Amós 8:5 - Qullan Arunaca

⁵ Jumanacajj sapjjtawa: “¿Cunapachas wawa phajjsi fiestasti pasani trigo aljasiñasataquejja? ¿Cunapachas pasjjani samarañ urusti, tupunac jisc'aptayasa, balansa pesanac jisc'aptayasina, jila alaru aljañataquejja?

Aymar Bibliia 1986

⁵ Jumanacajj sapjjtawa: “¿Cunapachas wawa phajjsi fiestasti pasani trigo aljasiñasataquejja? ¿Cunapachas pasjjani samarañ urusti, tupunac jisc'aptayasa, balansa pesanac jisc'aptayasina, jila alaru aljañataquejja?

Qullan Arunaka DC

⁵ jumanakax sapxtawa: “¿Kunapacharak wawa phaxsi phunchhäwi urusti tukusxani trigo aljasiñasatakisti? ¿Kunapacharak samarañ urusti tukusxani, balanza tupunak jisk'aptayas jilar aljañatakisti?

Amós 8:5 Jak'a apnaqawi uñst'ayäwi

2 Reyes 4:23

Chachapasti juparojj jisct'änwa: —¿Cunataraqui jichhüru jiquisiri sarätasti? Janiwa machak phajjsïquisa, ni samarañ urüquisa —sasa. Warmisti ucjjarojj sänwa —jan llaquisimti —sasa.

Éxodo 31:13

“Jumasti israelitanacarojj aqham sasa yatiyam: ‘Jumanacasti nayan samarañ urunacajj-jja imapjjätawa, ucasti mä unanchawa wiñayataqui nayampi jumanacampitjja, uqhamatwa jumanacajj yatipjjäta naya Tatitojj jumanacaru ajllisitajja.

Proverbios 11:1

Tatiturojj c'ari pesanacajj ajjtasiyiwa, ucampis phokhat pesanacajj juparojj cusisiyiwa.

Proverbios 16:11

Pesanacasa, tupuñanacasa Tatitunquiwa, chekaparu uñjañapataqui; take pesanacawa jupan lurata.

Proverbios 20:23

Tatiturusti jan phokhat pesanacasa, uqhamarac c'ari balanzanacasa ñankhachiwa.

Isaías 1:13

Jan juc'ampi uca jan wali churäwinac apanjjapjjestati, janiw ucanacan jek'enacapjja uñjan muncti. Jumanacajj take jakenacaruw machak phajjsi, uqhamaraqui samarañ uru fiestachañataquejj jawsapjjtajja, ucampis janiw nayajj uca fiestanacamjja uñjañ muncti, uca pachpa fiestanacan ñankha luratanacamsa.

Isaías 58:13

“Samarañ urjja jan apanucumti, nayan kollana urojjansti jani aljasiñanacaman sarnakamti, uca urusti jumataquejj cusisiñ uruwa, Tatitun kollana urupawa, jach'achatäñaparaquiwa; uca urjja jach'acham, janiraqui jumataquiqui aljasiñanacan sarnakamti.

Oseas 12:7

Tatitojj siwa: “Canaanajj c'ari pesanac apnakañ yati, sallkjañajj jupatac sumätap laycu.

Oseas 12:8

Efrainasti saraquiwa: “Jïsa, kamiriw tucta, take cunwa jicjjatt'asiracta; ucampis janiraquiw qhitis juchañchquitaspati ganancianac uñjatajjatjja, lunthatasiñampi jicjjatasitajjatjja.”

Levítico 19:36

Balanzanacamasa, take pesanacamasa, uqhamarac take tupunacamasa phokhatäñapapuniwa.

Zacarías 5:6

Juparusti jisct'aractwa: —¿Cunas ucajja? —sasa. Jupasti saraquituwa: —Ucajj mä tupuñawa. Marcpachan jacapqui ucan juchap tupuñawa —sasa.

Zacarías 5:8

Angelasti saraquituwa: —Uca warmejj ñankhawa —sasa. Tupuña mankharuw nuqhunti, plomot lurat khopiñampiw jist'antaraqui.

Malaquías 1:13

Jumanacasti sapjjtawa: ‘¡Take acanacampejj karitäjjapjjtanwa!’ sasa. Ucatsti jisc'achapjjaraquistawa. Amuyapjjaractawa nayajj cusisiñampis catokapquirisma uca lunthatat uywanaca, usuta, cojo uywanaca loktanipquista ucanacjja. Jumanacasti ¿‘Catokestaniw’ sapjjtati? Siw take ch'amani Diosajja.

Números 10:10

Uqhamaraqui trompetanacjja phust'asipjjam, cusisiña urunacansa, fiesta urunacansa, machak phajjsïqui ucapacha, cunapachatejj nactayasin sacrificionac loktapcäta, uqhamarac sumancaña sacrificio loktasipcäta ucapacha. Uqhamatwa nayajj jumanacat amtasipjjäma. Nayaw jumanacan Tatitu Diosamätjja.”

Colosenses 2:16

Mank'apjjatamatsa umapjjatamatsa jan qhitis jumanacarojj jisc'achpati, cuntï machak phajjsi uñsta urunacana, uqhamarac fiesta urunacansa, samarañ urunacan lurapctas ucanacatjja.

1 Samuel 20:5

Davidasti saraquïnwa: —Kharürojja phajjsi kallta fiesta uruwa. Nayasti reyimpi chicaw mank'asiñataqui kont'asiñajjaraquejja. Ucampisa nayarojj jan ucancañajjataqui churita, jurpüru jayp'ucama pampan imantasiñajjataqui.