Levítico 6:2 - Qullan Arunaca “Cunapachatejj maynejj jucha lurani jan ucajj juchanis uñjasini Tatitun nayrakatapana, mayni jake masiparu engañatap laycu, jan ucajj cuna kollketejj juparu catt'ayatäcän ucanac engañatapata, jan ucajj jake masipata ch'amampiqui apakatap laycu, Aymar Bibliia 1986 “Cunapachatejj maynejj jucha lurani jan ucajj juchanis uñjasini Tatitun nayrakatapana, mayni jake masiparu engañatap laycu, jan ucajj cuna kollketejj juparu catt'ayatäcän ucanac engañatapata, jan ucajj jake masipata ch'amampiqui apakatap laycu, Qullan Arunaka DC 2 (21) “Kunapachatix maynix juch lurani, jan ukax juchanis Tatitun nayraqatapan uñjasini, jaqi masipar sallqjatap layku, jan ukax, kuna qullqitix jupar katt'ayatäkän ukanak sallqjatapata, jan ukax, jaqi masipat ch'amampik aparxatap layku, |
ucsa tokenacan jaquir jakenacasti warmipatwa jisct'apjjaraquïna, jupasti: “Cullacajjaw” sasaw saraquïna. Ajjsararaquïnwa Rebecan warmipätapa arsuñjja, suma uñnakt'anïtap laycu, Isaacasti amuyaraquïnwa ucsa tokenquir jakenacajj inampisa Rebeca laycu jiwayjjapjjaspa uca.
Juma contra, juma contraquiw juchachasta, juchañchctas uca juch lurta. Juchañchatamajj chekapawa; taripäwimasti jan camscayaraquiwa.
Masim contrajj jan amanutjja testigota sayt'amti, janiraqui c'ari arunacjja khanañchamti.
uqhamawa amigopar sallkjir jakejja, ucatsti saraquiwa: “Alekaw sawct'asiscsma” sasa.
Diosajj cuntejj uñacht'ayquitu ucasti ajjsarcañawa; lunthatirejj lunthatiwa, t'unjiristi t'unjaraquiwa. ¡Elam, sartasim! ¡Medo jakenaca, nuwantapjjam! ¡Janiw juc'ampi cunsa ist'añ muncti!
Orake tucusitpacharacwa cantatanacapajj ist'asi: “Asqui jakejj jach'ar aptatäpan” sasa. Ucampis nayajj saractwa: “¡Ay cunas acajja, ay cunas acajja! ¡Ch'ojjña lurir jakenacasti jach'a ch'ojjñpin lurapjje!”
¡Ay, cunaquïcan jumataquejj marcanac t'unjiri, ucampis janiw t'unjatäctati, ch'ojjña luriri, ucampis janiw ch'ojjña luratäctati! Jumajj t'unjañ tucuycäta, ucspacharaquiw jumarojj t'unjapjjätam, ch'ojjña lurañ tucuyascäta, ucspacharaquiw jumarojj ch'ojjña lurapjjätam.
Sapa mayniw maynitsa larusiraqui, janiw qhitis chekapa parlirejj utjquiti. Takenis c'arisiñaru yatintatcamaquiwa; ñankhacamaquïpjjewa,
uqhamaraqui cawquïri utatejj amsta toke uñtatäqui ucasti cawquïri sacerdotenacatejj altaran sirvipqui ucanacataquiraquiwa. Jupanacasti Sadoc sat chachan wawanacapäpjjewa, levitanacatsti jupanac sapaquiraquiw, Tatitun altarapan sirviñataqui jac'achasipjjaspajja” sasa.
“Naqhantayañatac loktat uywatejj orko vacänejja ucasti suma c'umaräñapawa. Catokatäñataquejja, loktatäñapawa Tatitun nayrakatapana, Tatitump Jiquisiñ Carpar mantañäquis ucawjana.
“Jan lunthatasipjjamti, janiraqui c'arisipjjamti, janiraqui jumanaccamasa maynit maynicama engañasipjjamti.
“Mayni jaketejj jan muncasina jucha luranejja, ucatsti, Tatitur loktat yänacata engañatapajj uñstani ucapachasti, tamanacapatjja mä orko oveja wayokaniraquini ucasti c'umara jan cuna camacht'atäñaparaquiwa, ucat jucha luratapat sacrificio loktaraquini, Tatitun ucar apasa. Uca orko ovejan alapasti kawkhäquitejj santuarion kollkepajj ucarjamaw chaniñchasiñaparaqui, cunjämatejj jucha luräwit ofrenda loktañajj waquisqui uqhamarjama.
Uca loktäwisti yatcasina pantjasïwi jucha luratanacat loktatawa, uca jakejj Tatitu nayrakatan juchanïtap laycu.”
Jumanacajj sapjjtawa: “¿Cunapachas wawa phajjsi fiestasti pasani trigo aljasiñasataquejja? ¿Cunapachas pasjjani samarañ urusti, tupunac jisc'aptayasa, balansa pesanac jisc'aptayasina, jila alaru aljañataquejja?
Jumajj sinti k'omätaw take jan walinaca catokañataquejja, janiw take chuymampi ñankharus uñch'uccaractati. ¿Cunjämraqui jumasti jiwayirinacarus amuqui uñch'uctasti? ¿Cunataraqui amuquïtasti jan wali jakenacajj jupanacat juc'ampi asquïpqui ucanacar tucjasqui ucqhajja?
Jumanacan awquimajj Supayawa, jumanacajj Supayancapjjtawa. Cuntejj jupajj munqui ucwa lurapjjaractajja. Supayajj kalltatpacha jake jiwayiriwa. Janiw cunapachas jupajj chek parlquiti, jupajj c'arïtap laycu. Cunapachatejj c'arinac parlqui ucqhajja jupatacwa parlasqui, c'arïtap laycu, uqhamarac c'arin awquipätap laycuraqui.
¿Janit jumanccänjja uca orakejja? Jumatejj aljstajja, ¿janit uca kollkejj jumanccaraquïnjja? ¿Cunats aqham lurañ amttajja? Chekpachansa Diosaruw c'arinttajja, janiw jakenacaruti —sasa.
Uqhamasti jichhajj c'arinacjja jan parlcjjapjjamti; sapa maynis jake masinacamarojj cunatejj chekäqui ucac parlapjjam, takenis mä sapa cuerpon luriripaquïtanwa.
Jan jumanacajj c'arintasipjjamti, nayra jacäwinacamsa, luräwinacamsa apanucjjapjjsta ucajja.
Ucampis ankaruw kheparapjjani jan wali sarnakerinacasa laykasirinacasa, wachoka juchan sarnakerinacasa, jake jiwayirinacasa, yakha diosanacar yupaychirinacasa, uqhamarac take sallkjirinacasa.