Hechos 5:4 - Qullan Arunaca

⁴ ¿Janit jumanccänjja uca orakejja? Jumatejj aljstajja, ¿janit uca kollkejj jumanccaraquïnjja? ¿Cunats aqham lurañ amttajja? Chekpachansa Diosaruw c'arinttajja, janiw jakenacaruti —sasa.

Aymar Bibliia 1986

⁴ ¿Janit jumanccänjja uca orakejja? Jumatejj aljstajja, ¿janit uca kollkejj jumanccaraquïnjja? ¿Cunats aqham lurañ amttajja? Chekpachansa Diosaruw c'arinttajja, janiw jakenacaruti —sasa.

Qullan Arunaka DC

⁴ ¿Janit uka uraqisti jumankkänsti? Aljstaxa, ¿janit uka qullqix jumankkarakïnxa? ¿Kunatarak akham lurañ amttasti? Chiqpachansa, janiw jaqinakar k'arintktati, jan ukasti Diosaruw k'arinttaxa —sasa.

Hechos 5:4 Jak'a apnaqawi uñst'ayäwi

1 Crónicas 29:17

Nayasti yattwa Diosajjay, jumajj chuymanaca uñantirïtama, ucatsti jumataquejj cheka cancañaraquiwa asquejja. Ucatwa, cheka chuymampi take acanac chursmajja. Jichhasti cusisitaw uñjaracta marcamajj acan tantachatäsina, walja ofrendanacapjja jumaruw churapjjtam.

1 Crónicas 29:3

Templotaqui take cuna waquichta ucanacat sipansa, Diosajjan templopataqui munasiñajjajj utjatap laycojja, Diosan templopataquejja nayan korejja, kollkejja churaracta:

1 Crónicas 29:5

Take korisa, uqhamarac kollkesa waljawa cuna casta metalampi lurañataquisa, uqhamarac cuna lurañanacatejj luririnacapajj munapcani ucanac lurañataquisa. Jichhasti ¿qhitisa asqui chuymampi churañ muni Tatitutaquejja?” sasa.

1 Crónicas 29:9

Jakenacasti uqham walja churapjjatapatjja walwa cusisipjjäna, jupanacajj take chuymawa Tatitur churapjjäna uca laycu. David reyisa wali cusisitaraquïnwa.

Job 15:35

Jupanacajj ñankha lurañampi wallk'eptatäpjjewa, ucatsti aynacht'añanacwa wawachapjjaraquini; cuntejj jupanacajj achupqui ucanacasti c'arinacaquiwa.”

Salmos 139:4

Tatay, janïraw lacajjampis arscti ucqhaw jumajj takpach yatjjtajja.

Salmos 7:14

Ñankha lurir jaker uñtapjjam: wawachasir warmjamaw t'akhesisqui, ñankhamp wallk'eptatawa, c'ariruw wawacharaquini.

Éxodo 16:8

Moisesasti sascaquïnwa: —Jayp'urusti Tatitojj churapjjätamwa aycha mank'apjjañamataqui, uqhamarac alwatarusti churapjjaraquïtamwa walja t'ant'a sist'asiñcam mank'apjjañamataqui. Ucampis jupajj ist'iwa jumanacajj jupa contra jan wali parlapjjatamjja, ¿nanacajj qhitïpjjtsa? Jumanacasti janiw nanac contra parlapctati jan ucasti Tatitu contraw parlapjjtajja.

Éxodo 35:29

Take israelit chachanaca, uqhamarac warminacaw chuymanacapan amthapisipjjäna cuntejj Tatitojj luram siscäna uca lurañan yanapt'añjja, ucatsti take chuymaw ofrenda Tatitutac apanipjjäna.

Eclesiastés 5:5

ucampis asquiwa jan cuna arsuñasa, phokhäwa sas jan phokhañajja.

Isaías 59:4

Janiw qhitis chekaparu arsusquiti, cheka uñjäwi jicjjatañansti janiraquiw cheka chuymampi sarquiti. Jan ucasti c'ari arunacaruw juc'ampi alcatasipjje, uqhamaraqui cunatejj jan chekapäqui uca arunacaru, ñankha lurañampisti wallk'eptatäpjjewa, ucatsti jake jiwayañracwa wawachapjje.

Ezequiel 38:10

“Naya Tatitusti aqham sistwa: Uca urunacansti ñankha amtäwinacaw p'ekemarojj jutani.

Números 16:11

Chekpachansa Aaronajj janiw qhitïquisa jupat parlasitanacamajja; Tatitu contraw jumasa, jilanacamasa sartapjjtajja —sasa.

Lucas 10:16

“¡Qhititejj jumanacar ist'qui ucajj nayaruw ist'itu; qhititejj jumanacar jan ist'apctam ucasti nayaruw jan ist'quituti; nayaru jan ist'irïqui ucasti qhitanquitu ucaruw jan ist'quiti!.”

Hechos 5:3

Pedrojj saraquïnwa: —Ananías, ¿cunats Supayajj chuymamar manti, Kollan Ajayuru c'arintañamataquejja uqhamarac orakem aljat kollket mä chicat imantañamataquisa?

Hechos 5:9

Pedrosti sascaquïnwa: —¿Cunats jumanacajj uqham yatichasipjjta Tatitun Ajayuparu c'arintañataqui? Acajjaya punc mantasinipqui chachaman jiwat amayapa imantanjjerinacajja, jichhasti jumaruraquiw apapjjätam —sasa.

1 Corintios 8:8

Cuntï mank'ctan ucajj janiw Diosatjja jayarst'ayquistuti. Janiw mank'asati asquïcañänejja, ni jan mank'asas jan asquïcaraquiñänejja.

1 Tesalonicenses 4:8

Uqhamajj qhititejj aca yatichäwir jisc'achqui ucajja janiw qhiti jakerus jisc'achquiti, jan ucasti Diosaruw jisc'achasqui, qhititejj Ajayup churquistu ucaru.

Filemón 1:14

Ucampis janiw cunsa juman jan camsatajj lurañ muncti. Cuntejj jumajj yanapquista ucajj jan nayan jariyatjama lurañamataqui, jan ucasti juman munañamata lurañamwa munta.

Santiago 1:15

Uca jan wali amtäwinacatwa juchajj sarti, ucatsti cunapachatejj uca juchajj jach'äjje ucqhajja, jiwañaquiw purinjjaraqui.

1 Samuel 8:7

Ucampisa Tatitojj saraquïnwa: “Cuna mayitanacapsa ist'ascaquim, cuntejj marcajj maycätam ucjja jaysascaquim, janiw jumaruti jisc'achapctamjja, jan ucasti nayaruw jisc'achasipquitu, jan nayan jupanacaru apnakañajj laycu.