Isaías 21:2 - Qullan Arunaca

² Diosajj cuntejj uñacht'ayquitu ucasti ajjsarcañawa; lunthatirejj lunthatiwa, t'unjiristi t'unjaraquiwa. ¡Elam, sartasim! ¡Medo jakenaca, nuwantapjjam! ¡Janiw juc'ampi cunsa ist'añ muncti!

Aymar Bibliia 1986

² Diosajj cuntejj uñacht'ayquitu ucasti ajjsarcañawa; lunthatirejj lunthatiwa, t'unjiristi t'unjaraquiwa. ¡Elam, sartasim! ¡Medo jakenaca, nuwantapjjam! ¡Janiw juc'ampi cunsa ist'añ muncti!

Qullan Arunaka DC

² Tatitux kuntix uñacht'aykitu ukax wali axsarkañawa: sallqjirix sallqjiwa, t'unjiristi t'unjarakiwa. ¡Elam markankirinaka, sartasipxam! ¡Medo markankirinaka, Babiloniar nuwantapxam! ¡Janiw juk'ampi ayquñanak ist'kxäti!

Isaías 21:2 Jak'a apnaqawi uñst'ayäwi

Génesis 10:22

Sem chachan wawanacapasti Elam, Asur, Arfaxad, Lud, uqhamarac Aram ucanacänwa.

2 Reyes 17:6

Ucjjarusti Oseas reyejj llätunca mara apnakascäna ucqhasti, Asirianquir reyiw Samaria marca catuntasïna, Israelit jakenacarusti preswa Asiria marcar apäna, ucatjja utjnokayänwa Habor orakenquiri Gozán sat jawira Halah sat chekaru, uqhamarac medonacan marcanacaparuraqui.

Salmos 119:158

Iyawsäwit sarakerinacar uñjasajj ajjtastwa, arunacamarojj janiw jaysapquiti.

Salmos 12:5

Tatitojj jupanacarojj siwa: “Jan cunan jakenacampi, jan yäkat jakenacampejj mutuyataw uñjasipjje, t'akhesiyataw uñjasipjjaraqui, ucat jupanacar yanapt'añatac sartasï, yanapt'ayasiñ munataparjamaw yanapt'ä” sasa.

Salmos 25:3

jumar take chuymamp alcatirinacajj janipuniw p'enk tucupcaniti, ina ch'usat jumar kallasir jakenacasti, p'enka tucuñaruw puripjjani.

Salmos 60:3

Marcamarojj jach'a yant'anacampiw t'akhesiytajja, lokheptayir vino churapjjestajja;

Salmos 79:11

Catuntat jaken aykotapajj nayrakatamar purinpan: jiwañar juchañchatanacarusti ch'aman amparamampiy khespiyam.

Proverbios 13:15

Suma amuyt'ampi sarnakeri jakenacasti takeninsa munatawa sarnakapjjani, ucampis c'ari jakenacajja tucjatäñaruwa sarasipqui.

Isaías 11:11

Uca urunacanjja Tatitojj wasitatwa ch'amap uñacht'ayani, marcapat jilt'irinacaru wasitat jicjjatjjasa, Asiriatsa, Egiptotsa, Patrosatsa, Etiopiatsa, Elamatsa, Sinaratsa, Hamatatsa, kota tokenquir marcanacatsa cuttayanjjaraquiniwa marcaparojja.

Isaías 14:4

aca k'ochwa k'ocht'asïta Babilonia reyit larusisa: “¡Uñtapjjam, cunas jichhajj tucu t'akhesiyirisajja! ¡cunarus puri jichhajj jach'a jach'a tucurejja!

Isaías 14:7

Take acapachaw jichhajj sumancjje samarataquiraqui jicjjatasi cusisiñat arnakasiraqui.

Isaías 22:6

Elamita jakenacasti flechanacapjja waquichasjjapjjewa, carronacaparu, caballonacaparuw jichhajj lat'jjatapjje; Kir sisqui uca chekanquirinacasti escudonacapwa apsusipjje.

Isaías 24:16

Orake tucusitpacharacwa cantatanacapajj ist'asi: “Asqui jakejj jach'ar aptatäpan” sasa. Ucampis nayajj saractwa: “¡Ay cunas acajja, ay cunas acajja! ¡Ch'ojjña lurir jakenacasti jach'a ch'ojjñpin lurapjje!”

Isaías 33:1

¡Ay, cunaquïcan jumataquejj marcanac t'unjiri, ucampis janiw t'unjatäctati, ch'ojjña luriri, ucampis janiw ch'ojjña luratäctati! Jumajj t'unjañ tucuycäta, ucspacharaquiw jumarojj t'unjapjjätam, ch'ojjña lurañ tucuyascäta, ucspacharaquiw jumarojj ch'ojjña lurapjjätam.

Isaías 35:10

Sión marcarusti cusiscañ k'ochunac k'ocht'asisaw mantapjjani, cusisitapuniw jacapjjani. Cusisiñampi, sumancañapwa jicjjatapjjani, jachañasa, t'akhesiñasa ucanjja tucusjjaniwa.

Isaías 47:6

Marcajjampi nayajj coleratäscayät uqhajja, naya quipcaw marcajjarojj mä p'enka catuyta, ucatsti juman amparamaruraquiw antutta. Jumasti janiw qhuyapt'ayasctati, chuymani jakenacjjarusti uca jathi yugomwa apjjattajja.

Jeremías 25:25

Zimri, Elam, Media sisqui uca marcan reyinacaparusa;

Jeremías 31:20

“Efraín marcajj nayataquejj munat wawajjawa; takenit sipansa sinti munat wawajjawa. Juparu tokenokcä ucasa, janipuniw nayajj jupatjja armascti; chuymajjajj ch'alljjtituwa, jupatsti walpun qhuyapayasiractjja. Naya Tatituw ucjja arsta.

Jeremías 31:25

Qhitinacatejj karjata, jan ch'amani sarnakasipqui ucanacarusti mank'añampi, umañampjja jilarquirwa churaraquï” sasa.

Jeremías 49:34

Cunapachatejj Sedequiasajj Judá marca apnakañ kalltcän ucapachasti, Tatitojj aca arunacwa Jeremías profetaru parläna Elam marca toketjja:

Jeremías 49:35

“Naya take ch'amani Tatituw arsta: Elam marcan arconacapjja p'aquiräwa, uca arconacaw juparojj ch'am churaraquejja.

Jeremías 50:14

“¡Arco apnakeri nuwasirinaca, sapa mayni lugaraparcama sarapjjam, Babiloniarusti muyuntapjjaraquim! ¡Uca marcataquisti take flechanacama antutt'apjjaraquim, naya Tatitutaqui jucha lurapjjatap laycu!

Jeremías 50:34

Ucampisa khespiyiripajj ch'amaniwa, sutipasti ‘Take Ch'amani Tatitu’ sataraquiwa. Jupaw take cunsa chekaparu uñjaraquini; marcarusti sumancañwa apanini, ucampisa Babilonianquiri jakenacataquejj jach'a ajjsarcañanacwa apaniraquini” sasa.

Jeremías 51:11

Tatitojj Babilonia marca t'unjañ muni, Media orakenquir reyinacan chuymaparusti uca pachpa t'unjaña amtäwinacwa uscuraqui. Ucaw Tatitun phoksusïwipajja, jupan temploparu cuntejj lurapqui ucanacatjja. ¡Jichhajj flechanacam waquichasipjjam! ¡Escudonacamsa sum catjjarupjjaraquim!

Jeremías 51:44

“Bel sat diosarusti Babilonia chekanjja mutuyaraquïwa, cuntejj mank'antqui ucsa wak'aksuyaraquïwa, janiraquiw marcanacajj juc'ampi ucaru cuttcjjapjjaniti cuna yanapa mayisasa. ¡Babilonian perkanacapajj liwirtjjewa!

Jeremías 51:53

Babiloniajj alajjpachcamas maqhatascpan, jach'a ch'amapa jach'aru aptañataqui, ucarus jupanacataquejj uñisirinacapjja qhitascaquïwa ucan jupanacaru t'unjañapataqui. Naya Tatituw ucjja arsta.”

Lamentaciones 1:22

Juman nayrakatamarusti take ñankha luratanacajjajj purinpan; jupanacarusti juchanacaparjamaraqui uñjam, cunjämatejj nayaru uñjquista uqhama; ¡walpunwa jacharactjja, chuymasa wali usjjaraquitu!

Daniel (hebreo) 5:28

PARSIN, ucasti sañ munaraqui: Juman reinomajj jaljtatawa, jichhasti medo, uqhamaraqui persa jakenacaru catuyataraquïniwa’ sasa.

Daniel (hebreo) 5:9

Uqhamasti Belsasar reyejj walpun ajjsaräna, ajanupasti k'ellupuniw tucüna. Jach'a jilïri jakenacapasti janiw cuna lurañsa puedipcänti.

Daniel (hebreo) 8:2

Uca uñjäwinsti nayajj Susa marcanjamac jicjjatasïyätjja, Elam sisqui uca provinciana, Ulai sisqui uca jawira thiyana.

Daniel (hebreo) 8:20

“Uca pä wajjrani orko oveja uñjctas ucajj Media, uqhamaraqui Persia sisqui ucanacan reyinacapawa.

Apocalipsis 13:10

“Qhitinacatejj preso catuntat apatäpcani ucanacaw apatäpjjani. Espadampi jiwarayatäñapäquis ucanacajj espadan jiwayataraquiw jiwarayatäpjjani.” Take acanacanwa Diosan marcapan ch'amanïtapasa iyawsañanïtapasa yatisini.

1 Samuel 24:13

Nayra tiempo mä säwisti saraquiwa: ‘Ñankha lurañajj ñankha jakenacatwa juti’ sasa. Uca laycu nayajj janipuniw jach'a reyi contrajj amparajj aytcäti.