Levítico 6:2 - Qullan Arunaka DC

² 2 (21) “Kunapachatix maynix juch lurani, jan ukax juchanis Tatitun nayraqatapan uñjasini, jaqi masipar sallqjatap layku, jan ukax, kuna qullqitix jupar katt'ayatäkän ukanak sallqjatapata, jan ukax, jaqi masipat ch'amampik aparxatap layku,

Aymar Bibliia 1986

² “Cunapachatejj maynejj jucha lurani jan ucajj juchanis uñjasini Tatitun nayrakatapana, mayni jake masiparu engañatap laycu, jan ucajj cuna kollketejj juparu catt'ayatäcän ucanac engañatapata, jan ucajj jake masipata ch'amampiqui apakatap laycu,

Qullan Arunaca

² “Cunapachatejj maynejj jucha lurani jan ucajj juchanis uñjasini Tatitun nayrakatapana, mayni jake masiparu engañatap laycu, jan ucajj cuna kollketejj juparu catt'ayatäcän ucanac engañatapata, jan ucajj jake masipata ch'amampiqui apakatap laycu,

Levítico 6:2 Jak'a apnaqawi uñst'ayäwi

Génesis 26:7

Uksankir jaqinakasti Isaacarux Rebecat jiskt'apxäna, jupasti warmixawa sañ axsaränwa, ukat jupax “kullakaxawa” säna. Rebecasti suma uñnaqt'an warmïnwa, ukat Isaacax chuymapan lup'ïna; akankir jaqinakax inampis Rebeca layku jiwayapxchitaspa sasa.

Salmos 51:4

4 (6) Jumataki, jumatakiw juchachasta, jumax juchañchkta uka juch lurta. Ukat juchañchatamax chiqapa; taripäwimas jan kamskayaraki.

Proverbios 24:28

Jan amanut masimar k'arintañatak sayt'amti, janirak k'ari arunak qhanañchamti.

Proverbios 26:19

ina ch'usar qalanak jaqtir luqhi jaqir uñtatawa, ukatsti siwa: “Aliqakiw sawkt'asisksma” sasa.

Isaías 21:2

Tatitux kuntix uñacht'aykitu ukax wali axsarkañawa: sallqjirix sallqjiwa, t'unjiristi t'unjarakiwa. ¡Elam markankirinaka, sartasipxam! ¡Medo markankirinaka, Babiloniar nuwantapxam! ¡Janiw juk'ampi ayquñanak ist'kxäti!

Isaías 24:16

Uraqi tukuyapatpach q'uchutanakapax ist'asi: “Aski jaqix jach'ar aptatäpan” sasa. Ukampis nayax saraktwa: ¡Ay kunas akaxa, kunas akaxa! ¡Ch'uxña lurir jaqinakax jach'a ch'uxñpin lurapxi!

Isaías 33:1

¡Ay, kunakïkan juma Asiria markatakixa! ¡Jumax markaxar t'unjir markätawa! T'unjañ tukt'aykäta ukkhaxa, jumax kipka t'unjataw uñjasïta; ch'uxña lurañ tukt'aykäta ukkhasti, uka kipka ch'uxña lurataw uñjasirakïta.

Jeremías 9:5

5 (4) Sapa mayniw maynitsa larusi, janiw khitis chiqap arsurix utjkiti. Taqinis k'arisiñar yatintatkamakiwa; ñanqhakamakïpxiwa,

Ezequiel 40:46

amsta tuqi uñtatäki uka utasti, altaran irnaqapki uka sacerdotenakatakirakiwa. Jupanakasti Sadoc chachan wawanakapawa, levitanakat jupanak sapakiw Tatitun altarapar jak'achasipxaspaxa” sasa.

Levítico 1:3

“Luqtañ uywatix nakhantayañatak urqu vacänixa, ukax jan kuna kamacht'atäñapawa. Katuqatäñatakisti, Tatitun nayraqatapana, jupampi Jikisiñ Carpar mantañäkis ukawjan luqtatäñapawa,

Levítico 19:11

“Jan lunthatasipxamti. Jan k'arisipxamsa, jumanakkamas janirak sallqjasipxamti.

Levítico 5:15

“Maynitix jan amuyaskasin juch lurani, Tatitur luqtat yänakat sallqjatapas uñstkani ukapachax, oveja tamapat jan kuna kamacht'at mä urqu oveja Tatitun ukar wilañcha luqtañatak apaniñapawa. Uka urqu ovejan alapasti qawqhäkitix qullan utjäwin qullqipax ukarjam chaniñcht'atäñapawa, kunjämatix jucha luräwit waxt'a luqtañax wakiski ukhamarjama.

Levítico 5:19

Uka wilañchasti jucha luratanakat luqtatawa, uka jaqin Tatit nayraqatan juchanïtap layku.”

Levítico 6:1

1 (20) Tatitux Moisesaruw akham sas parläna:

Amós 8:5

jumanakax sapxtawa: “¿Kunapacharak wawa phaxsi phunchhäwi urusti tukusxani trigo aljasiñasatakisti? ¿Kunapacharak samarañ urusti tukusxani, balanza tupunak jisk'aptayas jilar aljañatakisti?

Habacuc 1:13

Juman sinti q'umätamatsti, janiw jan wali lurañxa uñjkasmati, janirakiw ñanqha luräwinakarus, walikiw siskasmati; ¿kunjämarak jiwayirinakarus amuk uñch'uktasti? ¿Kunatarak amukïtasti jan wali jaqinakax jupanakat juk'ampi askïpki ukanakar tukjapki ukkhasti?

Juan 8:44

Jumanakan awkimax supayawa, jumanakax jupankapxtawa, ukat kuntix supayax munki uk lurapxaraktaxa. Supayax qalltatpach jaqi jiwayiriwa. Janiw jupax kunapachas chiq arskiti, jupan k'arïtap layku. Kunapachatix k'arinak arski ukkhax jupa pachpat parlaski; k'arïtap layku, k'arin awkipätap laykuraki.

Hechos 5:4

¿Janit uka uraqisti jumankkänsti? Aljstaxa, ¿janit uka qullqix jumankkarakïnxa? ¿Kunatarak akham lurañ amttasti? Chiqpachansa, janiw jaqinakar k'arintktati, jan ukasti Diosaruw k'arinttaxa —sasa.

Efesios 4:25

Ukhamasti jichhax jan juk'amp k'ariskxapxamti, jan ukasti sapa maynis chiqapak jaqi masinakamarux parlapxam, taqinis pachpa janchinkirïtas layku.

Colosenses 3:9

Jumanakpurax jan k'arintasipxamti, jucha luräwin sarnaqañanak apanukxapxatam layku,

Apocalipsis 22:15

Ukat sipana, anqaruw qhiparapxani jan wali sarnaqirinaka, layqasirinaka, wachuqa juchan sarnaqirinaka, jaqi jiwayirinaka, idolonakar yupaychirinaka, taqi sallqjirinaka, jan wali luras sarnaqirinakasa.