1 Samuel 15:11 - Qullan Arunaka DC

¹¹ —Saúl chachar reyit utt'ayataxat walpun amtasta, jupasti nayat jithiqtituwa, janirakiw arsutanakaxsa phuqkiti —sasa. Uk ist'asasti Samuelux wali mayjt'asïna, uka arum paqarirakiw Tatituru achikt'asïna.

Aymar Bibliia 1986

¹¹ “Saúl chachar reyit utt'ayatajjatsti walpun amtta, nayatsti jithektituwa, arsutanacajjsti janiraquiw phokquiti” sasa. Samuelosti uca ist'asajj wali mayjt'ataw kheparäna, ucat uca aruma pakariraquiw Tatituru mayïna.

Qullan Arunaca

¹¹ “Saúl chachar reyit utt'ayatajjatsti walpun amtta, nayatsti jithektituwa, arsutanacajjsti janiraquiw phokquiti” sasa. Samuelosti uca ist'asajj wali mayjt'ataw kheparäna, ucat uca aruma pakariraquiw Tatituru mayïna.

1 Samuel 15:11 Jak'a apnaqawi uñst'ayäwi

Génesis 6:6

jupasti jaqir luratapxa wal amtäna. Chuymapsa walirak usuyasïna,

Génesis 6:7

ukat säna: “Nayan lurat jaqirux aka uraqit q'al chhaqtayä, ukhamarak uywañ uywanakaru, uraqin qatatnaqtir animalanakaru, jamach'inakarusa. ¡Walpun ukanak lurataxat amtta!” sasa.

2 Samuel 24:16

Kunapachatix Tatitun angelapax Jerusalén markar niya t'unjañampïskän ukapachasti, Tatitux chuymapan amthapisïna uka jach'a jan wali apayanitapata, ukat uka angelarux säna: “¡Ukkhakamaki, jan juk'ampi lurkxamti!” sasa. Ukapachasti Tatitun angelapax kawkhantix Arauna sat jebuseo jaqix trigo jawq'askän uka jak'ankaskänwa.

1 Reyes 11:9

Israelan Tatit Diosapasti Salomonatakix q'apisïnwa, jupa Diosar munañ chuymapax jan utjxatapata, pä kuti jupar uñstkatayna ukasa,

1 Crónicas 10:13

Ukhamaw Saúl reyix jan wali luratap laykux jiwäna, Tatitur jiskt'askamayax mä yatir layqa warmiruw

1 Crónicas 21:15

Tatitusti mä angelap Jerusalenar tukjañatak khithanïna. Ukampis kunapachatix angelax tukjaskän ukkhaxa, Tatitux uk uñjasax uka luratapat amtasïna, ukatsti tukjkän uka angelaruw säna: “¡Ukkhakamaki, jan juk'amp lurkxamti!” sasa. Ukapachasti, Tatitun angelapax jebuseo Ornán chachax trigo jawq'askän uka chiqan jikxatasïna.

Job 34:27

jupar jaysañ jan munapxatap layku, arunakaparjam sarnaqañsa jan munapxatap layku.

Salmos 109:4

Munasiñanïtax laykuw k'arintapxitu; ukchañkamasti Diosat mayista.

Salmos 110:4

Tatitux mayak arsu, arsutapatsti janiw yaqha amtkiti: “Jumaw wiñay sacerdotëtaxa, Melquisedec sacerdotjama” sasa.

Salmos 119:136

Umjamaw jachax nayranakaxat warasi, yatichäwiman jan yäqatätap layku.

Salmos 125:5

jan wali thakhinjam saririnakarusti, ñanqha luririnakampi chik aynacht'ayam. ¡Israel markansti samarañax utjpan!

Salmos 36:3

3 (4) Q'añu arunak parlir k'ari jaqiwa, aski lurañanakxa, janipuniw amuykiti.

Salmos 78:41

Wasitatsa, yant'asipkakïnwa; ¡Israelan Qullanaparuw llakisiyapxäna!

Salmos 78:57

awkinakapjamaw Diosarux apanukupxäna, maysa uñtapxarakïna; ¡p'akisir mich'i antutt'añar uñtataw k'umthapipxäna!

Éxodo 32:11

Moisesasti aka arunakampiw Tatit Diosapar sumachañ munäna: —Tatay, ¡janikiy aka markatak q'apisimti! Juma pachpaxay Egipto markat jupanakar jach'a ch'amamampi, jach'a kankañamamp irpsunstaxa.

Éxodo 32:14

Tatitusti markapar t'unjañ amtkatayna ukxa armasxänwa.

Jeremías 11:10

Kuna juchanaktix nayra awkinakapax lurkäna uka pachpa jucha lurañanakaruw kuttapxi, uka awkinakapasti janiw nayarux ist'añ munapkitänti, ukatsti yaqha diosanakaruw arkxapxäna yupaychapxarakïna. Israel markasa, Judá markasa kuna arust'äwtix nayax nayra awkinakapampi lurkäyät ukanak t'unjapxi.

Jeremías 13:17

Jumanakatix jan ist'asipkätaxa, jach'a jach'a tukupxatamat jamasan jachä; nayranakaxatsti jachanakaw warasinini, Tatitun tamapar katuntat apasxatap layku.

Jeremías 34:16

Ukampis jichhax qhiparuw kuttasipxtaxa, janiw uka arust'äwirux phuqhapktati, jan ukasti nayan sutixsa takisipxtawa, kawkïr t'aqhisiyatanakarutix jumanakax antutnukupkta ukanakarux wasitat t'aqhisitar tukuyas taqi kun lurayasipxtaxa.

Jeremías 9:1

1 (23) ¡Nayranakaxan jachapax mä uma jalsjamakïspa, walja jalir umanakjama, ukhamata markaxan jiwarat jaqinakata uruy aruma jachañaxataki!

Jeremías 9:18

18 (17) ¡Jïsa, jank'ak jutapxpan, ukatsti jiwasat jachapxpan; nayranakasasti jachampi phuqhantatäpan, ajanunakasansti jachax warasirakpan!

Ezequiel 18:24

“Ukampis, aski jaqitix aski luräwinakap apanukuni, ukatsti kuntix ñanqha jaqix axtañanak lurki ukanak lurarakini ukasti, ¿uka jaqin jakaskañap jumanakax amuyapxtati? Nayasti janiw amtaskxäti kuna askinaktix jupax lurkän ukanakatxa, taqi chuymampi jan arkatap layku, jucha luratap laykuw jiwani.

Amós 7:3

Ukatsti Tatitux uka amtäwip phuqhañ suyt'xiwa, ukat saraki: —¡Janiw kuna mutuyañsa apayankxäti! —sasa.

Jonás 3:10

Ukatsti Tatitux Nínive markankir jaqinakarux jan wali sarnaqäwinakap apanukur uñjäna, ukat jupanakat khuyapt'ayasïna, janirakiw kuna mutuñatix jutañapäkän uksa apayankxänti.

Jonás 4:2

Ukat Tatiturux mayisïna, akham sasa: —Tatay, markaxankaskäyät ukkhax akhamäñapxa yatipuniyätwa. Ukat Tarsis markar jaltañar uchasta, nayax juman khuyapayasiri, llamp'u chuyman Diosätam yattwa, janiw ukspach phiñasktati; jach'a munasiñanïtam laykux mutuyañatak amtkta uksa, amthapisisax janiw ukham lurkxtati.

Sofonías 1:6

Ukatsti khitinakatix nayar arkkasin qhipar kuttapki ukanakarus tukjarakïwa, khitinakatix nayar jan thaqhapkitu, janirak nayar jiskt'asiris jutapki ukanakarus tukjäwa.”

Mateo 24:13

Ukampis khititix tukuykam sayt'kani ukakiw qhispiyatäni.

Mateo 5:44

Ukampis nayax sapxsmawa: Uñisirinakamar munasipxam, ñanqhachirinakamatakisti Tatitut mayirapipxam.

Lucas 6:12

Khä urunakan Jesusax mä qulluruw Tatitur mayisir saräna, ukansti arum paqariw Diosat mayisïna.

Hebreos 10:38

Nayan aski iyawsirixax iyawsäwi laykuw jakani; qhipar kuttan ukkhasti, janiw jupat kusiskäti” sasa.

Josué 22:16

—Nanakax Tatitun markapan sutipxaruw arsupxta. ¿Kunatarak jumanakasti Israelan Diosapar ch'uxña lurapxtasti? ¿Kunatarak Tatitur apanukupxta, yaqha altar lurasa jupataki sayt'asipxtasti?

1 Samuel 12:23

Nayasti jumanakatak Tatitur mayiñxa janipuniw armaskäti, jan maykirista ukax juchaspäwa. Ukampis jumanakarux suman jakaña, chiqapan sarnaqañ yatichapxäma.

1 Samuel 13:13

Samuelusti juparux sarakïnwa: —¡Luqhir uñtataw lurtaxa! Tatitux kuntix sisktam uka arunakarutix jaysasamänxa, juman Israel markar apnaqañamax wiñayatakïsapänwa.

1 Samuel 15:10

Ukatsti Tatitux Samueluruw parlxayäna, sarakïnwa:

1 Samuel 15:3

Ukhamasti jichhax saram, ukatsti nuwantanim, yänakapamppach tukjanim, janirak jupanakat khuyapt'ayasimti. Chachanaksa, warminaksa, wawanaksa, asu wawanaksa, ukhamarak vacanaksa, ovejanaksa, camellonaksa, asnonaksa taqpach jiwarayanim” —sasa.

1 Samuel 15:35

Samuelusti janipuniw mayampsa Saúl reyirux uñjkxänti, chuymapansti jupat wal llakt'asiskäna, ukhamarakiw Tatitux Saúl reyiru Israel markan reyipat utt'ayasax llakisïna.

1 Samuel 15:9

Ukampisa, Saúl reyimpi ejercitopampix janiw Agag reyirux jiwayapkänti, janirakiw suma ovejanaksa, urqu vacanaksa, lik'i vaca qallunaksa, urqu ovejanakapsa jiwarayapkänti, wali jila alani yänaksa t'unjapkänti, jan ukasti, juk'a alani yänakak t'unjapxäna.

1 Samuel 16:1

Tatitusti Samuelurux sänwa: —¿Kunapachkamarak Saúl reyit llakisïtasti? Janiw nayax jupan Israel markan reyikïskañap munkxti. Jichhax uka waxraru aceitempi phuqhantam, ukatsti Belenankir Jesé chachan utapar sarañam munta, nayasti maynïr wawaparuw reyïñapatak ajllista —sasa.

1 Samuel 8:6

Samuelutakisti ukham mä reyi markar apnaqañapatak mayipxatapax janiw walïkänti, ukat Tatitut mayisïna,