasi, yatichäwiman jan yäkatätap laycu.

Salmos 125:5

jan wali thaquinjam saririnacarusti, ñankha luririnacamp chic aynacht'ayam. ¡Israel marcansti samarañajj utjpan!

Salmos 36:3

K'añu arunac parliriwa, c'ariraquiwa, suma amuy chhakayasjje, asqui lurañ apanucjje;

Salmos 78:41

Wasitatsa, yant'asipcaquïnwa; Israelan Kollanaparuw llaquisiyapjjäna.

Salmos 78:57

awquinacapjamaw Diosarojj apanucupjjäna, mays uñtapjjaraquïna; p'aquisir arcor uñtataw c'umthapipjjäna;

Éxodo 32:11

Ucat Moisesajj Tatitu Diosaparuw mayïna aqham sasa: —Tatitu, ¿cunatsa colerasïta jakenacamataquejja? Juma pachpajjay Egipto marcatjja irpsunstajja jach'a ch'amamampi, uqhamarac jach'a cancañamampejja.

Éxodo 32:14

Ucampis Tatitojj jakenacar cun lurañataquitejj amtas arscäna ucjja janiw lurcjjänti armasjjänwa.

Jeremías 11:10

Cuna juchanactejj nayra awquinacapajj lurcäna uca pachpa jucha lurañanacaruw cuttapjjaraqui, uca awquinacapasti janiw nayarojj ist'añ munapquitänti, ucatsti yakha diosanacaruw arcjjapjjäna uqhamaraqui yupaychapjjaraquïna. Israelasa uqhamaraqui Judá marcasa cuntejj nayajj nayra awquinacapampi mä arust'äwi lurcäyätjja ucanacjja t'unjapjjewa.

Jeremías 13:17

Jumanacatejj jan ist'asipcätajja, jumanacan jach'a jach'a tucupjjatamatjja jamasan jacharaquï; nayranacajjatsti jachanacaw sararaquini, Tatitun tamaparu preso apasjjapjjatap laycu.

Jeremías 34:16

Ucampisa ucanac pasatatjja uca arust'äwirojj janiw phokcjjapjjeti jan ucasti nayan sutejj-jja taquisjjapjjänwa, cawquïri esclavonacatejj utjcäna ucanacarusti wasitatwa sirviyasipjjaraqui esclavo tucuyasa.

Jeremías 9:1

¡Nayranacajjan jachapajj mä uma jalsjamäspa, walja jaliri umanacjama, uqhamat uruy aruma jachañajjataqui, marcajjan jiwarat jakenacatjja!

Jeremías 9:18

¡Jïsa, janc'aqui jutapjjpan, ucatsti jiwasat wararipjjpan; nayranacasasti jachampi phokhantatäpan, nayra mankhanacasansti jachajj jilarquiriraquïpan!

Ezequiel 18:24

“Ucampisa, asqui jaketejj asqui luräwinacapa apanucuni, ucatsti cuntejj ñankha jakejj ajjtañanac lurqui ucanaca luraraquini, ucatsti ¿jumanacajj amuyapjjtati ucan jacascañapjja? Nayasti janiw amtascjjäti cuna asquinactejj jupajj lurcän ucanacatjja, jan take chuymampi arcatap laycu jucha luratanacap laycuw jiwani.

Amós 7:3

Ucatsti Tatitojj amtäwipjja jaytjjewa, ucatjja saraquiwa: “¡Ucajj janiw uqhamäcjjaniti!” sasa.

Jonás 3:10

Diosasti uñjänwa Nínive marcanquir jakenacarojj uqham lurasquiri, jan wali sarnakäwinacapsa apanucusquiri, uqham uñjasinwa Diosajj jupanacat qhuyapt'ayasjjäna, janiraquiw cuna castigotejj jutañapäcana ucsa apayancjjänti.

Jonás 4:2

Ucatsti, oracionapanjja Tatitumpiw parläna aqham sasa: — Uñtam, Tata, nayajj cunapachatï orakejjancascäyäta ucqhajj aqham pasañapjja yatipuniyätwa. Ucatwa Tarsis marcaru jaltjjayätjja, ucampis nayajj yattwa jumajj qhuyapayasiri Diosätama, janirac janc'a colerasirïtamsa, wali munasiñanïtam laycojja; mä mutuyäwi apayaniñataquisa yatiycta ucasa amthapisjjtawa uca mutuyäwejj jan lurasjjañapataqui.

Sofonías 1:6

Ucatsti tucjaraquïwa take qhitinacatï nayar arccasina sarakapqui ucarojja, uqhamaraqui jan nayarusa thakapquitu ucarusa, ni nayaru jisct'asiris jutapqui ucanacarusa.”

Mateo 24:13

Ucampis qhititejj tucuycama sayt'cani ucawa khespiyatäni.

Mateo 5:44

Ucampis nayajj sapjjsmawa: Uñisirinacamarojj munapjjam, [maldicirinacamarojj bendicipjjam, uñisirinacamarusti asqui lurapjjam,] Diosat mayirapipjjaraquim qhitinacatejj [jumanacar tokepctam,] uqhamarac jan walinacs lurapctam ucanacataquisa.

Lucas 6:12

Uca urunacansti Jesusajj mä kolluruw oración lurir saräna, ucan jupajj arum pakariw Diosat mayisïna.

Hebreos 10:38

Nayan catokat asqui jakejj iyawsäwip laycuw jacani; khepar cuttan ucasti, janiw jupat cusiscäti”, sasa.

Josué 22:16

—Nanacasti Diosan marcapan sutipjjaruw parlapjjsma. ¿Cunatsa jumanacajj Israel marcan Diosaparu ñankhachapjjta ucanac lurasajja? ¿Cunatsa Diosar apanucusina mä altar lurasisina Dios contra sayt'apjjta?

1 Samuel 12:23

Nayasti Tatitu contrajj janic juchañchasïti, jumanacataqui mayiñ apanucusajja. Ucampisa nayajj yatichapjjämawa, sumana uqhamarac chekapana sarnakapjjañamataqui.

1 Samuel 13:13

Samuelosti saraquïnwa: —¡Luratamajj mä lokhe jaken luratapjamawa! Tatitojj cuntejj sisctam uca arunactejj ist'asamän ucapachajj juman apnakañamajj wiñayataquïsapänwa uca Israel marcanjja.

1 Samuel 15:10

Ucat Tatitojj Samuelompi parlasinsti saraquïnwa:

1 Samuel 15:3

Uca laycu, jichhajj saram ucatsti t'akhesiyaraquim; jupanacarusa uqhamarac yänacapsa takpach t'unjaniraquim, janiraqui jupanacatjja qhuyapt'ayasimti. Chachanacsa, warminacsa, wawanacsa, asu wawanacsa, uqhamarac vacanacsa, ovejanacsa, camellonacsa, asnonacsa takpach jiwarayanim’ —sasa.

1 Samuel 15:35

Samuelosti janipuniw mayampsa Saúl reyirojj uñjcjjänti, chuymapanjja wali llact'atäcchïnsa cunatï Tatitojj wali amtasitapa Saúl reyiru Israel marcan reyipat utt'ayatapata.

1 Samuel 15:9

Ucampisa Saúl reyimpi ejercitopampisti Agag reyirojj janiw jiwayapcänti, uqhamarac cawquïrinacatejj suma ovejanacäqui ucanacsa, suma vacanacsa, suma liq'i vaca kallunacsa, suma orko ovejanacsa janiw jiwarayapcänti, wali jila alani yänacsa janiraquiw t'unjapcänti, juc'a alani yänac t'unjapcchïn ucasa.

1 Samuel 16:1

Tatitusti Samuelorojj saraquïnwa: —¿Cunapachcamas uqham llaquitaqui sarnakäta uca Saúl reyi laycojja? Janiw nayajj muncjjti jupan Israel marcjjaru reyiquïscañapjja. Jichhajj sartasim, ucat uca wajjraru aceitempi phokhantam, ucatsti Isaí chachan utapar sarañamwa munta, Belén chekaru, nayasti mayni wawaparuw ajllista reyïñapataqui —sasa.

1 Samuel 8:6

Samuelosti uqham mä rey marcar apnakañapataqui mayipjjatapatjja wali mayjt'ataw Tatitut oracionan mayïna.