Levítico 5:19 - Qullan Arunaca

¹⁹ Uca loktäwisti yatcasina pantjasïwi jucha luratanacat loktatawa, uca jakejj Tatitu nayrakatan juchanïtap laycu.”

Aymar Bibliia 1986

¹⁹ Uca loktäwisti yatcasina pantjasïwi jucha luratanacat loktatawa, uca jakejj Tatitu nayrakatan juchanïtap laycu.”

Qullan Arunaka DC

¹⁹ Uka wilañchasti jucha luratanakat luqtatawa, uka jaqin Tatit nayraqatan juchanïtap layku.”

Levítico 5:19 Jak'a apnaqawi uñst'ayäwi

Esdras 10:2

Ucatsti Jehiel sat chachan Secanías yokapasti, arsünwa, jupasti Elam uca familiatänwa, aqham sasa: “Nanacasti janiw sum phokhapcti Diosasampejja, jaya marcanacanquir yakha diosanacar sirviri warminacampiwa casarasipjjta uca laycu; ucampis Israel marcataquejj suyt'añajj utjasquiwa.

Salmos 51:4

Juma contra, juma contraquiw juchachasta, juchañchctas uca juch lurta. Juchañchatamajj chekapawa; taripäwimasti jan camscayaraquiwa.

Ezequiel 40:39

Mantaña tokenquir utansti pusi mesanacaw utjaraquïna, paya purapäjjaru uca mesanacjjanwa cawquïri uywanacatejj sacrificiot naqhantayatäcani uca uywanacjja qharinucupjjerïna, jan ucajj juchata, pantjasitatsa sacrificionac loktapjjerïcän uca uywanacjja.

Levítico 5:17

“Maynitejj Diosan arunacapa contra jucha luranejja, janis amuyascchi, ucajj juchañchatäniwa, ucat uca jucha luratapatjja phokjjañaparaquiwa.

Levítico 5:18

Uqhamasti oveja tamanacapatjja mä c'umara jan camacht'ata orko oveja apaniraquini, uca ovejan alapsti jumaw tantiyaraquïta, ucatsti sacerdoten ucaruw apataraquïni, uca jucha luräwit loktañataqui, uqhamat cuntejj uca jakejj jan amuyascasina jucha lurcatayna ucat perdón jicjjatañataqui, ucat uca juchapasti perdonatäjjaraquiniwa.

Levítico 5:7

“Janitejj kollkejj ucacama utjarapcani mä jisc'a oveja alañataquejja, ucapachasti Tatitun ucarojj pä paloma, jan ucajj pä paloma wawa aparaquini uca jucha luratapatjja; ucanacat mayasti jucha luräwit loktani, maynïrsti naqhantayatäñatac ofrendat loktaraquini.

Levítico 6:1

Tatitojj Moisesaruw parläna; aqham saraquïnwa:

Malaquías 3:8

Nayasti jumanacarojj sapjjsmawa: ‘¿Jakesti Diosatjja lunthataspati?’ ¡Jumanacasti nayatjja lunthatapjjestawa! Ucatsti sapjjaractawa: ‘¿Cunanaraqui nanacasti lunthatapjjsma?’ sasa. ¡Jumanacasti diezmonacana, ofrendanacanwa nayatjja lunthatapjjestajja!

Josué 22:15

Take jupanacasti Galaad sat orakeruw sarapjjäna, cawqhantï Rubén, Gad, uqhamaraqui chicat Manasés tribunacajj ucancapcän ucaru, ucatsti sapjjänwa: